Iruruputo 18:12 - BAṈARA KO VAIRU AMA LEVELEVEO

¹² Ni so keru Qalio qavuna o eva keru Akaia kale ama peuru poso kale, se Jiu amu ta ke padoivake, ni seta ke noqoevake vo Paula, ni ke vati olake titizato kale.

Iruruputo 18:12 Referans Kwoze

Iruruputo 18:27

Ni Apolosi ta oka zariake zio Akaia ranama peuru poso kale, so sole se Epesasi ama lotu qoqono ta ke tauvevake vo seko ma rikieko kale seko paseto sama leta Akaia ma lotu qoqono poso kasi tu seta ke baroekivo vo. Ni so keru vo o baroa keru sai, vota o matu tauvemake sea maba poso vo Baṉara ko pakiezato sama roquano kale ke tuvevo puteni.

Iruruputo 13:50

Melai se Jiu amu ta ke jituemake se koa Pisidiama Anitioko peuru kale ama tanatanamu ni so jari se pui Jiu ama matuma rekoreko poso seke ilusivani vo Baṉara Jiu amu sase. Ni sea matuma maba poso ta ke taniekake naqueko Paula ni Banabasi ni seta ke butuekake nioqa Pisidia ranama peuru poso kale azo.

Iruruputo 13:7

Vota koa udu kale ala qavuna vo baerebaere inio Sejiosi Polasi va kikelani, vota kala nianiiola maba. Ni vota o nokaekake Banabasi ni Saula voko tanama kale ako vota oka zariake viqo vo Baṉara ko bazubazu sole.

2 Koriniti 11:10

Aṉata maulu a bika vo Karisito ko tuveano aṉa kale ama kale, ta aṉata abeta ziovou raurailo kiadakoi sai mekasi Akaia ranama peuru poso kale aṉako pui tamela kovo ko tabara.

2 Koriniti 9:2

Ako aṉata lula aqai nianiia ta meta meqa zaria tu tauvezato sole, ni aṉata lula a rauraemela me se Masedonia peuru poso kale amu kasi. Aṉata eri kiave, “Animeko lotu baerebaere poso se Akaia peuru poso kale ke evani ta lula ke inainaova tu ke tauvezato ko olalama sabere keru azo,” kiave. Meko dikidau ta ko zaubarima sea kubo madu tu ke luluemelo me.

2 Koriniti 1:1

Aṉa Paula lala, vo Baṉara lula o pitoeleni lala o ṉaviko vatolo kale tu aṉata vo Jisu Karisito vo apositolo a elo, ta ada rikita vo animeko tamania kale ala Timoti sase mea Baṉara ko lotu qoqono me Koriniti peuru kale me evani mela kasi, ni mata mea kiada mela vo Baṉara ko maba madu mela sai Akaia ranama peuru poso kale me evani mela kasi.

1 Koriniti 16:15

Meta meqai nianiia Sitepanasi ni voko saidi inio se kuleto ke liliziovini Akaia ranama peuru poso kale. Seta kema matu nabuluputani se lotu maba poso. Aṉata a basemela me a qaka ni visi poso mela,

Romu 15:26

Ako lotu qoqono Masedonia ni Akaia peuru kale amu ta lula ke inainaeke seko katizato tu ke tauvemo vo Baṉara ko qoqono se ozaoza kamu Jerusalema peuru kale ke evani.

Iruruputo 25:10

Nio Paula ta eri kiolake, “Aṉata abeta lojoa vo Romu ala Matu Aikovakova ko titizato ko zaekale, sai aṉa a malea koi tu a vatoilo. Aṉata pui a erekani lala kama sarueko se Jiu ama tanamu kasi, ṉo ṉavi melai ṉobe kai uria nianiia.

Iruruputo 17:13

Ni so keru se Tesalonaika ke evani Jiu amu ke viqa keru Paula kai bazubazuto vo Baṉara ko bazubazu Berea peuru kale, seta ke olake sai ni ke taniekake ṉavaṉavato ni lilomato.

Iruruputo 14:19

Ni kake Jiu amu ke kuevini Pisidia rana ma Anitioko azo ni Aikoniami azo ta kemai titiake sea matuma vaki tu seta seko rana ke elo, ni seta ke taivake vo Paula lado kale ni ke rajaevake ni ke ṉamuvake peuru ko kupekupe ni ke vaevake sai lula ota vouva kikelake sole.

Iruruputo 14:2

Melai se Jiu amu se pui ke tuvevo putani ta keta ma niumaekake se kutumana kama pui Jiu amu ko kerukeru tu kemai kaikuapo seke tuvevo puteni.

Matiu 27:19

Nio so keru vo Paelati obeta papua keru voko titizato ko papupapu topi, voko reko ta ko soroekake ko bazu vokasi ni eri kikolake. “Ṉota pulia quli ṉo erekou voa sidopu ala maba kasi, ako aṉata a uloitivala vo raisi ipu kale, ni koa uloito ta ko niumaekala aṉako kerukeru sole,” kikolake.

Jemisi 2:6

Melai meta me quratima se ozaoza kamu! Sea batiro amu inio tapata ke imelani me ni ke melati olani me titizato kale!

Romu 16:5

Ni komi ta mata aṉako roquano sea lotu qoqono kasi ama seke padoivani nioqako pade kale. Ni aṉako roquano vo aṉavo baerebaere Epaenitasi kasi Eisia rana vo kuleto tuvevo o iveni vo Karisito.

Iruruputo 17:5

Melai seke konoivani Jiu amu ta ke padoemake seke utu taliani ruqe ama maba poso ni seta ke vakimuake ni ke ṉiṉoreake koa pado ama peuru kale. Ni kiadamu ta ke olake ni kekai kasakeake Jesoni va kikelani maba ko pade, tu seta ke vailiko Paula ni Sailasi sai tu ke saqoriko nioqa sai kazo maba poso kasi.

Iruruputo 13:12

Nio so keru vo qavuna o kea keru koko ereima quli, vota ota tuvevo putake, ako vota matu aqasiele okai evake vo Lekasa Jisu vai nianiiekato sole.

Jone 19:13

Ni so keru vo Paelati o viqa keru koa pesio poso inio vota o saqorivake vo Jisu kupele ni o ṉavi ta o papuake titizato ko papupapu topi, koa zae ko ṉi ta “Lado Sapera.” Hiburu pesio, se Jiu amu ko pesio kale, ta “Qabata” ka kikolako.

Iruruputo 13:8

Melai voa kakokakoto ko maba ta o tizaekake nioqa, vo Elimasi va kikelani (ko ikio Quriki kale ama vo Ba-Jisu ko ṉi), vo o madoeveni tizaevo vo qavuna tu pui ovai oqu vo Jisu.

Iruruputo 18:11

So sole Paula ta o evake sai omadeu ka kobu sabere, ni vota omai nianiiekikake vo Baṉara ko bazubazu.

Iruruputo 19:21

Ni ko quli poso ko ereilo ko tova inio Paula ta o vatoeke tu o zio Masedonia ni Akaia ranama peuru poso kale ni soa beta zio Jerusalema. Ni eri kiolake, “Sai a ziovou saita, inio Romu peuru melai aba soipikou,” kiolake.

2 Koriniti 11:26

Kubo aṉako talio kale aṉata a doraeke ko nioqololo ko tapata ni se kuilokuilo amu ke erekema tapata, ni a doraeke ko tapata se aṉako mabamu se Jiu amu ke erekema ni se pui Jiu amu ke katilema, ni aṉata a doraeke ko tapata koa matuma peuru poso kale ama, ni ivulu ama zaekale ama tapata, ni ko matu okate ama ololobagea kale ama tapata, ni se lipalipa kama baerebaere poso kasi ama tapata.

1 Tesalonaika 2:14

Ṉe visi poso mela, koa omadeuma niumaniumato mekasi ko ereima jari ama ikio ko ereima vo Baṉara ko lotu qoqono poso kasi Jiudia, saizamu vo Jisu Karisito ko maba madu kasi. Koa omadeuma niumaniumato ko me duki ke melai ikema me ṉaviko ṉisa peuru kale ama maba poso ikio duki kemai ikema saizama lotu maba poso se Jiu amu ko lotu tanatanamu,

1 Tesalonaika 2:16

Se inio mata sea maba poso seke dokoliṉelo eṉe kikeveni kai bazuto kale me pui Jiu mu mela kasi vo Baṉara ko pakio ko borikako bazu. Koa keve kale inio seta ke ereka matuma boutare ko kobe kai paloasako kiadama seko sarueko poso seke erekako kiada keru. Ni kokale inio vo Baṉara ko matuma korakorailo ta vairutu pado kobe mai baroa.