Epesasi 3:1 - BAṈARA KO VAIRU AMA LEVELEVEO

¹ Ni komi ko kio kale inio aṉata a melati vararaita me, aṉa Paula a biriziani lala vo Jisu Karisito vai bazubazuto kale avo tu me pui Jiu amu mela kaqe.

Epesasi 3:1 Referans Kwoze

Kolosi 1:24

Komia taku aṉata a doraeka ko tapata ni tola meko tauvemelo kale avo, melai aṉata ada zoleiva ako aṉako tolailo ta kokai zomana okotiko vo Karisito ko tola, ko vo o lainikema voko tauvemelo kale anime vo Baṉara ko maba madu mela.

Epesasi 4:1

Aṉata vo Karisito vo lala, ni sokale avo inio aṉata a biriziovi. Ni vo animevo Lekasa ta o pitoemele me tu meta voko maba poso mela me elo. So inio aṉata a mela matu titia me tu meta saevomo vo Lekasa ko maba poso mela ko malezi-melako saevo kale.

2 Timoti 1:8

So sole pui qurato ṉoko vai bazubazuto kale vo animevo Lekasa, ni pui taka qurato aṉako pirizio vo Karisito ko ṉikale avo. Melai ṉota kai zomane koa tapata koko kuevako Uri ama Bazu ko kai bazuto kale, aṉa jari, ni vo Baṉara o katiṉako pizato kale ṉota pataite koa tapata kale.

Epesasi 6:20

Ako aṉata iruruputo salala tu aqai pesiovou ko Uri ama Bazu sole. Ni komia pirito pade kale melai ko ikio abe ereka erisaṉa. So sole meta me lati vararaitou aṉa so keru aṉa aqai bazubazutou keru ko Uri ama Bazu tu aṉata parani putole a qasekou, koko male avo.

Pilimone 1:9

Melai aniqeko roquekinio lotu kale ama ko kio kale aṉata pui bazu aba katiṉou, melai aṉata paseto ikio a ereka ṉokasi. Aṉa Paula lala, kala qoleqole lala ni a biriziani lala vo Jisu Karisito va nabuluputo kale avo,

Pilipai 1:7

Meta aṉako roquano sama kerukeru kale kiada keru! So inio aṉata aqai nianiia ta aṉata a male tu a roquemelo mea kiada mela. Ako mea kiada mela ta me zomane sole aṉa sate vo Baṉara o katilema iruruputo kale, vo o katilema voko pakiezato sama roquano kale. Ni meta me zomane sole aṉa sate koa iruruputo kale so keru aṉa a qati qaraqarate keru ko Uri ama Bazu ni so keru aṉa aqai bazubazute keru koa tuveano sama Bazu, ni meta mata erisaṉa me zomana aṉa sate so keru aṉa pirito pade kale a eva keru.

Pilimone 1:1

Aṉa Paula lala, aṉa pirito pade kale a evani lala aṉako va nabuluputo vo Jisu Karisito kale avo, animevo lotu visi Timoti sase, ta a rikita ṉokasi aṉavo baerebaere Pilimone ṉa kasi, ṉo aṉa jaria nabuluputo ṉova evani ṉa vo Baṉara.

Iruruputo 23:18

So sole voa sirula ta o odievake vo, ni o vati olake se solodia madu vo kuleto ala kasi, ni eri va kiolake, “Vo pirito pade kale o evani Paula ta o nokaelala aṉa ni o paselala aṉa tu a vati kilo nea vairu ala maba ṉokasi, ako vota kama quli sala tu oṉai bazueko ṉo kiola sole,” va kiolake.

Luke 21:12

Ni puliako koa kiadama quli elo nio se maba madu ta ke kilou ni ke noqoemelou me ni ke niumaniumaemelou me, ni seta ke melati ziovou titizikinio kale ilusato ko pade kale ni seta ke vaemelou me pirito pade kale. Ni seta ke melati ziovou me se aikovakova poso ni qavuna ko matuma maba poso ko kuleto ako meta aṉa me luluelani mela sole.

Pilimone 1:23

Vo Epaparasi, vo aṉa sase obeta evani pirito pade kale voko Jisu Karisito va nabuluputo kale, ta o soroeka voko roquano ṉokasi,

Iruruputo 26:29

Ni Paula ta o opatake ni eri kiolake, “Rosi ama taku kale ma puju ama taku kale, aṉako vararaito kale vo Baṉara kasi ama ta ṉo ni mea kiada mela me meda la viqani mela aṉako pesio vairutu ta aṉa jari me elou, melai pui komia piri kale,” kiolake.

2 Timoti 1:16

Aṉako vararaito ta vo Lekasa ta o baisemou sea kiadamu vo Onesiporasi ko mabamu seke evani voko pade kale ako vota o zolelani aṉa kubo taku sole. Vota pui opa taka qurate ko aṉata kala pirito pade kalea lala kio,

Kolosi 4:18

A ṉaviko ṉase kale aṉa Paula lala inio a rikieka aṉako roquano mekasi. Meta kerukeruelomo aṉata pirito pade kale abeta eva. Vo Baṉara ko roquano ta ko elou me tona. A baika.

Kolosi 4:3

Ni vararaitomo tu vo Baṉara ta o tauveqelo eqe, tu vota o katiqelo eqe uri ama bazubazuto ko taku tu eqeta qekai bazubazuto vo Karisito lulavo mutamuta kale ko evema. Koa bazu kai bazubazuto kale inio aṉata abeta eva erisaṉa pirito pade kale.

2 Koriniti 11:23

Vo Karisito ko nabulu poso inio ko se kio? Aṉata kala sarube ala maba jaria rauraraurailo a eva, melai koko tuveano ta aṉata kala qulepo ala nabulu lala abe mai paloasa se! Aṉata lula a matu iruruputa, aṉata lula a eva pirito pade kale kubo taku, ni aṉata lula a matu pazoivani lala, ni kubo taku ta sipole ada vouvani lala mati.

2 Koriniti 10:1

Kake mela ta so la kimelani aṉata a baisemelani lala so keru aṉa abeta eva keru mekasi, ni aṉata a melai karaṉa so keru aṉa abeta eva keru meko vaṉa. So kimelani nio aṉa Paula lala a ṉavi nio a basemela me koa omadeuma inobe ni baiseo vo Karisito kasa o ikema kale, tu pui zuruzuruelo aṉa tu a melai karaṉo me so keru a qilou keru mekasi! Ako aṉata a roveovoa lala tu amai karaṉo kake seke ṉelai kuirikani lipalipa kama quli. Se kikelani ta kiadama maba komia ruqe ama peuru ma peuru kale amu kebe erekako iruruputo jari ama ikio eṉe apositolo ṉela ṉebe erekako, kikela.

Iruruputo 21:33

Ni sea solodia madu vo tanala ta o alokatake Paula kasi, ni o noqoevake vo, ni vota o bazuemake voko solodia madu tu seta ke pirievo vo omuqa seini kale. Ni vota o kuimaemake sea vaki, “Lala inio vo nea maba, ni loma ikio vota o sarueka?” ma kiolake.

Kelokelozato 2:10

Meta pui taka ṉalo koa tapata poso koko kilo ama mekasi. Ako keatini! Vo Setani ta o kilou madoemelole me ni kake mela meta ke vaemelou pirito pade kale, ni koa meko tapata poso ta toni ṉaniu kale inio kobeta ziovou. Melai meta lai oqumo aṉa, ti kobeta barou seko vouvaemelo melai, nio aṉata a qatimelou me koa noqola kama saevo, omadeuvo seke kuleani voziekinio kale ta ke koa seko tarapae jari.

Epesasi 3:13

So sole aṉata a basemela me tu meta pui lekuleku me elou ko aṉa kobe lai ereivako tapata ni tolailo ko kerukerueko kale, ako aṉako kai tolailo aṉako melati koidipo me ta meko rauraemelako quli kio sole.

Qelesia 5:11

A qaka ni visi poso, aṉata pui a nianiiekimani lala se maba madu tu ke moveilo. Aṉata aqai nianiiekata ko moveilo tea, se maba poso ta pui nio kepa lai kaikuapo. Ako so tea, aṉako kai bazubazuto vo Jisu ko vou korosi topi ama ta pui tapata kopa mai elou se.

Qelesia 5:2

Ni meta didianomo! Aṉa Paula lala, ta eri kiala mekasi, meta me vaitou vo Mosese ko Bazu kale ni me moveilou, ta vo Karisito ta utu ala inio ota elou mekasi.

Iruruputo 9:15

Nio vo Lekasa ta eri kiolake vokasi, “Ola, ako aṉata a bitoeva vo tu vota ola nabuluputou aṉa sole, tu vota omai baroekikou aṉako bazu se pui Jiu amu ni seko aikovakova poso, ni se Izireli amu.

2 Koriniti 1:6

Eṉe olaquavo ṉe eva keru inio meta meda patuka ni meda pakia; ni eṉe patukato ṉe qoa keru inio me melai me qoa ko patukato ni pizato. Ni koa pizato ta ko katimela ko bokao me, tu meqai inobea pataitou koa omadeuma tapata ni tola, ko eṉe ṉeqai evako jari.

Qelesia 5:24

Ni anime vo Jisu Karisito ko maba madu mela ta lula me vaekani mela animeko bulo kale ama ruqe ama kerukeru kokai zariako kalo ni saevo, omadeuvo animeta me batoeka jari koa kalo ni saevo korosi topi.

Epesasi 3:8

Ako aṉa inio matu zara kalala sole se vo Baṉara ko maba madu kasi azo. Melai vo Baṉara ta o katilake aṉa komia puaro; vota o katilake komia sake tu aṉa inio amai bazuekoa lala se pui Jiu amu vo Karisito ko aqasiele ama Uri ama Bazu, ko puliala opa roveovo ama podetiko.

Epesasi 3:11

Vo Baṉara ta o vatovatoeke komi quli koko tanitanila keru, ni vota o erekake ko vo animevo Lekasa Jisu Karisito kale.