Iruruputo 2:9 - BAṈARA KO VAIRU AMA LEVELEVEO

⁹ Ako kake mela anime ta Patia azoa mela, ni kake mela ta Midia, ni Ilamu ni Mesopotemia azo, ni Jiudia, ni Kapedosia azo, ni Ponitasi, ni Eisia azo,

Iruruputo 2:9 Referans Kwoze

1 Pita 1:1

Aṉa Pita lala, vo Jisu Karisito vo apositolo lala, ta a joroeka komia riki mekasi, vo Baṉara ko pitopito ama qoqono mela kasi meme vaekeni mela meko peuru poso, ni me birebireini mela Ponitasi rana ni Qelesia rana, ni Kapadosia rana ni Eisia rana ni Bitinia rana.

Kelokelozato 1:4

Aṉa Jone lala ta a joroeka aṉako roquano mea sikeura lotu qoqono Eisia rana me evani mela kasi. Pakiezato sama roquano ni bule vo Baṉara kasi azo ko kuevako ta meko, vo koko tanitanila kale o eveni, ni vo erisaṉa obeta evani, ni vo mainio opa kilo ala, ni koa sikeura auvana kasi azo ama koko evako voko papupapu ko kuleto,

2 Timoti 1:15

Ṉota ṉomai nianiia kiadama lotu maba se Eisia peuru poso kale amu ta lula ke vaele aṉa, Puqelasi ni Hemoqenesi melai qota la soqoi.

Iruruputo 18:2

Sai nio vota o toraevake kala Jiu ala maba Akuila va kikelani, Ponitasi rana o alileni, vo vairua kilo obe evani sai voko reko Pirisila sate, ako vo Romu ala Aikovakova Kalaudiasi ta o bazuemake kiadama Jiu amu tu seta ke vaeko ko Romu peuru kiolake sole. Nio Paula ta o olake soipimole se,

Iruruputo 16:6

Ni seta keta olake koa Pirijia ni Qelesia ranama peuru poso kale kude, ako vo Tabu ala Auvana ta pui o zariemake se tu seta kekai bazubazuto ko Uri ama Bazu Eisia ranama peuru poso kale sole.

Iruruputo 19:10

Komi quli ta omuqa sabere kota ereivake, so sole kiadama maba se Eisia rana ke evani, Jiu amu ni pui Jiu amu, ta ke viqake vo Lekasa Jisu ko bazu.

Iruruputo 6:9

Melai kake Jiu amu “Ruparupasi amu ko ilusato ko pade” ka kikelako poqala kale amu ta pui keka zariake tu vo Sitiveni ta ovai bazuto vo Jisu. Seta Sairini ni Alekezadaria azo ke kuevini Jiu amu. Ni se ni mata Silisia rana ni Eisia ranʼazo ke kuevini Jiu amu ta ke tanitake vati zolizoliekinio vo Sitiveni.

Kelokelozato 1:11

Nio kota eri kikolake, “Rikieka ko ṉoṉo qeako quli, ni soroeka koa riki koa sikeura lotu qoqono kasi ko kobeta evako Epesasi, Samena, Peqamami, Taiataira, Sadisi, Piladelepia ni Leodisia,” kikovema.

2 Koriniti 1:8

Ako eṉeta ṉeqa zaria tu ṉe melai kerukerue me, eṉeko kaka ni visi poso mela, koa tapata eṉe lula ṉe doraekako Eisia peuru poso kale. Koa matuma tapata ta kokai paloase eṉeko pizato ko baroakoi, nio eṉeta pui ṉeba saevoa ṉela inio kiṉelake.

1 Koriniti 16:19

Ko Eisia ko evako lotu qoqono poso ta ke kati sorota seko roquano; Akuila ni Pirisila ni koa lotu qoqono seke padoivani nioqako pade kale ta ke soroeka seko matuma lotu tamania roquano.

Romu 16:5

Ni komi ta mata aṉako roquano sea lotu qoqono kasi ama seke padoivani nioqako pade kale. Ni aṉako roquano vo aṉavo baerebaere Epaenitasi kasi Eisia rana vo kuleto tuvevo o iveni vo Karisito.

Iruruputo 20:18

Ni so keru seke baroa keru, vota eri kiolake sekasi, “Meta meqai nianiia aṉa a qaevo koa pado ama taku kale aṉa a eve keru me sate, so keru aṉa a baroi keru azo komia Eisia rana.

Iruruputo 20:16

Ni Paula ta oka zariake kai alokato ko Epesasi peuru ako vota pui oka zariake ṉamuko ko taku Eisia sole. Vota ota jijirake tu kai baro ko Penetikositi ṉaniu Jerusalema, ko roveovou tea, kiolake sole.

Iruruputo 19:31

Ni kake koa Eisia kale ama tanatanamu, se voko baerebaere poso melai keva soroekake ko bazu tu vota pui o puratou koa matuma padoilo ko zaekale.

Iruruputo 19:27

Koa tapata ta ko mela lovou, ni komia animeko iruruputo ta ruqe ama ṉi ko kovou. Ni pui koko kiada, melai koa tapata ta matuma baṉara Atemisi ko Jelepade ta pulia quli ko ikou ni ko ṉaviko ṉaṉaidara melai kota ka niumaekou, kiadama maba Eisia peuru poso kale ke evani ni kiadama peuru ma peuru kale amu ke ilusikako koa baṉara!” kiolake.

Iruruputo 7:2

Nio Sitiveni ta o opatake, ni eri kiolake, “Kaka ni visi poso mela ni mama poso mela meta didielomo aṉa! Lulavo inio vo ṉaṉaidara kala Baṉara ta ovai puratake vo animevo taite Ebarahami sai Mesopotemia rana Kolodia o ṉisa peuru kale, puliako vo zio Harani elole,

Iruruputo 2:8

Nio noi nio animea kiada mela ta meda ma viqa seke pikairikako quli me navinavi ko maba pesio poso kale?

Iruruputo 20:4

Ni Sopata Pirasi vo meqora Berea ala ta o luluevake vo, ni so jari Arisitakasi ni Sekadasi Tesalonaika nioqa; Qaiasi ni Timoti Debia nioqa; ni Tikikasi ni Toropimasi ta Eisia rana nioqa.

Iruruputo 21:27

Melai so keru koa sikeura ṉaniu vo Paula omai bazuekema ta kota okoto kikolake inio kake se Eisiama Jiu amu ta ke veake vo Paula Jelepade kale. Nio seta ke ikirimake sea matu padopadoilo seko korakorailo sama pesio kale ni ke noqoevake vo Paula.

Iruruputo 24:18

Ni so keru aṉa komi abe ereka keru inio seta ke lati inotake aṉa Jelepade kale so keru aṉa lula a okotika keru aṉako bulebuleilo ko iruruputo. So keru ta puliama matuma vaki kopa eve aṉa sase ni puliama ṉiṉoreo kopa eve koa taku.

Iruruputo 27:2

Ni eṉeta ṉe zazuake kala Adaramitiumi vaka topi vo o zio kiolani Eisiama keta kale ama peuru poso kale, ni eṉeta ṉe dadaovake. Ni Arisitakasi, kala Masedoniala maba Tesalonaika peuru kale ala ta o lulueṉelake eṉe.