Iruruputo 6:3 - BAṈARA KO VAIRU AMA LEVELEVEO

³ So sole lolo poso meta pitoemomo sikeura maba madu me ṉavi kasi amu, se me memai nianiiani komai sukato amu vo Tabu ala Auvana ni Baṉara ko nianiio, ni eṉeta ṉe qatimou se koa iruruputo.

Iruruputo 6:3 Referans Kwoze

1 Timoti 5:10

ni se kota ma kaseivani seko uri ama iruruputo poso, ni seke mati uria vailani seko meqora poso, ni seke baroekimani se edolomu seko pade kasi, ni se keta ma panaovani ti kema koidipani seke luluevani vo Karisito, ni se lula ke tauvezatani tapata keru, ni se dikidauputole ke erekani kiadama uri ama iruruputo. Se ke kiada inio.

3 Jone 1:12

Kiadama maba madu ta kekai bazubazuta vo Dimitiriasi ko uri. Ni voko lulueko ko tuveano melai ko tuvevo pueka se kikelani. Ni eṉe melai ṉeda vai bazubazuta voko uri. Ni ṉota ṉoqai nianiia ta eṉe kiṉelani ta tuvevo avo.

Jemisi 1:17

Kiadama uri ama ni kiadama sidopu ama katizato ta ko kuevako aukale azo; kota ko saqora Baṉara kasi azo, vo o erekeni aukale ama zakaremu poso, ṉaniu ni kaboso ni Suti poso, ni voko zakaremu ta pui ko besizia omadeuvo kaboso ko zakaremu ko besizia jari.

Epesasi 5:18

Ni meta pui doilili kai elo ko piza kama ju. Ako ko doilili elo ta ko niumaemelou me sole. Melai meta sukatomo Tabu ala Auvana kale.

1 Koriniti 16:3

Ni so keru aṉa a qilou keru inio meta me bitoemou kake tu ke kati zio koa takula Jerusalema peuru kale, ni meta mema rikiekou ko leta poso seko koidi ko zakaremu puto sama, ni me joroemou se.

Iruruputo 22:12

“Ni koa peuru kale ta inevoana kala maba o ṉi ta Ananaiasi, vota kala maba vo o ilusivani vo Baṉara ni o matu zorikani animeko Bazu, ni keta va matu paṉaovani kiadama Jiu amu sai ke evani.

Iruruputo 10:22

Nio seta eri kikelake, “Vo sirula Koniliasi inio o soroeṉelalani eṉe. Vota kala sidopu ala maba ni o ilusivani vo Baṉara ni se Jiu amu keta va matu paṉaovani maba. Vo Baṉara vo mateana ta o bazuevala vo tu vota o taipaziṉo ṉo voko pade kasi, tu vota o roveovou viqo ṉo kiṉovo avo,” kikelake.

Iruruputo 6:6

Nio koa poqala maba madu ta ke lojoemake se apositolo madu ko kuleto, ni se apositolo madu ta ke mati vararaitake se ni kemai ivikake seko ṉase ke lezu topi ni mauru ke imake se.

Iruruputo 2:4

Nio sea kiadamu ta omai sukatake Tabu ala Auvana, ni seta ke tanitake kai pesio edoedoloma pesio poso, voa Tabu ala Auvana ko ikirimo kale.

Iruruputo 1:21

“So sole ko male tu kala ta o ṉelati zomanou kai bazubazutole vo Jisu Karisito ko mata saevo voukale azo. Ni uri tu vota kala pado se eṉe ke lulueṉeleni kale ala eṉeko poqala kale koa kiadama taku kale vo Lekasa Jisu o lipilipite keru eṉe sase, Jone okai bazubazute keru azo ko bapitaiso ko bazubazu ti kobeta baroi koa ṉaniu vo Baṉara o koivieve keru vo Jisu aukale,” kiolake vo Pita.

Matiu 23:8

“Melai meta pui meqa zariovo tu maba poso ta ke mela nokaekou me titisa ni tanamu. Ako meta omadeu tamania mela sole ni omadeu pado inio mevo Titisa ni Tanala sole.

1 Koriniti 12:8

So inio vota o kativa kala ko pizato tu o kaseko ko uri ama kerukeru sama bazu. Mata kala maba ta voa omadeula Auvana ta o kativa ko pizato tu o kaseko ko bazu Baṉara kasi azo ama nianiio sama.

Iruruputo 16:2

Ni kiadamu seke tuvevo putani Lisitara ni Aikoniami peuru kale ke evani ta Timoti ta kala uri ala maba va kikelake.

Iruruputo 15:23

ni seta ke kati soroekake ko leta eri kikolako bazu sama: “Eṉe apositolo ṉela ni lotu tanatanamu ṉela, meko tamania kalea ṉela, ta ṉe joroeka eṉeko roquano kiadama eṉeko visi poso ni kaka poso mea maba poso pui Jiu amu mela Anitioko peuru kale me evani mela kasi, ni Siria ni Silisia.

Iruruputo 9:30

Nio so keru seke tuvevo putani ke paqumuke keru ko, seta ke vati olake vo Saula Sizaria, ivere ketaketama peuru kale, ni ke soroevake vo vaka kale Tasisi peuru kale.

Jone 21:23

So sole Jisu ko so kio kale avo, bazu ta ko aerake ta voa disaipeli ta pui opa vouvou kio sama, seke luluevani vo Jisu kasi. Melai Jisu ta pui opa kaseke ko vota pui opa vouvou kio. Eri pala inio kiolake, “Aṉata ava zariovou vo tu obeta elou ti kobeta barolou aṉako vaito keru tea, kota pui ṉoko tu ṉota ṉoqai nianiio,” kiolake.

Iruruputo 1:15

Ni kama poso ṉaniu ko tova nio seke tuvevo puteni ko pesipesito ko padoilo ta ko ereivake, ni seko ataataiti ta omadeu paizana karabete madu. Ni Pita ta o lojoake, ni eri kiolake,

Iruruputo 6:2

So sole sea toni omuqa apositolo madu ta ke padoemake sea kiadamu ke tuvevo putani, ni eri kikelake, “Kota pui sidopu tu eṉeta ṉe vaeko kai bazubazuto vo Baṉara ko bazubazu tu riteraite ṉeqai elo ko sailao ni seleni.

Iruruputo 6:5

Nio koa pado ama poqala kale ama maba poso ta keka zoleike se apositolo madu ko kerukeru, so sole seta ke pitoevake vo Sitiveni, vo Tabu ala Auvana ovai sukatani ni piza kama oqu sala maba, ni Pilipi, Porokorasi, Nikano, Timoni, Pamenasi, ni Nikolasi kala pui Jiu ala, Anitioko ala Jiu lotu o luluekeni puliako tuvevo puevo vo Jisu.

Iruruputo 28:14

Sai nio eṉeta ṉe meake kama lotu maba madu seke taipaziṉeleni eṉe, ni eṉeta ṉe evake sekasi sai omadeu vuiki. Ti sai kazo eṉeta ṉe luluekake ko matu keve tu ṉe barolo Romu peuru kale.