Iruruputo 18:6 - BAṈARA KO VAIRU AMA LEVELEVEO

⁶ Melai seta ke vati bikoirikake ni ruqe kasevo ke evake vo, so sole vota o zavarukake voko sabosabo tu ota ka ṉamuko ko vuruvuru ko topi ama tu kasa oma iko seko bikoirivo vo Baṉara, ni eri kiolake sekasi, “Vo Baṉara ta o koqotaemelou me heli kale tea, me ṉavi me inio meko koqotailo ko raki mela! Ako aṉata lula a ereka aṉako sake mekasi sole aṉata pui aba kai kuiriziovou meko koqotailo. So sole erisaṉa azo aṉata a ziovou ni a bazubazutou se pui Jiu amu kasi,” kiolake.

Iruruputo 18:6 Referans Kwoze

Iruruputo 13:51

So sole nioqa omuqa apositolo ta qo papazikake ko pari nioqako kiti kale ama tu ko mamola pueko ko saizamu ta pui Baṉara ko maba madu inio kio, ni qota vatutake Aikoniami peuru kale.

1 Pita 4:4

Melai erisaṉa se kutumana kamu ta ke melai vuzeiva me, ako meta pui memai zomana sole se koa ruqe ama kalo poso seke erekako kale, ni so inio seta ke ruqeruqe kasemela me.

Luke 9:5

Ni sai maba poso pui ke baroekimeloa koi me, meta me vaekou koa peuru ni me bapazikou koko pari meko kiti kale ama, tu meta meqai mamola pueko seta pui Baṉara ko madu inio,” kiolake.

Matiu 27:25

Nio sea vaki ta eri kikelake, “Uri, vaeka tu koko tapata nea maba ko vou ko ta eṉe ni eṉeko meqora poso melai komai kuirizio,” kikelake.

1 Pita 4:14

Ni so keru se maba poso ke ruqe kasemelou keru me, meko luluevo vo Karisito ko kio kale avo, ta meta maurumaurua mela. Ako ko ikio tuvevo ko ika ko vo ṉaṉaidara kala Auvana Baṉara vo ta obeta eva me tona kio sole.

2 Timoti 2:25

ni inobea sidopu puemo o elou seke pazokani voko nianiiekato. Sokale inio esa vo Baṉara ta o baisemou se tu seta ke lilizio ni kekai nianiio ko tuveano.

Romu 3:29

Ma vo Baṉara ta se Jiu amu ke kiada vo Baṉara ni pui se pui Jiu amu vo Baṉara inio, kio? Pui, se pui Jiu amu melai sevo Baṉara.

Iruruputo 26:20

Kuleto ta Damasikasi ti Jerusalema ni koa pado ama Jiudia ni mata se pui Jiu amu kasi aṉata aba bazubazute sai tu seta ke lilizio seko sarueko poso kale azo ni ke lilizio Baṉara kasi ni ke ereko ko quli seko lilizio kasa ko iko ama.

Iruruputo 26:11

Kubo taku ta aṉa inio a lipilipiteni lala animeko ilusato ko pade poso kale koqotaemelo se, ni aqa zariani lala zuzuemo tu seta keta ka zolio seko oqu. Aṉata amai matu iqaike se so sole aṉata a qeveni lala edoloma peuru poso kale pui Jiu ama peuru poso kale tu sai melai a naquemo sea pitasa maba madu.

Matiu 22:10

Nio sea nabulu madu ta ke olake matu peuru ko keve tona ni ke odiemake kiadama maba madu sai ke meani, uri amu ni ruqe amu, ni koa rorotato ko bau vuato kekai ereivake pade ta kota sukatake ko maba.

Matiu 10:14

Ni kake maba poso ni peuru poso ta pui ke melai zariovou ni pui ke didiemelou, ti meta me vaekou koa zae, ni me bapazikou meko kiti kale ama pari, tu ko mamola pueko seta pui Baṉara ko madu inio.

Luke 22:65

Ni seta matu kubo ruqeruqe ama pesio ke erekake, ko kevai ruqe kasekema vo Jisu.

Matiu 21:43

Ni Sokale avo inio aṉata a bazuemela me, vo Baṉara ko lekasa puo ko mauruto ta ota mela kovou me ni o katimou sea qoqono, seke zoriko amu voko soru.”

Matiu 8:11

Ni aṉata a bazuemela me, matu kubo maba madu ta ke kilou komia peuru ma peuru kale ama zae poso kale azo ni kekai zomanou Baṉara ko ṉojola Ebarahami, Aisake ni Jekopi sate, voko lekasa puo kale.

1 Timoti 5:22

Pui jijiro vai iviko ṉoko ṉase kala maba, tu tabu ivo vo Jisu va nabuluputo kaqe. Pui kai zomano ereko edolomu ko sarueko, melai ṉota rurubiatana saevo eve.

Matiu 21:41

Nio seta eri kikelake Jisu kasi, “Vota o vouvaemou sea ruqe ama maba poso, ni vota ota ma kovou koa kiaro ni o katimou edolomu, seke uria kativo amu vo voko puaro kajoro ko taku keru.”