Iruruputo 5:12 - BAṈARA KO VAIRU AMA LEVELEVEO

¹² Ni se apositolo madu ta ke erekake kubo piza kama ni aqasiele ama iruruputo se maba madu kasi. Ni sea kiadamu seke tuvevo puteni ta ke padoivake mati Solomone ko Sebesebe kale.

Iruruputo 5:12 Referans Kwoze

Iruruputo 19:11

Ni vo Baṉara ta o erekake edoloma ko pui kiada keru o erekako jari ama aqasiele ama iruruputo Paula kale kude.

2 Koriniti 12:12

Koa kubo aqasiele ama urikato ni aqasiele ama iruruputo ko aṉa kiada keru a erekema mekasi ta kasa ko ika ta aṉata apositolo lala, sole ko male tu meta me duvevo pueko aṉako apositolo elo.

Hiburu 2:4

Koa taku kale vo Baṉara ta o mati vinaekake ko voko pizato kale, voko ereko kale kiadama aqasiele ama iruruputo ni voko puariko kale azaazama iruruputo ko pizato Tabu ala Auvana kasi azo ko kuevako o ṉaviko vatolo kale.

Iruruputo 14:3

Ni omuqa apositolo ta matu tu keu elo qota evake sai, ni nioqata parani putole qovai bazubazutake vo Lekasa Jisu, vo oka tuvevo puekeni nioqako bazubazuto kale voko pakiezato sama roquano voko katiko kale nioqa ko pizato tu qo ereko aqasiele ama iruruputo.

Romu 15:19

ni aqasiele ama iruruputo ni urikato ko pizato kale, ni vo Baṉara ko Auvana ko pizato kale. So inio kiadama talio kale Jerusalema azo ti ko baroa Ilirikamu peuru kale, aṉata lula aqai bazubazuta ko Uri ama Bazu Karisito ko kasevako.

Iruruputo 3:11

Ni so keru voa maba obe noqoeka keru Pita ni Jone Solomone ko Sebesebe ka kikelako kale, nio sai zama maba poso ta keta vuzeike ni kemai rerikiniake se.

Jone 10:23

Ni Jisu ta o amaqeake ni obeta lipilipitake Solomone ko pado sebesebe ka kikelako kale Jelepade kale.

Iruruputo 4:30

Kasa ika ṉoko pizato tu ṉoko urikato ni aqasiele ama iruruputo poso ta ko ereilou ṉovo tabu ala Nabulu Jisu ko ṉikale,” kikelake.

Iruruputo 1:14

Seta ke padoiva mati ni ke vararaita omadeu poukale, rekoreko sate ni Mere Jisu ko niania ni voko visi poso sate.

Maka 16:20

Ni koko tova inio se disaipeli madu ta ke olake kiadama zae poso kale ni kekai bazubazutake ko Uri ama Bazu sai. Ni vo Lekasa Jisu ta o tauvemake se, ni ko quli se kekai bazubazutake quli ta oma mamola puekake koko tuveano. Ako koa omadeuma taku kale inio seta ke erekake sole ko aqasiele ama iruruputo voko pizato kale.

Iruruputo 16:18

Ni kota so pado kobeta kake kubo ṉaniu, ti matu kaikua nio kobe ivake vo Paula so sole vota oka lilitake ko ni eri kiolake koa ziolo kasi, “Vo Jisu Karisito ko ṉikale aṉata a bazueṉa ṉo tu ṉota saqore kokale azo!” kiolake. Ni koa ziolo ta kota saqorake koa taku kale koa sinaqu rusu kale azo.

Iruruputo 9:40

Ni Pita ta o saqorimake sea kiadamu koa lose kale azo, ni o iqeiqeake ni o vararaitake. Ni vota o lilitake koa vouma tupu kasi ni eri ka kiolake, “Tabita, loje!” kiolake. Ni kota ko leqosikake ko vilu, ni kota ko veake vo Pita, ni kota kota papuake.

Iruruputo 9:33

Sai nio vota o toraevake kala maba Iniasi va kikelani, vota lepu ala pui o vezokatani, vo lula siotolu sabere kobo topi o tekuani.

Iruruputo 2:46

Ni seta ke padoivake kiadama ṉaniu poso Jelepade ko poro kale omadeu vatolo kale, ni seta omadeu vuato ke evake seko zoleilo ni inobe sate,

Jone 4:48

Nio Jisu ta eri kiolake vokasi, “Puliala me azo ta opa tuvevo putou puliako me kelo ko aqasiele ama iruruputo,” kiolake.

Iruruputo 28:9

Nio so keru koko ereiva keru, kiadamu koa udu kale ama vere amu ta ke kuevake vokasi ni vota o urikimake se.