Jemisi 2:14 - BAṈARA KO VAIRU AMA LEVELEVEO

¹⁴ Me a lolo poso mela, pui uri tu kala ta eri kiovou, aṉata oqu salala kiovou, melai voko iruruputo poso ta pui ko kasa pueka ko oqu. Soama oqu ta maba pui kopa roveovou pakievo vo.

Jemisi 2:14 Referans Kwoze

Luke 6:49

Melai vo pui o viqani aṉako bazubazu ni vo pui o zorikani ko ta omadeuvo voa maba vo o erekeni voko pade miduku topi puliama vola topi jari ala, ni ko nioqololo ta ko kuevake ni ko ibaekake koa pade ni omadeu pialo kota evake, ni kota niaqaniaqariake koa pade,” kiolake vo Jisu.

Taitasi 1:16

Seko pesio kale ta seta kevai nianiia vo Baṉara kikela, melai seko iruruputo kale ta pui tuvevo ke ika. Seta matu kuvaruvarua melo o evani vo Baṉara, ni meomeo kamu, pui ke bokaovani ereko uri ama quli.

2 Pita 1:5

Sokale avo inio meta me matu madoekou tu uri me ikou meko saevo. Meta oqu samela, melai matu madoekomo tu kokale meta kati tuboekomo ko uri ama kalo ni ko nianiio,

Jemisi 2:26

So inio, ko auvana pide ama tupu ta vouma, ni so jari nio ko iruruputo pide ama oqu ta mata vouma.

Hiburu 11:17

Oqu kale inio Ebarahami ta siqasiqa kaqe o ivo kiolake vovo meqora Aisake so keru vo Baṉara o madoeve keru vo Ebarahami. Ebarahami ta kala pado maba vo Baṉara lula o kativeni ko vario ko leveleveo, melai vota o inainaoke tu vota ovai ereko ko siqasiqa vovo pado meqora kiolake.

Hiburu 13:9

So sole pui zarieko ko edoloma vairu ama pesio poso, se maba poso kekai erekako ko azaazama nianiiekato tu kota mela sarueko meko sidopu ama keve. Qulepo ama quli ta kovo vo Baṉara ko mauruto sama roquano. Ko ikio meko auvana kale ama pizato, pui se Jiu amu ko sailao ko Bazu poso ko zoriko. Ako seke zorikani koa bazu poso ta pui ke tauvezia kokale sole.

Qelesia 5:6

Ni eṉe omadeu ṉe evani ṉela Jisu Karisito sase ta ṉe baqumukani ṉela ta pui ko tauveṉela ko moveilo ni pui moveilo tu sidopu elo Baṉara ko kelokelozato kale. Ako qulepo ama quli ta oqu ikio sole, koa oqu ko kasa ko evako roquano kale.

Jemisi 2:18

Melai esa kala ta eri kiovou, “Kala ta oqu sala, kala ta iruruputo sala.” Aṉako opato ta eri, “Ṉota pui ṉoba roveovou la kasevo kala maba vo o ṉeamukani ko iruruputo pide ama oqu. Melai aṉata aṉa kasekou aṉako oqu aṉako iruruputo kale.”

Iruruputo 8:21

Puliama ta ṉoko kena tu ṉota ṉo qovo komia iruruputo kale, ako ṉoko bulo ta pui sidopu vo Baṉara ko kelokelozato kale sole.

Matiu 5:20

Sole aṉata a bazuemela me, meta erekomo ko quli vo Baṉara oka zariako quli tu kai paloasomo se vo Mosese ko Bazu ko nianiiekato ko maba poso ni se Parese madu ke erekako kalo. Ako pui so tea, meta pui meba malezikou tu kai amaqeo vo Baṉara ko lekasa puo,” ma kiolake.

Taitasi 3:8

Kota tuvevo ama bazu ikio. Aṉata aṉa zaria ṉo tu ṉota matu piza kavole ṉomai bazuekou komi quli, tu se kevai keruani vo Baṉara ta ke ereko ko uri ama iruruputo seko dikidauputo kale, koko uria tauvemo ama kiadama maba poso.

1 Timoti 1:5

Aṉata a bazueṉa ṉo tu dokolima se, ako aṉata aqa zaria tu sea lotu qoqono ta ke roquekinio rurubiatana kama bulo kale, ni uri ama vatolo kale, ni tuvevo ama oqu kale.

1 Tesalonaika 1:3

Ako vo animevo Baṉara ko tanama kale eṉeta ṉe matu kerukerueka ko meko oqu ko puratikako iruruputo, ni meko roquano ko imelania matu nabuluputo, ni meko pizaka vai keru vo Jisu Karisito tu kovo ko noqola kama saevo ko imelania vinavina.

Qelesia 5:13

Melai a qaka ni visi poso, vo Baṉara ta o nokaemele me tu me rupasio. Melai koa meko rupasio ta pui tu meko ruqe ama zario kaqe, melai koko kio ni kalo ta meta tauvekiniomo roquano kale.

1 Koriniti 15:2

Ko ikio koa Bazu koko pakiemelo ama me, pizaka noqoeko mebeta elou ta. Melai meta edolovo me ikou meko tuvevo puto inio meko tuvevo puto ta pui kopa tauvemelou me.

Iruruputo 15:9

Vota pui edolovoa puariko opa eve anime kasi ni sekasi, ni vota ota ma akoekake seko sarueko poso ako seta ke tuvevo putake sole.

Jemisi 2:16

Pui uri tu meta eri ma kio se, “Baṉara ta mauru o imelou me! Olamo pade kasi suma kovole ni pa uria keazatomo!” puliako me katimo se saevo ko korotikako quli.

1 Timoti 4:8

Tupu kale ama madolo kale pizatiko ko tupu ta silo pala tauvezato sama, melai tava paṉao vo Baṉara ta kobe kai paloasa kiadama keve kale, ako kota ko tauveka vairutu ama ni ko kilo ama saevo sole.

Iruruputo 8:13

Ni Saimone melai ota tuvevo putake; ni voko bapitaiso puilo ko tova, vota o evake Pilipi ko sipole ni vota okai matu vuzeike vo o keve keru ko aqasiele ama iruruputo ni urikato ko ereima.

1 Koriniti 16:22

O leveziovou vo pui o roquevani vo Lekasa! Marana tha—Vaite, eṉevo Lekasa ṉa!

Romu 2:25

Meta me zorikou ko Bazu inio meko moveilo ta kalo sama quli, melai meta me bikoirikou koa Bazu kikolani ta koa moveilo ta kalo pide ama ikio.

Luke 3:11

Nio vota o mati tiorikake se ni eri kiolake, “Voa maba omuqa pala topia sabosabo sala ta o kativo ka pala vo puliama sala, ni vo sailao sala ta okai puaro ko,” kiolake.

Jemisi 1:16

Me a lolo poso a roquemelani mela, meta pui zariemo kake tu seta ke saruemelo me!