Iruruputo 23:11 - BAṈARA KO VAIRU AMA LEVELEVEO

¹¹ Ni koa ipu kale inio vo Lekasa Jisu ta o lojoake Paula ko sipole ni eri va kiolake, “Pui ṉalo! Ṉota lula ṉolai bazubazuta aṉa koi Jerusalema peuru kale, ni ṉota mata soa bazubazuto ṉolai elou Romu peuru kale,” kiolake.

Iruruputo 23:11 Referans Kwoze

Iruruputo 19:21

Ni ko quli poso ko ereilo ko tova inio Paula ta o vatoeke tu o zio Masedonia ni Akaia ranama peuru poso kale ni soa beta zio Jerusalema. Ni eri kiolake, “Sai a ziovou saita, inio Romu peuru melai aba soipikou,” kiolake.

Iruruputo 18:9

Ni omadeu ipu kale inio Paula ta o keake kama pado kelokelozato, ni vo Lekasa Jisu ta eri kiolake vokasi, “Ṉota pui ṉalo, melai beta ola bazubazuto ni pui niaba elo,

2 Timoti 4:17

Melai vo Lekasa Jisu ta o evake aṉa sate ni vota o pizatilake aṉa, so inio aṉata a roveake kai bazuto pado ama Uri ama Bazu sea kiadamu se pui Jiu ama tanatanamu kasi tu seta ke viqo, ni aṉata a bakiake vou ko taka topi azo.

Matiu 14:27

Melai Jisu ta o pesiake sekasi ni eri kiolake, “Meta pui ṉalo; aṉata Jisu lala inio,” kiolake.

Pilipai 1:13

Ako aṉako tuvevo puevo vo Karisito kale avo inio aṉata a biriziake ni sea kiadamu vo Romu ala Matu Aikovakova ko matu pade ke kati vailani ni mata kake ta kelai nianiia aṉako pirizio ta Sokale avo inio.

Matiu 9:2

Sai nio kake maba madu ta ke vati olake kala maba vokasi, pui o roveani vezokato, ke borivani bourobouro kale. Nio so keru vo Jisu ota ma kea keru seko oqu vota eri kiolake voa vere ala maba kasi, “Zolei, meqora! Ṉoko sarueko poso ta kota ṉa akoiva,” kiolake.

Iruruputo 22:18

ko aṉa avai kevema vo Lekasa so keru eri kiove keru aṉa kasi, ‘Taukavo vaeka ko Jerusalema, ako koi zama maba poso ta pui kepa ka zariovou ṉeamuko ṉoko lai bazubazuto aṉa sekasi sole,’ kiolake.

Iruruputo 20:22

Ni erisaṉa aṉata a zio Jerusalema aṉako zorivo kale vo Tabu ala Auvana ni aṉata pui aqai nianiia aṉa a doraeko ama quli sai.

Iruruputo 2:25

Ako Devita ta eri kiove vo Jisu kale avo sole, ‘Aṉata a veve vo Lekasa ta vota kiada keru obeta elou aṉako kuleto vasi, vota aṉako sipole, so sole aṉata pui tapata aba elou.

Jone 16:33

Aṉata so kiala mekasi tu meta me qovou ko bule meko saevo omadeu kati elo kale aṉako saevo. Komia ruqe ama peuru ma peuru kale ama maba poso ta ke katimelou me ko duki ni riṉoteṉote. Melai meta parani putomo! Ako aṉata lula koqo a ika komia ruqe ama peuru ma peuru ko pizato sole!” ma kiolake vo Jisu.

Jone 14:18

“Aṉata pui aba vaemelou me me qiada pado ojolou kamela ni tauvezato pide, melai aṉata a vaitou mekasi.

Matiu 28:20

ni nianiie-kimomo se tu ke zoriko kiadama quli aṉa a melai bazuekema. Ni aṉata a elou me sase kiada keru, ti kobeta barolou komia peuru ma peuru ko paitopaito ko taku,” kiolake vo Jisu.

Luke 16:28

sai sea sike aṉako kaka ni visi poso ke evakoi. Zarieva tu o zio tu opa balauvimo se, tu puliala kala pado se azo ta o kilou komia tola kama zaekale!’ kiolake.

Iruruputo 22:15

Ako ṉo inio kala pado ṉa ṉovai bazubazutoa laṉa vo ni ṉomai bazuekoa laṉa kiadamu koa ṉo lula ṉo qevema ni ṉo viqema quli.

1 Koriniti 9:1

Aṉata kala ruparupasi ala maba lala ko Mosese ko Bazu kale azo. Ni aṉata apositolo lala, a veveni lala vo Jisu vo animevo Lekasa. Ni meko oqu ta aṉako va iruruputo vo Baṉara ko epa ikio.