Iruruputo 13:8 - BAṈARA KO VAIRU AMA LEVELEVEO

⁸ Melai voa kakokakoto ko maba ta o tizaekake nioqa, vo Elimasi va kikelani (ko ikio Quriki kale ama vo Ba-Jisu ko ṉi), vo o madoeveni tizaevo vo qavuna tu pui ovai oqu vo Jisu.

Iruruputo 13:8 Referans Kwoze

2 Timoti 3:8

Omadeuvo Jenisi ni Jaberesi qo ivevoa tizaevo vo Mosese jari, so jaria tizaeko inio nia maba poso ke evani ko tuveano, se sarube ama kerukeru sama maba madu se kekai lipalipaitani ko oqu.

Iruruputo 13:12

Nio so keru vo qavuna o kea keru koko ereima quli, vota ota tuvevo putake, ako vota matu aqasiele okai evake vo Lekasa Jisu vai nianiiekato sole.

Iruruputo 9:36

Ni Jopa peuru kale ta kobeta evake ka pado rekoreko koko tuvevo putako koko ṉi ta Tabita. Koko ṉi Quriki pesio kale ta Dokasi kio, ni koko kio ni kalo ta “Dia” ka kikelako matu ileile ama ariku kiti ama biaṉa kio. Kota ko ṉamuke kiadama koko taku koko uri ama iruruputo ko ereko kale ni tauvemo kale se ozaoza kamu.

Iruruputo 8:9

Ni kala pado maba Saimone va kikelani ta obeta evake koa peuru kale, kama taku kale vo o vuzemeni se Sameria mu voko aqasiele ama iruruputo ziolo ko pizato kale o erekema kale. Vota o aikaivake ta vo inio raura kala kioveni,

Iruruputo 6:7

Nio vo Baṉara ko bazubazu ta kobeta olake pailailo. Ni seke tuvevo putani ko ataataiti Jerusalema ke eveni ta matu kubo kota evake, ni matu kubo siama madu ta ke tuvevo putake koa taku.

Jone 1:41

Ni taukavole Aduru ta o saqorake pade kale azo ni o vailivake vovo kaka Saimone ni o bazuevake vo, “Eqeta qe veala vo Baṉara o soroevani Pakio,” kiolake.

Iruruputo 18:12

Ni so keru Qalio qavuna o eva keru Akaia kale ama peuru poso kale, se Jiu amu ta ke padoivake, ni seta ke noqoevake vo Paula, ni ke vati olake titizato kale.

Iruruputo 19:38

Dimitiriasi ni voko iruruputo maba poso ta kuiripato saṉa ke ivou kala kikevou ta, animeta tanatanamu samela inio, ni pitopito ama titizato ko ṉaniu samela inio, ni sai nio ko roveovoa koi ko kuirikinio.