Iruruputo 19:2 - BAṈARA KO VAIRU AMA LEVELEVEO

² ni vota o kuimaemake se, “Meta me voe vo Tabu ala Auvana meme duvevo pute keru kio?” kiolake. Ni seta ke vati tiorikake vo ni eri kikelake, “Pui, eṉeta maba pui ṉeda va sasa dimana vo Tabu ala Auvana,” kikelake.

Iruruputo 19:2 Referans Kwoze

Qelesia 3:5

Meta paqumukomo ko vo Baṉara ko katimelo vo Tabu ala Auvana ni voko mela ereko aqasiele ama quli ta pui meko lulueko kale Mosese ko Bazu! Melai voko katimelo voa Auvana ni voko mela ereko koa aqasiele ama iruruputo ta meko viqo ni kai oqu ko Uri ama Bazu ko kio kale inio.

1 Koriniti 6:19

Meta pui meqai nianiia ta meta vo Tabu ala Auvana ko Jelepade mela inio, vo o evani meko bulo kale ni vo Baṉara o katimeleni me kio? Pui meko mela inio ko me, melai vo Baṉara ko mela.

Jone 7:39

Jisu so va kioveni ta Tabu ala Auvana inio, vo seke tuvevo puevo amu vo ke vovo ala Tabu ala Auvana. Koa taku keru Jisu soa pesio o eve keru ta pui nio o katiziake vo Tabu ala Auvana maba madu kasi, ako Jisu ta pui nio o koivake voko ṉaṉaidara kama zaekale sole.

Iruruputo 19:5

Nio so keru seke viqa keru voko so kio, seta bapitaiso keta evake vo Lekasa Jisu ko ṉikale.

Iruruputo 10:44

Ni so keru Pita obeta pesipesita keru inio vo Tabu ala Auvana ta ota podolo saqoro omai evake sea kiadamu seke didiekeni voko bazubazu.

Iruruputo 2:17

‘Komi quli kio aṉa a ereko ama tovama taku kale kiola vo Baṉara: Aṉata a raibikou aṉako Auvana kiadamu tona: Meko lasive meqora poso ni reko meqora poso ta kekai bazutou aṉako bazubazu; meko vairu ama maba poso ta ke kelou kama kelokelozato ni meko qole ama maba poso ta ke uloitikou kama uloito.

Romu 1:11

Ako aṉata aqa matu zaria tu mela lelo me, tu a melai puariko ko Auvana ko mauruto tu kota ko pizatimelou me.