Hiburu 12:15 - BAṈARA KO VAIRU AMA LEVELEVEO

¹⁵ Balauvomo tu puliala ta o liliziovou Baṉara ko pakiezato sama roquano kasi azo. Ni vailomo tu puliala ta o pasopasoilou, ako koko epamata keru ta ko pasopasoilo ta kubo tapata ko ereka seke tuvevo putani kasi ni ko niumaeka seko saevo.

Hiburu 12:15 Referans Kwoze

Hiburu 3:12

A lolo poso, meta balauvomo tu puliala me azo ta o ṉeamukou ko ruqe ama bulo ni pui tuvevo puto, koko lilimelo ama me vo tuvevo ala Baṉara kasi azo.

Qelesia 5:4

Ni kake mela me meqai zariani mela lulueko vo Mosese ko Bazu, ta meda pitasia inio vo Karisito kasi azo ni meta me epeza tuvevo pueko Baṉara ko roquano kale ama sidopu puto.

2 Koriniti 6:1

Vo Baṉara ko tauvezato kale eṉeta ṉe basema se maba poso tu ke vati odouvikinio vo. Ni eṉeta ṉe basemela me me lula me qoani mela vo Baṉara ko pakiezato sama roquano tu meta pui me niumaekou ko.

2 Jone 1:8

So sole meta balauvomo! So inio meta pui meqai suatou koa reketekete ko eṉe lula ṉe melai bazuekema me eṉeko iruruputo kale, melai meta me qovou koa kiadama.

1 Koriniti 15:33

Meta pui saruilo, ako “ruqe ama baerebaere poso ta ruqe keta ṉa ikou ṉoko sidopu ama kalo” sole.

2 Pita 3:14

So sole lolo poso, me darekou keru koa ṉaniu ta matu madoekomo tu bulebule ni sarueko pide emo vo Baṉara ko vilu kasa ni vati odouvikiniomo vo Baṉara.

Hiburu 4:1

Baṉara ta lula leveleveo okai vaeka kama pado zae tu animeta me amaqeovou sai vo o evakoi tu me mamazou vokasi. So sole animeta me vailou, tu puliala anime azo kala ta nieu okai elou kelo ni kovo koa mamazo ko vo lula o mela inainaekema.

1 Koriniti 5:6

Meta pui me male aikailo! Meta meqai nianiia koa pesio so kikolako, “Matu silo pala isiti kio ko rovea rapukiko ko palava volevole.”

Hiburu 4:11

So sole animeta me matu madoekou tu me qovo koa pakio ko mamazo, tu puliala ta se kekai evevoa kabao okai elou ko, ako seta ke bikobikoirate sole.

2 Koriniti 13:5

Meta keazaimo me ṉavi ni titiziomo me ṉavi, tu kai nianiiomo ko meta tuvevo avole oqu samela inio kio. Ako aṉata aqai nianiia ta pui me vaekou meko oqu ta, meta me roveovou kaseko ta vo Jisu Karisito ta me tona inio.

1 Koriniti 10:12

So sole kalaṉa pizaka lojo ṉo eva kiṉolani ṉa ta ṉo matu balauvou tu ṉota pui ṉo bialou.

Hiburu 6:11

Aṉata a mela matu zaria me tu mea kiada mela ta soa matu madoeko me elou ti kobeta barou koa taku ko paitopaito, so inio ko quli meme qovo ama ka kimelako ta tuvevo ko elou.

2 Pita 2:18

Seta kekai aikaivani seko kalo pide ama rauraraurailo ni ruqe ama tupu ko zario kale inio seta ke aveavema maba poso sarueko ko sipata kale. Ni koa kalo kale inio seta ke ubeubema maba poso se kebe liliziani ruqe ama maba poso ke kavani kasi azo.

Kolosi 3:5

Vaekomo ereko ko ruqe ama quli komia miduku kale ama, zave ni rusurusuavo, ni takuto, ni olavo, ni pazapazailo, ni ruqe ama viluloqu, ni kiadailo, ako kiadailo ta kama pado keve beku ko ilusiko ko sole.

Epesasi 5:3

Ni meta lula vo Baṉara ko maba poso mela meda eva so sole meta vaekomo ko pauvezato ni rusurusuavo puto, ni pui viluloqu me elou. Ako komi quli ta pui kopa melati mabuvou sole vo Baṉara ko tabu ama maba poso mela.

Qelesia 2:13

So sole vo Pita ta ota lipalipatake ni mata kake se Jiu ama lotu maba madu melai ke luluekake voko lipalipa kama kalo. Ni vo Banabasi melai ko niumaevake sea Jiu mu ke erekako kalo, ti vo melai ota sarui lulueko koa kalo.

1 Koriniti 13:8

Roquano ta noqola kama. Melai komia kiadama quli ta kota paitou, koa pidokato ko bazu poso ni koa edoloma vekalo pesio kai pesio ko pizato, ni nianiio.

2 Pita 3:11

So inio kiadama quli ta kota ruvurou, so sole meta noni ama maba poso mela inio me elou? Meta me jaevou tabutabuo ko saevo kale ni meva iruruputou vo Baṉara.

2 Pita 1:10

So sole lolo poso, Baṉara ta o nokaemele ni o pitoemele me tu o ṉavi kaqe. Sole meta matu madoekomo ni kasa ikomo ta me inio voko tuvevo ama pitopito ama maba poso mela. Ni meta me erekou ko quli ta meta maba pui meba pialou.

Luke 22:32

Melai aṉata lula a ṉati vararaitala ṉo, Saimone, tu ṉoko oqu ta pui ko maba epezou. Ni so keru mata ṉo ṉola lilitou keru aṉa, ta ṉota ṉo pizatimou ṉoko visi poso,” kiolake.

Taitasi 1:15

Kiadama quli ta bulebule se bulebule amu kasi; melai pulia quli ta bulebule se sarueko ko kaqa samu kasi ni se tuvevo puto pide amu kasi, ako seko kerukeru poso ni upo nianiio poso ta lula ruqe sole.