Iruruputo 4:29 - BAṈARA KO VAIRU AMA LEVELEVEO

²⁹ Ni erisaṉa Baṉara tama kea seke erekako ṉavaṉavato sama kalo, ni bokeriṉela eṉe ṉoko nabulu poso ṉela tu parani putole ṉeqai bazuto ṉoko bazu.

Iruruputo 4:29 Referans Kwoze

Iruruputo 4:13

Nio sea Jiu ama tanatanamu ta aqasiele kekai evake ko Pita ni Jone ko parani puto sama pesio ako seta ke paqumukake ta nioqata kama peuru kale ama maba kidi ni puliama uri ama nianiio sikulu kale ama sanioqa sole. Ni seta ke nianiiekake nioqa ta nioqata Jisu qo lulueveni nioqa.

Iruruputo 14:3

Ni omuqa apositolo ta matu tu keu elo qota evake sai, ni nioqata parani putole qovai bazubazutake vo Lekasa Jisu, vo oka tuvevo puekeni nioqako bazubazuto kale voko pakiezato sama roquano voko katiko kale nioqa ko pizato tu qo ereko aqasiele ama iruruputo.

Pilipai 1:14

Ni aṉako pirito pade kale elo ta kobe pizatima kubo madu seke tuvevo putani seko tuvevo puto kale sole seta pui ke ṉava kai bazubazuto vo Karisito ko Uri ama Bazu.

Iruruputo 4:31

Ni so keru seke paika keru vararaito, koa zae seke kai padoivake ta kota nuvinuvitake. Ni vo Tabu ala Auvana ko pizato ta komai sukatake sea kiadamu ni seta ke taniekake kai bazubazuto vo Baṉara ko bazubazu parani putole.

2 Timoti 4:17

Melai vo Lekasa Jisu ta o evake aṉa sate ni vota o pizatilake aṉa, so inio aṉata a roveake kai bazuto pado ama Uri ama Bazu sea kiadamu se pui Jiu ama tanatanamu kasi tu seta ke viqo, ni aṉata a bakiake vou ko taka topi azo.

Iruruputo 28:31

Ni vota okai bazubazutake vo Baṉara ko lekasa puo ni vota omai nianiiekivake vo Lekasa Jisu Karisito Vota parani putole ovai bazutake vo, ni puliala ta o tauroevake vo.

Iruruputo 19:8

Ni vo Paula ta o amaqeake mati se Jiu amu ko ilusato ko pade kale ni zouke kaboso vota parani putole o bazubazutake sai ke ilusatani maba poso kasi. Vota omai titiake se ni o madoekake mai nianiiekiko vo Baṉara ko lekasa puo.

Iruruputo 13:46

Melai Paula ni Banabasi ta matu parani putole qo pesiake ni eri kiqolake, “Ko male ikio tu mekasi nio kuleto ko kaseilo vo Baṉara ko bazu, melai meta meda ka lupaova viqo ko ti lula kuiripato saṉa meda eva me ṉavi ni pui me malezika ko noqola kama saevo, so sole eqeta qe vaemelou me ni qeta ziovou pui Jiu amu kasi.

Iruruputo 9:27

Sai nio vo Banabasi ta vovo tauvezato o evake ni vota o vati olake vo se apositolo madu kasi. Ni vota oma zakaremu puekake vo Saula ko lula velo vo Lekasa keve tona ni vo Lekasa ko lula vati pesio vo kio. Ni so jari vota omai bazuekake se vo Saula ko parani putole vai bazubazuto vo Jisu Damasikasi peuru kale.

1 Tesalonaika 2:2

Meta meqai nianiia ko eṉeko niumaniumaeṉelo ni naqueṉelo Pilipai peuru kale puliako eṉe kilo sai mekasi Tesalonaika peuru kale. Ni sai meko peuru kale melai kubo maba poso ta ke kanaekiṉele eṉe, melai vo animevo Baṉara ta o parani pueṉelake eṉe ni eṉeta ṉe melai bazuekake me koa Uri ama Bazu koko kuevako vokasi azo.

Iruruputo 4:21

Sole se Kauniseli madu ta matu piza kama balauvato ko bazu ke katikake nioqa ni ke rupasikake. Ako seta ke keake ta puliama keve tu ke koqotaeko nioqa sole, ni sea kiadama maba poso ta ke ilusivake vo Baṉara, koko ereima quli kale avo.

Iruruputo 26:26

Aikovakova Aqiripa, aṉata parani putole a besia ṉokasi, ako ṉota ṉoqai nianiia kiadama komi quli sole. A duvevo pueka ta ṉota lula ṉo viqa komia kiadama koko ereima quli, ako komi quli ta pui ko mutaivako kama livaṉale sole.

Iruruputo 9:28

Nio Saula ta o evake se sate ni o olake koa pado ama Jerusalema ko poro kale, ni parani putole o bazubazutake vo Lekasa Jisu ko ṉikale.

2 Koriniti 3:12

Ko ikio eṉe ṉeqai keruako leveleveo, ni Sokale avole inio eṉeta matu parani putole ṉeqai bazuta.

1 Koriniti 14:13

Voa maba vo okai pesiani pui okai nianiiako pesio kale ta o vararaito tu o paseko ko bokao tu oma pepeliko se lotu qoqono ko quli vo okai pesiako ko kio ni kalo.