Hiburu 6:12 - BAṈARA KO VAIRU AMA LEVELEVEO

¹² Meta pui lupalupato melai meta seke kovo amu vo Baṉara oma inainaekako quli jaria noqola oqu emo.

Hiburu 6:12 Referans Kwoze

Hiburu 13:7

Kerukeruemomo sea kuleto ama odikato ko maba poso seke kasekeni vo Baṉara ko bazu mekasi. Kerukeruekomo seke evevoa saevo ni vou, ni tuvevo puevomo vo Baṉara seke ivevoa tuvevo puevo vo jari.

Hiburu 10:36

Meta inobe emo inio meta me erekou vo Baṉara ko vatolo ni meta me qovou ko vo lula o mela inainaekako quli tu o katimelou me ka kiolako.

1 Jone 2:25

Ako o ṉavi Karisito leveleveo o ikema tu o katimelo anime ta noqola kama saevo ikio sole.

Romu 12:11

Matu iruruputomo vo Baṉara ko iruruputo kale ni pui lupalupato. Va nabuluputomo mevo Lekasa meko pado ama bulo kale.

Hiburu 5:11

Kubo quli ta mata ikoana ko anime meqa zariako kaseko vo Karisito ta omadeuvo Melekizedeki jari ala inio kio, melai kota tapata tu kaseko mekasi, ako meko paqumato ta matu oluoluavo sole.

2 Pita 1:10

So sole lolo poso, Baṉara ta o nokaemele ni o pitoemele me tu o ṉavi kaqe. Sole meta matu madoekomo ni kasa ikomo ta me inio voko tuvevo ama pitopito ama maba poso mela. Ni meta me erekou ko quli ta meta maba pui meba pialou.

Jemisi 1:3

ako meta meqai nianiia ta soama tapata poso me doraekou keru, melai meko oqu ta pui lekuleku ko elou, nio kota kasa ko eva ta kota piza kama ni noqola kama ikio.

Hiburu 12:1

Sea matu kubo animeko taite poso se kekai bazuteni seko oqu ta inisiana animeko levoano kale, so sole animeta me ṉamukou kiadama quli koko tizaemelako anime, ni ko sarueko poso koko matu raitimelako anime, tu pataito kale animeta mebeta zomano animeko rereo kale ama voziekinio kale ko animeko kuleto ko inainaivako.

Hiburu 1:14

Sole loma madu inio se mateana madu? Sea kiadamu inio se auvana madu se keva nabuluputani pala vo Baṉara ni ke Soroini vokale tu ke tauvemo seke koani ko pakio.

Romu 4:12

Vo inio mata se movemove amu vo taite seke luluekani Ebarahami ko oqu ko keve, vo animevo taite, ko vo okai saevema oqu puliako vo moveilo.

Romu 2:7

Seke erekani ko uri ta koa kalo kale inio seta ke zuatika ko ṉaṉaidara, ni raurailo, ni noqola kama saevo, ni se inio vo Baṉara o katimo amu koa noqola kama saevo.

Kelokelozato 13:10

Vo ke rapevo ala, ta tuvevo avole vota ke rapevou, ni vo benisi kale ke vouvaevo ala, ta tuvevo avole vota ke vouvaevou benisi kale. So sole koa tapata ko melai barou keru vo Baṉara ko maba poso mela ta inobea pataitomo ni kerula emo.

Hiburu 11:33

Seko vai oqu kale vo Baṉara seta ke kati pazokiniake kama matu peuru poso ni ke koqotaekake; korotoma ni sidopu ama quli ke erekake ni ke koake ko quli vo Baṉara oma inainaekema quli. Kake ta ke evake laione poso sate, melai pui ko nanaemake.

Hiburu 6:15

Ebarahami ta inobea taruano o evake ni vota o koake vo Baṉara ova inainaekema quli tu o kativo vo.

2 Tesalonaika 1:4

Sokale avo inio eṉeta ṉe rauraemela me Baṉara ko lotu qoqono poso kasi azaazama zaekale ke evani. Ko eṉe ṉe melai rouraekako me ta meko piza kama oqu ni meko pataito meko toraeko kale ko niumaniumato ni tapata poso.

Luke 8:15

Ni koa rui koko piako uri ama miduku kale ta ko mamola puema sea poso seke viqani ko bazu ni ke uria tukiekani ko seko uri ama zoripato sama bulo kale, ni seta ke pataita seko oqu kale ti seta ke epamata,” kiolake.

Matiu 22:32

‘Aṉa inio vo Ebarahami vo Baṉara lala ni vo Aisake vo Baṉara lala ni vo Jekopi vo Baṉara lala,’ kikovema. Vota saevomu vo Baṉara inio melai pui voumu, so sole Ebarahami ni Aisake ni Jekopi melai keta tova saevou,” kiolake vo Jisu.

1 Tesalonaika 1:3

Ako vo animevo Baṉara ko tanama kale eṉeta ṉe matu kerukerueka ko meko oqu ko puratikako iruruputo, ni meko roquano ko imelania matu nabuluputo, ni meko pizaka vai keru vo Jisu Karisito tu kovo ko noqola kama saevo ko imelania vinavina.

Luke 16:22

“Ni voa ozaoza kala maba ta ota vouvake ni se mateana madu ta ke borivake vo ni kepa papuevake Ebarahami ko papara aukale ama ṉojola kale. Ni vo batiro ala maba ta mata ota vouvake ni ke mutavake,

Matiu 25:26

“Ni vovo lekasa ta o vati tiorikake ni eri kiolake vokasi, ‘Ṉota matu ruqea laṉa ni lupalupa kala nabulu ṉa! Ṉota ṉolai nianiia ta aṉata a qajorani lala sai pui aṉa a bapatakoi, ni a qoazatani lala sai pui aṉa a iruruputakoi.