Jemisi 1:1 - BAṈARA KO VAIRU AMA LEVELEVEO

¹ Aṉa Jemisi lala, vo Baṉara ni Lekasa Jisu Karisito vo nabulu lala, ta a rikieka komia roquano sama leta kiadama vo Baṉara ko maba poso mela me lula birebirea elo me evani mela kasi kiadama peuru ma peuru kale.

Jemisi 1:1 Referans Kwoze

1 Pita 1:1

Aṉa Pita lala, vo Jisu Karisito vo apositolo lala, ta a joroeka komia riki mekasi, vo Baṉara ko pitopito ama qoqono mela kasi meme vaekeni mela meko peuru poso, ni me birebireini mela Ponitasi rana ni Qelesia rana, ni Kapadosia rana ni Eisia rana ni Bitinia rana.

Jone 7:35

Nio se Jiu ama tanatanamu ta eri kikelake ke ṉavio kude, “Lai nio vo o ziovoa koi inio animeta pui meba roveovo avo velo vo? Ota ziovou nio se Quriki amu ko matu peuru kale sai Jiu amu ke evakoi, tu opa nianiiekimo se Quriki ama maba poso kio?

Iruruputo 8:1

Ni voa Saula ta oka zoleike Sitiveni ko vouvaevo. Ni koa ṉaniu kale inio Jerusalema ama lotu qoqono ta ko tanitake tapata elo ruqe ama naqunaquto kale. Ni kiadamu seke tuvevo putani ta azama buara keta evake koa pado ama Jiudia ni Sameria ma peuru poso kale, melai se apositolo madu ke kiada ta Jerusalema kebeta evake.

Iruruputo 26:7

koa leveleveo animea toni omuqa toutou mela meqai keruako tu me qovo ama ka kimelako, anime me ilusivani mela vo Baṉara ipu ni ṉaniu. Ni komia keru kale inio, aikovakova Aqiripa ṉa, se Jiu amu ta kelai kuirika!

Iruruputo 15:23

ni seta ke kati soroekake ko leta eri kikolako bazu sama: “Eṉe apositolo ṉela ni lotu tanatanamu ṉela, meko tamania kalea ṉela, ta ṉe joroeka eṉeko roquano kiadama eṉeko visi poso ni kaka poso mea maba poso pui Jiu amu mela Anitioko peuru kale me evani mela kasi, ni Siria ni Silisia.

Taitasi 1:1

Aṉa Paula lala, Baṉara vo nabulu ni kala pado vo Jisu Karisito vo apositolo lala, ta a rikieka komia leta. Vo Baṉara ta o pitoele ni o soroele aṉa tu a dauveko voko maba poso ko oqu ni amai nianiiekiko se koa tuvevo ama nianiiekato, koko odiemo ama uri ama lotu saevo kale.

Qelesia 2:9

Nio Jemisi, ni Pita, ni Jone ta ke keake vo Baṉara ko roquano kale o katilema koidi. Ni se inio sea vilua pikopiko madu me meda ma matu paṉaovani ma kimelani! Nio seta uri ama ka kikeve aṉa ni Banabasi ko iruruputo, so sole eṉeta ṉe jaṉaekiniake tu ko tuvevo puilo ko so, ni seta eri kikelake, “Paula ni Banabasi, matu zakaremu inio ko ṉelai eva eṉe ta vo Baṉara ta o soroeqela qe tu qe ziovou pui Jiu amu kasi, ni eṉeta o soroeṉela tu ṉe ziovou Jiu mu kasi,” kikelake.

Iruruputo 15:13

Ni so keru nioqa qo paika keru pesio nio vo Jemisi ta o pesiake ni eri kiolake: “Didielomo aṉa, me a baerebaere poso mela!

Romu 1:1

Ana ta Paula lala kala pado nabulu lala vo Jisu Karisito vo ni kala pado apositolo vo Baṉara o nokaeleni lala ni o pitoeleni lala ni o soroeleni lala kai bazutole ko Uri ama Bazu.

Iruruputo 21:18

Ni koko raneo kale inio Paula ta o olake Jemisi toraevole eṉe sate ni kiadama lotu tanatanamu ta ke zomanake.

Jone 12:26

Vo oka zariani la nabuluputo aṉa ta o luluelo aṉa, tu voa aṉavo nabulu ta o elou aṉa sase sai aṉa a eloa koi. Ni aṉavo Mama ta o rauraevou vo vo ola nabuluputo ala aṉa,” kiolake.

Matiu 19:28

Nio vo Jisu ta eri kiolake sekasi, “Aṉata a bazuemela me, tovama ṉaniu kale aṉa maba a eveni lala a bapuvou keru aṉako ṉaṉaidara kama lekasa puo ko papupapu topi nio me aṉako toni omuqa lulupato ko maba poso mela melai me bapuvou aṉa sate me ṉaviko papupapu topi, ni mema lekasa puovou koa toni omuqa toutou Izireli.

Jiudi 1:1

Aṉata Jiudi lala, vo Jisu Karisito vo nabulu, ni Jemisi vo visi lala. Aṉata a rikieka komia leta mekasi vo Baṉara lula o nokaemelani mela kasi, me animevo Mama Baṉara ko roquano kale ni Jisu Karisito ko vailo kale me evani mela.

2 Pita 1:1

Aṉa Saimone Pita lala vo Jisu Karisito vo nabulu ni apositolo lala. Aṉata a joroeka aṉako riki mekasi, me matu qulepo ama oqu samela kasi eṉe ṉe qoema oqu jari ama. Ni meta me ṉeamuka koa oqu ako animevo Baṉara ni Pakio Jisu Karisito ta ijatiniavo o kavani ni sidopu ala sole.

Pilipai 1:1

Aṉa Paula lala ta a rikieka komia riki Timoti sate, vo Jisu Karisito ko nabulu kidi qela, mea kiada mela kasi vo Baṉara ko maba poso mela me omadeu me vati evani mela vo Jisu Karisito meme evani mela Pilipai, ni so jari me lotu qoqono ko vilua pikopiko ni tauvezato ko maba poso mela kasi.

Qelesia 2:12

Ako eri nio o kae sole. So keru Pita kuleto o kuevi keru Anitioko, vota o mati vuatake se pui Jiu ama lotu maba poso, puliako Jemisi o soroemeni Jiu ama maba poso barolo. Ni so keru sea maba poso ke baroa keru, vota ota epezake mata vuato se pui Jiu ama maba poso sase ni ota pitasiake sekasi azo. Ako vota ota ma ṉake sole se Jiu amu se kekai zariani kiadama pui Jiu ama lotu maba madu tu ke movemou.

Qelesia 1:19

Ni sai ta mata puliala apositolo aba toraeve, melai Jemisi o kiada, vo Lekasa Jisu vo visi.

Iruruputo 15:21

Ako vo Mosese ko Bazu ta lula ko tiromiovi matu lulavo azo ti kobeta baroa vairutu Jiu amu ko ilusato ko pade poso kale kiadama Sabati ṉaniu kale, ni vo kiolani ta kekai bazubazuta kiadama peuru kale sole,” kiolake.

Iruruputo 1:13

Seta kekai amaqeake koa matu peuru ni kekai zakeike okate ama lose kale sai seke evakoi: Pita, Jone, Jemisi ni Aduru, Pilipi ni Tomasi, Batolomiu ni Matiu, ni Jemisi Alepiasi vo meqora, ni Saimone kala pado sekale ala se keka zariovini rupasimo Izireli qoqono Romu ko vailo kale azo tu ke ṉavi ke lojolo, ni Jiudasi Jemisi vo meqora.

Matiu 13:55

Ako nei ta vo kamada vo meqora inio ni Mere ikio voko niania, ni Jemisi ni Josepa ni Simeoni ni Jiudasi ta voko visi poso,

Iruruputo 12:17

Ni vota o zolaekake voko ṉase tu ke moizailo ni vota omai zakaremu puekake vo Baṉara o ivevoa saqorivo vo pirito pade kale azo. Ni vota eri kiolake, “Vai bazuekomo komi quli vo Jemisi ni sea kiadamu ke tuvevo putani,” kiolake. Ni vota o vaemake se ni ota olake edoloma zaekale.

Kelokelozato 7:4

Ni aṉata ada ma viqake seko ataataiti se Baṉara ko kejo ke kape poso topi samu ta seta 144,000 madu inio. Seta koa toni omuqa Izireli toutou kale amu inio,

Iruruputo 2:5

Ni kake Jiu amu ta inisiana Jerusalema ke eveni, Jiu amu ko lotu ko piza kama maba poso seke kuevini sipole kiadama peuru ma peuru kale azo.

Luke 22:30

Ni meta me vuatou ni me nozutou aṉako tevolo topi aṉako lekasa puo kale, ni meta me bapuvou lekasa ko papupapu topi ni mema lekasa puovou koa toni omuqa toutou Izireli,” kiolake.

Matiu 10:3

Pilipi, ni Batolomiu, Tomasi, ni Matiu vo takisi ko maba, ni Jemisi vo Alepiasi vo meqora, ni Tadiasi,

2 Timoti 4:21

Matu madoeka tu ṉota kua puliako sarosaroro ko taku baro. Iubulasi, Pudenisi, Laenasi ni Kolodia ni so jari sea kiadamu se koizama lotu maba poso ta ke soroeka seko roquano ṉokasi.

Iruruputo 23:26

“Aṉa Kolodiasi Laisiasi lala taṉa paṉao kale ṉoa Qavuna Filekisi ṉa. Matu uri aṉata a rovea rikieko komia leta ṉokasi.

Luke 6:15

ni Matiu ni Tomasi, ni Jemisi Alepiasi vo meqora, ni Saimone, kala pado sekale ala se keka zariovini rupasimo Izireli qoqono Romu ko vailo kale azo tu ke ṉavi ke lojolo.

Maka 3:18

Ni Aduru, Pilipi, ni Batolomiu, ni Matiu, Tomasi ni Jemisi vo Alepiasi vo meqora, Tadiasi ni Saimone vo oka zariovini rupasimo Izireli qoqono Romu ko vailo kale azo, tu ke ṉavi ke lojolou,