Iruruputo 6:14 - BAṈARA KO VAIRU AMA LEVELEVEO

¹⁴ Eṉeta ṉeda va viqala ta voa Nazareti ala Jisu ta o biresukou ko Jelepade ni vota o besiekou kiadama animeko bazu poso koko vikima anime tona Mosese kasi azo!” kikelake.

Iruruputo 6:14 Referans Kwoze

Iruruputo 21:21

Seke viqema ṉoko bazu ta ṉota lula ṉo bazuema ni ṉo nianiiekima kiadama Jiu amu se pui Jiu amu ko valuvalu ke evani tu ukaka ke iko vo Mosese ko Bazu, ṉo bazuema tu seta pui ke movemou seko lasive meqora poso ni pui ke luluekou anime Jiua mela ko kalo.

Iruruputo 15:1

Ni kake lotu maba poso seke kuevini Jiudia azo Anitioko ta ke taniekake nianiiekimo seke tuvevo putani ni eri kikelake, “Meta pui me qovou ko moveilo vo Mosese ko Bazu ko kasekako ta meta pui meba roveovou pakio,” kikelake.

Qelesia 3:23

Ni puliako komia oqu kilo, eṉea Jiua ṉela ta ṉe biriziovi Mosese ko Bazu kale, ni eṉeta pui ruparupasia ṉela ti kobeta baroake vo Baṉara ko ṉela kaseko ko oqu ko kalo.

Qelesia 3:19

So sole loma quli kaqe inio vo Mosese ko Bazu? Kota eri nio. Koa Bazu ta ko katiziovi anime kasi tu ko mela kaseko ko saruilo anime me erekako. Ni kota pizato saṉa kobeta evake ti kobeta baroi voa pado Ebarahami vo vikuvikula kale ala kasi vo Baṉara o kaseveni. Ni se mateana madu inio ke koeni koa Bazu ni se inio ke kativeni vo Mosese vo oma pesiovini maba madu ni vo inio o katime koa Bazu. Sole Mosese ta kala tianiala maba o eve.

Iruruputo 28:17

Ni zouke ṉaniu ko tova inio Paula ta o nokaemake sai ke evani Jiu ama tanatanamu vatovatoito ko pesipesito kale, sai nio vota eri kiolake sekasi, “A baerebaere poso mela, aṉata pui aba ereke ruqe ama kalo animeko maba madu kasi ni so jari pui aba bikoirike animeko vikuvikula bazu. Melai seta ke vaelake Jerusalema pirito pade kale ni ke lati sorotake aṉa se Romu amu ko ṉase topi.

Jone 4:21

Nio Jisu ta o kati tiorikake ko, “Ṉoiza, ṉota tuvevo ila aṉa, ko taku ta kobeta kueva so keru se maba madu ta pui kepa ilusivou vo Mama komia sopu kale ni so jari Jerusalema.

Luke 21:6

“Kiadama komi quli meme qeako ta ko kilo ama taku kale ta puliama ka pado otu ko lado ta kopa loilou ko ṉaviko zaekale, melai koa kiadama ti kana madu inio ke biresukou,” kiolake.

Iruruputo 26:3

ako ṉota ṉoqai uria nianiia kiadama Jiu amu ko kalo poso ni kiadama seko pesipesi poso. Aṉata a baseṉa ṉo tu ṉota didiela ṉoko inobe kale.

Iruruputo 25:8

Melai Paula ta ota qaraqaraike pesio ni eri kiolake, “Aṉata puliama sarueko a ereka ko aṉa aqai bikoirikako ko Mosese ko Bazu se Jiu amu ke luluekako ni kai kedu ko Jelepade ni vai kedu vo Romu ala Matu Aikovakova,” kiolake.

Luke 21:24

Kake sea maba poso ta ke vouvaemou benisi kale, ni kake ta ke mati ziovou piripiri amu kiadama matumatuma peuru poso kale. Ni se pui Jiu amu ta kekai lekasa puovou ko Jerusalema ti kobeta okotou vo Baṉara oma zariekake taku tu ke lekasa puo,” kiolake.

Maka 14:58

ni eri kikelake, “Eri nio kiolani nea maba, ‘Aṉata a biresukou komia maba ko erekema Jelepade ni zouke ṉaniu kale inio a baikou orumuko koa Jelepade maba pui kopa kai roveovo ama orumuko,’ nio kiolani,” kikelake.

Matiu 26:61

ni eri kiqolake, “Eqe qeta va viqani nea maba ta eri nio kiolani, ‘Aṉata a biresukou vo Baṉara ko Jelepade, ni zouke ṉaniu kale inio a baikou orumukou,’ nio kiolani,” kiqolake.

Jone 2:19

Ni Jisu ta o mati tiorikake, “Meta me biresukou komia Baṉara ko Jelepade, nio zouke ṉaniu kale aṉata mata a lojoekou ko,” kiolake.