Iruruputo 12:7 - BAṈARA KO VAIRU AMA LEVELEVEO

⁷ Ni ota podoloa koi vo Baṉara vo mateana ta o lojoake sai, ni o zakaremu ta ko taloake koa lose kale. Ni vo mateana ta ota va tupiekake Pita ko ropa, ni o toirativake vo, ni eri kiolake, “Taukavole! Zolai!” kiolake. Ni koa seini ta kota rupasiake ni kota piake Pita ko ṉase topi azo.

Iruruputo 12:7 Referans Kwoze

Iruruputo 5:19

Melai koa ipu kale inio kala pado vo Baṉara vo mateana ta opa veukake koa pirito pade ko tibulu poso, ni o saqorimake se apositolo madu, ni eri kiolake sekasi,

Iruruputo 16:26

Ni ota podoloa koi matuma nunu ta ko nunuqataekake ko pirito pade ko vola ni kiadama koko tibulu ta kota ka veukaziake, ni koa pirito pade kale amu ko piri ta kota ma rupasiake.

Iruruputo 10:30

Nio Koniliasi ta eri kiolake, “Zoukelimana inio aṉata a vararaitala eri ama taku kale zouke koloko kale raisiraisi vasia rana. Ni ota podoloa koi kala maba tapo simanamana kama sabosabo sala ta o lojola aṉako kuleto vasi

Epesasi 5:14

Ni koa kiadama quli ko uria kasa ko evako quli ta zakaremu kota eva. So inio komi kikolani ta eri: “Toirate ṉo maroṉani ṉa! Ni saeve voukale azo, nio Karisito ta zakaremu o elou ṉokasi.”

Iruruputo 2:24

Melai Baṉara ta o saevivake vo voukale azo, ni vota o rupasivake vo koko sisikara kale azo, ako ko vou ta pui kopa roveovi noqola pirieve vo sole.

Luke 24:4

Ni so keru se sai niuniala lojo kebe kai eva keru ko, ota podoloa koi inio omuqa maba mudamuda sabosaboa nioqa ta qo lojoake seko papara.

Luke 2:9

Ni vo Baṉara vo mateana ta omai puratake se, ni vo Baṉara ko ṉaṉaidara ta komai laqatake se. Nio seta keta matu ṉake.

Iruruputo 12:23

Nio maba koa taku kale inio vo Baṉara vo mateana ta o pazovake ni o verepivake vo Herodi, ako vota ota va epoepoivake vo Baṉara ko ilusato sole. So sole vota loiloi ko vuake ni ota vouvake.

Iruruputo 9:3

Ni so keru Saula o baroa keru Damasikasi peuru ko sipole, ko zakaremu aukale azo ama ta ota podoloa vai laqato ko evake ni ko qoloevake vo.

Kelokelozato 18:1

Ni koko tova inio aṉata a veake mata kala pado mateana vo obeta saqorani aukale azo. Vota matu piza kala ni voko ṉaṉaidara ko zakaremu ta kokai taloake ko pado ama peuru ma peuru.

Hiburu 1:14

Sole loma madu inio se mateana madu? Sea kiadamu inio se auvana madu se keva nabuluputani pala vo Baṉara ni ke Soroini vokale tu ke tauvemo seke koani ko pakio.

Iruruputo 12:6

Ni koa ipu puliako Herodi saqorivo vo Pita pirito pade kale azo tu o titizivo vaki ale kio nio Pita ta obeta maroṉake omuqa solodia kidi ko tiania. Ni omuqa seini kale ke pirieve ni mata omuqa solodia kidi ta inioqiana pirito pade ko veutu tona.

Matiu 2:13

Lula se keta vaita saita inio kala pado vo Baṉara vo mateana ta o puratake Josepa kasi voko uloi kale ni eri kiolake, “Vo Herodi ta mainio opa vailivou voa meqora tu o vouvaevou vo. So sole toirate tu vati soqoi voa meqora ni voko niania Ijipi peuru kale, nio sai mebeta elou saita, ti kobeta barou so keru aṉa vaitomo mela kiavou keru koi Izireli.”

Iruruputo 12:8

Ni vo mateana ta eri kiolake, “Vinaeka ṉoko vimavima ni kiaka ṉoko sadolo.” So sole Pita ta o luluekake koa bazu, ni mateana ta mata eri kiolake, “Kiaka ṉoko topi ama sabosabo ni luluela aṉa,” kiolake.