Epesasi 3:11 - BAṈARA KO VAIRU AMA LEVELEVEO

¹¹ Vo Baṉara ta o vatovatoeke komi quli koko tanitanila keru, ni vota o erekake ko vo animevo Lekasa Jisu Karisito kale.

Epesasi 3:11 Referans Kwoze

2 Timoti 1:9

Vota o pakiemele ni o nokaemele anime tu voko maba poso me elou, pui animeko iruruputo kale, melai o ṉaviko vatolo kale ni o roquano kale inio. Puliako peuru ma peuru ereilo vota lula o vatoeke tu o katimelo komia pakiezato sama roquano vo Karisito o puratikako,

Epesasi 1:11

Ni vo Karisito kale inio animeta me bitoi tu vo Baṉara ko maba poso me elo. Vo Baṉara ta lula o vatoeke tu animeta voko maba poso me elo, ako so inio vo oka zariani sole. Ako o ṉavi Baṉara inio o korotikani kiadama quli o ṉaviko vatolo kale sole.

Epesasi 1:4

Vo Karisito kale inio vota o pitoemele anime puliako komia peuru ma peuru ereilo. Ni vo Baṉara ta o pitoemele anime tu voko tabu ama maba poso mela me elo ni puliama kuiripato saṉa me elo voko tanama kale.

Romu 9:11

Melai kala pado meqora nioqʼazo ko pitoilo ta vo Baṉara ko maba vatolo kale inio o pitoi. Baṉara ta eri kiolake koa reko kasi, “Vo kaka kala ta nabulu ova elou vo visi ala.” Vota o kaseke koa pesio puliako nioqa alilo, ni puliako nioqa ereko ko uri ni ruqe; so sole vo Baṉara o pitoeve keru voa maba ta vota pui o nokaeva vo vo o erekako iruruputo ko kio kale, melai o ṉaviko vatolo kale inio vota o nokaeva vo.

Epesasi 1:9

vo Baṉara ta kasa o mela ike voko mutamuta kama vatovatolo, ako so inio vo okai zariani sole, ni vota o mela vatoeke tu o ereko vo Karisito kale.

Qelesia 5:24

Ni anime vo Jisu Karisito ko maba madu mela ta lula me vaekani mela animeko bulo kale ama ruqe ama kerukeru kokai zariako kalo ni saevo, omadeuvo animeta me batoeka jari koa kalo ni saevo korosi topi.

Epesasi 3:1

Ni komi ko kio kale inio aṉata a melati vararaita me, aṉa Paula a biriziani lala vo Jisu Karisito vai bazubazuto kale avo tu me pui Jiu amu mela kaqe.