Jemisi 1:21 - BAṈARA KO VAIRU AMA LEVELEVEO

²¹ So sole meta vaekomo kiadama kuna kama kalo ni kiadama ruqe ama iruruputo. Katiziomo Baṉara kasi ni ṉeamukomo ko bazu vo o papakako meko bulo kale, koko roveako pakiemelo me.

Jemisi 1:21 Referans Kwoze

Epesasi 4:22

So inio meta me bazui tu vaekomo meko lulama saevo ni mata pui meqai saevou koa ruqe ama saevo ko me meqai saevema koko paloasema taku kale. Ni koa lulama saevo ta ko matu niumaniumaeka ko maba, ako se maba poso ta sarube ko ima sole koa ruqeruqe ama quli se kekai zariako ereko.

Epesasi 1:13

Ni so jari meta vo Baṉara ko meqora poso mela me eveni mela so keru me viqe keru ko tuvevo ama nianiiekato, koa meko pakiezato sama bazu. Ni me tuvevo me ive keru vo Karisito inio vo Baṉara ta o mamola puemele me tu o ṉavi kaqe voko katimelo kale voa Tabu ala Auvana vo leveleveo o iveni.

1 Pita 2:11

A baerebaere poso, erisaṉa meta pui komia ruqe ama peuru ma peuru ko kunialea mela. So inio aṉata a mela zaivota me tu meda ka balauvou meko tupu kokai zariako ereko, ako komi quli ta ko kati kanaekimou sole meko auvana poso.

Jone 6:63

Vo Baṉara vo Tabu ala Auvana inio o saevizatani, maba ko pizato ta puliama saevizato sama. Koa pesio poso aṉa lula a qasekako mekasi ta pizato sama tu kota ko vati kilo vo Baṉara vo saevizato sala Auvana.

1 Pita 2:1

So sole meta vaekomo kiadama meko ruqeruqe ama kalo ni lipalipato. Ni meta pui se kekai lipalipaitani ko sidopu jari kalo. Ni pui me qonoilou ni pui me ruqe kasemou se edolomu. Meta me vaekou koa kiadama quli meko saevo kale azo.

Hiburu 12:1

Sea matu kubo animeko taite poso se kekai bazuteni seko oqu ta inisiana animeko levoano kale, so sole animeta me ṉamukou kiadama quli koko tizaemelako anime, ni ko sarueko poso koko matu raitimelako anime, tu pataito kale animeta mebeta zomano animeko rereo kale ama voziekinio kale ko animeko kuleto ko inainaivako.

Jemisi 4:8

Kuemo Baṉara ko sipole, ni vota o kilou meko sipole. Meta liliziomo meko sarueko poso kale azo, me sarueko poso samela! Rurubiatana ikomo meko bulo poso, mea maba poso mela me meqai lipalipaitani mela ko sidopu!

Taitasi 2:11

Ako vo Baṉara ta lula kasa o ike voko pakiezato sama roquano tu kiadamu ta ke pakio.

Romu 1:16

Aṉata aqai uria kerua ko Uri ama Bazu kota vo Baṉara ko pizato tu ko pakiemo sea kiadamu seke tuvevo puekani, kuleto se Jiu amu, ni so jari se pui Jiu amu.

Hiburu 4:2

Ako animeta lula me viqa ko Uri ama Bazu, lulavo kemai bazuekema jari ama. Seta ke viqe koa bazu, melai kota pui kopa tauveme se, ako so keru seke viqe keru ko, ta pui kepa ṉeamuke ni pui kepa kai oqui sole.

Hiburu 2:3

So sole nonia soqoilo inio me elou anime pui me didiekou ni varokou ta koa raura kama pakiezato ko bazu? O ṉavi Lekasa Jisu inio kuleto o kasekeni koa pakiezato sole, ni se keta va viqeni vo ta ke vinaeke kaseko anime kasi ta kota tuvevo ama kio.

1 Koriniti 15:2

Ko ikio koa Bazu koko pakiemelo ama me, pizaka noqoeko mebeta elou ta. Melai meta edolovo me ikou meko tuvevo puto inio meko tuvevo puto ta pui kopa tauvemelou me.

Romu 6:17

Melai aṉata a ilusiva vo Baṉara, ako kuleto meta ko sarueko ko mabaku mela melai erisaṉa meta lula me zorika meko pado ama bulo sate koa tuveano sama nianiiekato ko me viqema.

Jone 6:68

Nio Saimone Pita ta o vati tiorikake, “Lekasa, lala kasi nio eṉe ṉeba ziovoa koi? Ako ṉoṉo qiada inio ṉo buarikani ṉa ko ṉisa saevo ko pesio sole.

1 Tesalonaika 2:13

Ni mata eri kale avo inio eṉeta pui ṉe lalamata ilusivo vo Baṉara. Ako so keru eṉe ṉe qati kuevi keru mekasi vo Baṉara ko bazu, ta meta me viqe ko ni me ṉeamukake ko, ako meko kerukeru kale ta kota pui kama maba ko bazu jari ama ikio sole, kimeve, melai kota o ṉavi Baṉara ko bazu kimeve. Ni meta meda tuveane, ako kota o ṉavi Baṉara ko bazu tisoiko. Ako vo Baṉara inio o iruruputani meme duvevo putani mela ko saevo ni bulo kale sole.

2 Koriniti 7:1

A lolo poso mela, ta vo Baṉara ta lula leveleveo o mela ika anime ta vota animevo Mama ni vota anime sate o elou. So sole erisaṉa animeta me epezou ereko kiadama ruqe ko anime kaqa ko imelako vo Baṉara ko vilu kasa, ni animeta tuvevoa tabu me elou animeko tava paṉao kale vo Baṉara.

Iruruputo 13:26

“Aṉako mabamu mela me Izireli amu mela, vo Ebarahami ko vikuvikula kalea mela, ni kiadama pui Jiu amu mela meme ilusivani mela vo Baṉara: anime kasi inio ko soroi komia pakiezato ko bazu!

1 Pita 1:9

Ni meko zoleilo ko raki ta eri, meta me qoa meko oqu ko zuato, ko ikio meko pakio.

Romu 11:17

Kama kata poso koa mabamaba kama Olive ore ko ta kota lopai ni kama piru ama Olive ore ko kata ta kota nasoi ko tona ni Baṉara ta o qotupike. Ṉo pui Jiua laṉa inio koa piru ama Olive ore ko kata jaria laṉa ṉoṉo nasoivani ṉa vo Baṉara ko mabamaba kama Olive ore topi tu ṉo qovo voko matuma mauruto.

Iruruputo 10:33

So sole aṉata a joroemala se ṉokasi maba koa taku kale, ni matu uri ṉota ṉo rovela kilo. Nio erisaṉa ta eṉea kiada ṉela ta ṉebeta eva koi vo Baṉara ko tanama kale ṉebe tareka tu ṉe viqo ko quli vo lula oṉai bazuekako ṉo tu ṉo ṉelai bazuekou eṉe,” kiolake.

Matiu 5:5

“Keta zoleiva tisoiko seke zarazaraivani, ako seta ke kovou sole ko uri ama quli vo Baṉara oma inainaekema.

1 Tesalonaika 1:5

Ako eṉeta ṉe qati kueva vo Jisu ko Uri ama Bazu mekasi sole, pui pesio kale pala ko kiada, melai vo Tabu ala Auvana ko pizato sate, ni eṉeko matu vinavina kai keru koa Uri ama Bazu ko tuveano sate. Ako meta meqai nianiia eṉeko kalo so keru eṉe ṉe eve keru mekasi ta ko tauvemele me.

Epesasi 5:4

Ni so jari meta pui me qovasa putou me ṉavio kude, ni pui me rukuekou sarube ama pesio ni pui meqai bazutou kuna kama balebaleito pesio ako komi quli ta pui kopa melati mabuvou sole. Melai meta me qativou meko uriavo vo Baṉara.

Epesasi 4:25

So sole meta pui me lipalipatou, melai me qasekou ko tuveano mevo lolo vo o tuvevo putani kasi ako animea kiada mela ta omadeu tupu kalea mela sole vo Karisito kale.

Jemisi 5:20

voa maba vo o lilivani kala maba voko sarueko kale azo, vota o pakieva voa sarueko sala maba heli kale azo, ni kubo sarueko poso ta ko akoilou.

1 Pita 1:22

Meta lula bulebule me evani mela vo Baṉara ko tuveano ko zoriko kale, tu me roquemou meko lolo poso lipalipa pide ama roquano kale. So sole roquekiniomo muli tuvevo avole meko bulo kale.