Iruruputo 20:4 - BAṈARA KO VAIRU AMA LEVELEVEO

⁴ Ni Sopata Pirasi vo meqora Berea ala ta o luluevake vo, ni so jari Arisitakasi ni Sekadasi Tesalonaika nioqa; Qaiasi ni Timoti Debia nioqa; ni Tikikasi ni Toropimasi ta Eisia rana nioqa.

Iruruputo 20:4 Referans Kwoze

Iruruputo 19:29

Ni matuma tibaraputo kota evake koa pado ama peuru kale. Ni seke ikiratani ta ke saputikake Qaiasi ni Arisitakasi, nioqata Masedonia nioqa qo lulueveni nioqa vo Paula, ni ke rerikiniake seko padoilo ko matu zaekale.

2 Timoti 4:20

Erasitasi ta ota loiva Koriniti peuru kale, ni Toropimasi ta a vaeve Miletasi peuru kale, ako ota verepe sole.

Epesasi 6:21

Aṉata a joroeva vo Tikikasi mekasi, vo anime me roquevani lotu visi. Ni vota kala kerula kala nabulu vo Baṉara ko iruruputo kale. Ni vo inio o melai bazuekou kiadama quli koko ereivako aṉa kasi. So inio meta melai nianiiovou aṉa ni loma ikio aṉa a erekako.

Taitasi 3:12

Aṉata a joroevou vo Atimasi, ma esa vo Tikikasi ṉokasi, ni so keru vo o barolou keru ta ṉota ṉo matu madoekou kilo aṉa kasi Nikopolisi peuru kale, ako aṉata lula a bitoeka tu a baloasiko ko sarosaroro ko taku sai.

2 Timoti 4:12

Aṉata lula a joroeva vo Tikikasi Epesasi peuru kale.

Kolosi 4:7

Vo Tikikasi, animevo lotu tamania kale ala, vo eqe qe roquevani kala pado kerula kala eqe kale ala nabulu vo Lekasa ko iruruputo kale, vo inio o melai bazuekou kiadama quli aṉa a erekako.

Iruruputo 21:29

Seta so kikelake ako seta lula ke veake vo Toropimasi Epesasi ala Paula sate peuru ko keve tona ni ke kerukerutake ta lula o vati ola Jelepade kale kikelake sole.

Iruruputo 16:1

Ni Paula ni Sailasi ta qo olake Debi ni sai kazo Lisitara peuru kale sai kala lotu maba o evakoi o ṉi ta Timoti va kikelani. Voko niania melai kama pado lotu maba, kota Jiu ama, melai vovo mama ta Quriki ala.

Iruruputo 14:6

Nio so keru nioqa qo lainike keru koa kerukeru, nioqata qota soqoike Lisitara ni Debi peuru kale ni Laikonia ranama peuru poso kale.

Kolosi 4:10

Arisitakasi ta obeta eva aṉa sase koi pirito pade kale. Vota o soroeka voko roquano mekasi, ni so jari vo Maka, Banabasi vo sasa tamania kale ala melai o soroeka voko roquano. Aṉata lula a mela soroeke leta kale vo Maka ko bazu mekasi, tu vota o barou tea meko peuru kale, meta me uria baroekivou vo.

3 Jone 1:1

Aṉa lotu ko vilua pikopiko lala, ta a rikieka komia riki a baerebaere Qaiasi ṉa kasi, ṉo tuvevo avole a matu roqueṉani ṉa.

Pilimone 1:24

ni so jari aṉako tauvezato ko maba poso Maka, ni Arisitakasi, ni Dimasi, ni Luke.

2 Timoti 1:2

Aṉata a rikieka komia leta ṉo Timoti ṉa kasi, aṉavo maba meqora jaria laṉa. Ni aṉata a vararaita tu vo Mama Baṉara ni Jisu Karisito animevo Lekasa ta qo katiṉou ṉo ko pakiezato sama roquano, ni baiseo, ni bule.

1 Timoti 1:1

Aṉa Paula lala ta kala pado apositolo Jisu Karisito vo a eveni lala vo Baṉara animevo Pakiezato ko soropato kale ni Jisu Karisito vo anime mevai keruani ko soropato kale.

Pilipai 2:19

Ni vo Lekasa Jisu ko vatolo ko elou ta, mainio aba soroevou vo Timoti mekasi, ni aṉata ada matu zoleilou tu a melai nianiiovou me voko bazu kale.

2 Koriniti 1:19

Ako vo Jisu Karisito, Baṉara vo Meqora, ta puliaka taku o pilapaqo putani sole. Ni vo inio aṉa ni vo Sailasi ni vo Timoti ṉevai bazubazutani.

2 Koriniti 1:1

Aṉa Paula lala, vo Baṉara lula o pitoeleni lala o ṉaviko vatolo kale tu aṉata vo Jisu Karisito vo apositolo a elo, ta ada rikita vo animeko tamania kale ala Timoti sase mea Baṉara ko lotu qoqono me Koriniti peuru kale me evani mela kasi, ni mata mea kiada mela vo Baṉara ko maba madu mela sai Akaia ranama peuru poso kale me evani mela kasi.

Romu 16:23

Vo Qaiasi, vo aṉa o ranelani voko pade kasi, sai lotu qoqono ko padoivakoi, ta o melai soroeka voko roquano. Ni Erasitasi, vo o kati vailani ko takula komia peuru kale, ni animeko tamania kale ala Kuatasi melai qo soroeka nioqako roquano.

Romu 16:21

Vo Timoti aṉa sate o iruruputani, ta o soroeka voko roquano mekasi; ni so jari Lusiasi, Jesoni ni Sosipata, se aṉako mabamu Jiu amu.

Iruruputo 27:2

Ni eṉeta ṉe zazuake kala Adaramitiumi vaka topi vo o zio kiolani Eisiama keta kale ama peuru poso kale, ni eṉeta ṉe dadaovake. Ni Arisitakasi, kala Masedoniala maba Tesalonaika peuru kale ala ta o lulueṉelake eṉe.

Iruruputo 17:1

Ni Paula ni Sailasi ta qo olake Amipipolosi ni Apolonia kude ni qo baroake Tesalonaika, sai kala Jiu amu vo ilusato ko pade o evakoi.

Iruruputo 14:20

Melai so keru seke tuvevo putani kevai ubure keru vo, inio vota ota zolaike ni ota vaitake koa peuru kale. Ni koko raneo kale Banabasi ni vo ta qota olake Debi.

Iruruputo 2:9

Ako kake mela anime ta Patia azoa mela, ni kake mela ta Midia, ni Ilamu ni Mesopotemia azo, ni Jiudia, ni Kapedosia azo, ni Ponitasi, ni Eisia azo,

Iruruputo 16:6

Ni seta keta olake koa Pirijia ni Qelesia ranama peuru poso kale kude, ako vo Tabu ala Auvana ta pui o zariemake se tu seta kekai bazubazuto ko Uri ama Bazu Eisia ranama peuru poso kale sole.

Iruruputo 17:13

Ni so keru se Tesalonaika ke evani Jiu amu ke viqa keru Paula kai bazubazuto vo Baṉara ko bazubazu Berea peuru kale, seta ke olake sai ni ke taniekake ṉavaṉavato ni lilomato.

Iruruputo 20:16

Ni Paula ta oka zariake kai alokato ko Epesasi peuru ako vota pui oka zariake ṉamuko ko taku Eisia sole. Vota ota jijirake tu kai baro ko Penetikositi ṉaniu Jerusalema, ko roveovou tea, kiolake sole.

Iruruputo 20:18

Ni so keru seke baroa keru, vota eri kiolake sekasi, “Meta meqai nianiia aṉa a qaevo koa pado ama taku kale aṉa a eve keru me sate, so keru aṉa a baroi keru azo komia Eisia rana.