Hiburu 10:24 - BAṈARA KO VAIRU AMA LEVELEVEO

²⁴ Animeta me qerukeruekiniou, tu me dauvekiniou muli tu kasa me ikou ko roquano ni me erekou ko uri.

Hiburu 10:24 Referans Kwoze

1 Tesalonaika 5:11

So sole meta zuvarikiniomo ni tauvekiniomo, so mebeta kavani komia taku kale.

1 Jone 3:18

A meqora poso, animeko roquano ta pui pesio kale ko kiada ko elou. Melai animeko roquano ta tuvevo ama ko elou ni ko kasa puilou animeko tauvekinio kale.

Hiburu 13:1

Mea lotu tamania me evani mela vo Karisito kale, meta pui epezo roquekinio.

Qelesia 5:13

Melai a qaka ni visi poso, vo Baṉara ta o nokaemele me tu me rupasio. Melai koa meko rupasio ta pui tu meko ruqe ama zario kaqe, melai koko kio ni kalo ta meta tauvekiniomo roquano kale.

Kolosi 3:16

Meta kerukeruekomo vo Jisu Karisito ko raura kama bazu meko bulo poso kale matuvole kiada keru. Meta nianiiekikiniomo ni bazubazuekiniomo me ṉavio kude ko raura kama nianiio kale. Ilusivomo vo Baṉara azaazama tabu ama kera kale, ni kai keraomo koa kera poso vo Baṉara ko auvana ko katimelako me, meko bulo kale ama ilusivo kale vo Baṉara.

Taitasi 3:8

Kota tuvevo ama bazu ikio. Aṉata aṉa zaria ṉo tu ṉota matu piza kavole ṉomai bazuekou komi quli, tu se kevai keruani vo Baṉara ta ke ereko ko uri ama iruruputo seko dikidauputo kale, koko uria tauvemo ama kiadama maba poso.

1 Timoti 6:18

Bazuema se tu seta kemai tauveko edolomu seko batiro, tu seko zolemo ama ta seko uri ama kalo ko elo, ni kekai zoleilo seko mati puaro se edoloma maba poso.

Hiburu 13:3

Kerukeruemomo tu tauvemomo se pirito pade kale ke evani maba poso; omadeuvo se jaria piripiri emo. Ni so jari meta kerukeruemomo se tapata ke evani, omadeuvo meta me lainika seko tola jari.

Qelesia 6:1

A qaka ni visi poso, esa kala me azo ta mevai potou o erekou keru ko saruilo, ta vo Tabu ala Auvana kale me odiziani mela inio me ziovou nio meba tauvevou sidopu puevo. Melai meta me jidopu puevou vo zarazarailo sama keve kale, ni me balauvou, ako me ṉavi melai me ereko kale sole soama saruilo.

1 Koriniti 10:33

Meta me qalou omadeuvo aṉa a qavani jari, ako aṉata a madoe tu kiadama maba poso ta kekai zoleilo kiadama aṉa a erekako quli. Aṉata pui aqai kerukeruiva aṉako tauvezio, melai edolomu ko tauvemo ikio, ako aṉako zario ta sea kubo madu ta ke pakiovou.

Qelesia 5:6

Ni eṉe omadeu ṉe evani ṉela Jisu Karisito sase ta ṉe baqumukani ṉela ta pui ko tauveṉela ko moveilo ni pui moveilo tu sidopu elo Baṉara ko kelokelozato kale. Ako qulepo ama quli ta oqu ikio sole, koa oqu ko kasa ko evako roquano kale.

2 Koriniti 8:8

Aṉata pui a ereka kama piza kama bazu tu meta me ereko ko. Melai aṉata kasa a mela ika sea Masedonia mu ko roquano sama iruruputo tu a zuvarimelou tu me melai soama roquano sama iruruputo erekomo.

Iruruputo 11:29

Ni seke tuvevo putani ta ke vatoekake tu seta ke padoekou ko seleni omaomadeu ke navinavi ko bokao kale tu seta ke soroeko ni ke tauvemo seko lotu baerebaere poso se Jiudia peuru poso kale ke evani.

2 Tesalonaika 3:9

Eṉeta ṉeda roveo nio paseko ko tauvezato mekasi, melai meko lulupato ko tauveko kale avo eṉeta soa matu iruruputo ṉe eve tu meta me luluekou koa eṉeko kalo.

Qelesia 5:22

Melai vo Tabu ala Auvana o puratikako kalo ta eri ama, roquano, zoleilo, bule, pataito niumaniumato kale, baiseo, uri ama kalo, kerula elo,

2 Koriniti 9:2

Ako aṉata lula aqai nianiia ta meta meqa zaria tu tauvezato sole, ni aṉata lula a rauraemela me se Masedonia peuru poso kale amu kasi. Aṉata eri kiave, “Animeko lotu baerebaere poso se Akaia peuru poso kale ke evani ta lula ke inainaova tu ke tauvezato ko olalama sabere keru azo,” kiave. Meko dikidau ta ko zaubarima sea kubo madu tu ke luluemelo me.

Romu 12:15

Mati zomanomo zoleilo seke zoleivani, ni zomanomo zialo seke ziani sase.

Taitasi 2:4

tu ke tauvemo se vairu ama rekoreko poso tu ke roquemo seko lasive poso ni meqora poso,

1 Koriniti 9:22

Se lekuleku ama kerukeru samu kasi a eva keru ta aṉa melai se jaria lekuleku a eva, tu se jaria lulueko kama tabu kale aṉata a lilimo se. So sole aṉata a mati ijatinia puekinia kiadama maba poso kiadama quli kale, tu kiadama keve kale aṉata a lilimou kake.

1 Tesalonaika 1:3

Ako vo animevo Baṉara ko tanama kale eṉeta ṉe matu kerukerueka ko meko oqu ko puratikako iruruputo, ni meko roquano ko imelania matu nabuluputo, ni meko pizaka vai keru vo Jisu Karisito tu kovo ko noqola kama saevo ko imelania vinavina.

Romu 11:4

Ni Baṉara ta eria opato ova evake vo, “Aṉata lula a edolima sikeura vuro maba se a ṉaviko madu se pui nio ke ilusivani vo lipalipa kala baṉara Belo,” kiolake.

Hiburu 3:13

Melai meta pizatomo kokale azo tu puliala me azo ta ko lipaevou ko boutare, ni zokele bulo ko ivo, melai meta zuvarikiniomo muli kiadama ṉaniu, anime mebeta eva keru erisaṉa ko Tabu ama Riki kokai nokaekako “Vairutu”.