Hiburu 3:14 - BAṈARA KO VAIRU AMA LEVELEVEO

¹⁴ Kerukeruekomo erisaṉa ta animea kiada mela ta vo Karisito kalea mela, pizaka noqoeko me elou ta koa kuleto ama tuvevo puto ti mebe kai barolou saevo ko paitopaito keru.

Hiburu 3:14 Referans Kwoze

Hiburu 3:6

Melai Karisito ta kerula kala Meqora voko kati vailo kale vo Baṉara ko qoqono. Ni animeta mebeta parani putou ni me duvevo puekou ni me darekou ko uri ama quli anime me qovo ama, ta animeta kasa me elou ta anime inio voko qoqono mela.

Hiburu 6:11

Aṉata a mela matu zaria me tu mea kiada mela ta soa matu madoeko me elou ti kobeta barou koa taku ko paitopaito, so inio ko quli meme qovo ama ka kimelako ta tuvevo ko elou.

1 Pita 4:13

Melai meta zoleimo ako meta me qoa sole vo Karisito o koema tola jari ama tola. So inio meta me matu zoleilou so keru vo Karisito o vaitou keru voko pizato ni ṉaṉaidara sate.

Hiburu 12:10

Se animeko miduku kale ama mama poso ta ke sidopu puemela anime seko zolemako sidopu puto kale puju ama taku kale. Melai Baṉara ta o sidopu puemela anime koa sidopu puto kale koko tauvemelo ama anime tu animeta vo jaria bulebule me elou.

Hiburu 6:4

Ako nonia roveo inio seke vaekani seko oqu ta tova lilizio ke elou? Puliama keve kale! Ako soama maba poso ta lula ke lojoani vo Baṉara ko zakaremu kale sole, ni seta lula ke lainikani koa katizato ko kuevako Baṉara kasi azo, ni seta lula kekai zomaneni ṉeamuvo vo Tabu ala Auvana sole.

Epesasi 3:6

Ni komi kio koa mutamuta kama vatolo: se pui Jiu amu ta se Jiu mu sate amu vo Baṉara ko mauruto kale, ni sea kiadamu ta omadeuvo ko omadeuma tupu kale ama kata poso jari amu ni ke kovou koa omadeuma leveleveo vo Baṉara o erekema vo Jisu Karisito kale.

Hiburu 3:1

Sokale avo, a lolo poso mela vo Karisito kalea mela, ni vo Baṉara lula o nokaemelani mela, meta kerukeruevomo vo Jisu, vo Baṉara o soroeveni tu Ṉisa Siama okai elo koa tuvevo puto anime tuvevo me ikako.

Romu 11:17

Kama kata poso koa mabamaba kama Olive ore ko ta kota lopai ni kama piru ama Olive ore ko kata ta kota nasoi ko tona ni Baṉara ta o qotupike. Ṉo pui Jiua laṉa inio koa piru ama Olive ore ko kata jaria laṉa ṉoṉo nasoivani ṉa vo Baṉara ko mabamaba kama Olive ore topi tu ṉo qovo voko matuma mauruto.

1 Koriniti 10:17

Ako koa bereti ta omadeu pado lezu ama, so jari nio animeta kubo mela melai animeta omadeu qoqono mela, ako animeta mevai palaita voa omadeu lezu bereti sole.

1 Jone 1:3

Ni vo eṉe ṉe veveni ni ṉeda va viqeni, vo inio mata ṉe melai bazueva me, tu meta omadeu lolopareo me ṉelati elou eṉe voko vai nianiio kale. Ni koa omadeu lolopareo animeko ta mata animevo Mama Baṉara ni vovo Meqora Jisu Karisito sate inio.

1 Koriniti 1:30

Ni vo Baṉara inio lula omadeu o melati ivani anime vo Jisu Karisito, ni vo Baṉara ta lula o katimela anime voko ṉisa nianiio vokale. Vokale inio animeta lula sidopu me eva vo Baṉara ko kelokelozato kale; ni vokale inio animeta vo Baṉara ko tabu ama maba poso me evani mela ni ruparupasia mela.

1 Pita 5:1

Me lotu qoqono ko vilua pikopiko madu mela, aṉata aqa zaria melai bazueko me kama quli aṉako pado ama bulo sate. Ako aṉa melai kala vilua pikopiko lala ni aṉa inio a qeveni lala vo Karisito ko tola ni vou sole. Ni aṉa inio mata aqai zomanoa lala voko ṉaṉaidara vo Karisito o vaitou keru. Nio aṉa inio a bazuemela me

1 Timoti 6:2

Sea mabaku poso se lotu maba tanamu samu ta pui ke kaikuapo zorimo seko tanamu eri kio sama kerukeru kale, “Animevo tanala ta animea lotu tamania kale ala pala.” Melai seta kema uria nabuluputo se, ako sea tanamu seke koani ko tauvezato sea mabaku poso ko iruruputo kale ta tuvevo puto ko maba madu sole ni sea mabaku poso ta ke roquema seko tanamu sole. Ṉota kai nianiiekate ni kai bazubazute komi quli poso.

1 Koriniti 9:23

Aṉata a ereka koa kiadama tu ko Uri ama Bazu ta ko aerou, tu se sase aṉata aqai zomanou kovo koa mauruto poso koko kuevako seke luluekani koa Uri ama Bazu kasi.

Romu 11:22

Kokale inio animeta me qea vo Baṉara ko roquemo se maba madu ni voko tapata imo se. Vota tapata o ima seke vaevani vo, melai voko roquano ta me tona—meqai noqoilou koa roquano tea. Melai meta pui me noqoilou tea, me melai meda kobuilou.

Hiburu 11:1

Oqu saṉa elo ta kai nianiio animeko ṉeamuko ko quli anime meqai keruako tu me qovo, ni kota kai nianiio ta tuvevo ama quli kio ko anime pui me qeako quli.