Epesasi 1:3 - BAṈARA KO VAIRU AMA LEVELEVEO

³ So sole animeta me ilusivo vo Baṉara, animevo Lekasa Jisu Karisito vo Mama, ako animeko omadeu vati elo vo Karisito kale inio vo Baṉara ta o katimele sole animeko auvana kale kiadama mauruto aukale azo ama.

Epesasi 1:3 Referans Kwoze

1 Pita 1:3

Animeta me ilusivo vo Baṉara, vo animevo Lekasa Jisu Karisito vo Mama. Ako voko matuma akoekato sama roquano kale inio vota o katimele anime vairu ama saevo. Ni so jari vota o katimele piza kama tuvevo puto sama kerukeru tu animeta me qovo ko noqola kama saevo, koa piza kama tuvevo puto sama kerukeru o katimelema vo Jisu Karisito ko mata saevo kale voukale azo.

2 Koriniti 1:3

Animeta me qativo ko uriavo vo animevo Lekasa Jisu Karisito vo Baṉara ni Mama kasi, vo baiseo sala Mama, vo kiadama patukato sala!

Epesasi 2:6

Ni animeko omadeu vati elo vo Karisito kale vota o saevimele anime vo Karisito sase ni vota o papuemele anime lekasa puole vo Karisito sate aukale.

Epesasi 1:20

ni koa omadeuma pizato kale inio vo Baṉara ta o saevivake vo Karisito voukale azo ni vota o papuevake o ṉaviko palo rana aukale.

Epesasi 6:12

Ako anime me qati pazokiniako ta pui tupu kale ama sole, melai anime me qati pazokiniako ta vo Setani ko ruqe ama lekasa puo kale ama ziolo aukale ko evako, komia kutumana kama peuru ma peuru kale ko lekasa puako ruqe ama pizato poso.

Epesasi 3:10

Ako voko zario ta erisaṉa pado inio kiadama mateana madu ni kiadama ko lekasa puako ziolo poso ta melou vo Jisu ko lotu qoqono, nio kekai nianiiovou vo Baṉara ko nianiio kiadama quli kale.

Qelesia 3:9

Ni vo Ebarahami ta okai oqui koa bazu ni voko oqu kale inio vota mauru ota eve. Ni erisaṉa melai oqu samu inio mauru ke evani omadeuvo vo Ebarahami ta mauru o eve jari.

Jone 17:21

Mama! Aṉata a vararaita tu seta sea kiadamu ta omadeu ke elo. Aṉata a vararaita tu seta ke elo aniṉo tona, omadeuvo ṉoṉo eva jari aṉa tona, tu se peuru ma peuru kale ama maba poso ta ke kelou ni ke tuvevo puekou ko ṉo inio aṉa ṉo joroeleni ṉa kio.

Epesasi 1:17

Ni kiada keru aṉata a vararaita Baṉara kasi, animevo Lekasa Jisu Karisito vo ṉaṉaidara kala Mama, tu vota o katimelou vo Tabu ala Auvana, vo o nianiiekimelo ala ni kasa o mela ivo ala vo Baṉara tu meta mevai uria nianiiovou vo.

2 Koriniti 11:31

Vo Baṉara, vo animevo Lekasa Jisu Karisito vo Mama ta o ilusiovou rineo rane, ni vo inio okai nianiiani ko aṉako pesio ko tuveano.

2 Koriniti 5:21

Ako vo Karisito ta sarueko pide ala melai animeko pakiemelo kaqe inio vo Baṉara ta animevo sarueko ko besibesi o ivake vo tu animeta omadeu me elo vo tona ni me qovou vo Baṉara o puarikako sidopu.

1 Koriniti 12:12

Ko tupu ta omadeu pado tupu, ko kubo kata poso sama. Kota omadeu pado tupu tisoiko, kubo kata poso kobe elou melai. Ni anime Karisito ko tupu jaria mela koa azaazama iruruputo ko pizato samela ta omadeuvo voko tupu ko kata poso jari.

Romu 12:5

So inio animeta kubo maba mela, melai animeta omadeu pado tupua mela vo Karisito kale ni animeta omadeu me eva azaazama kata poso mela omadeu pado tupu kale.

Epesasi 1:10

Ni vota o vatoeke tu kiadama quli vo o erekema quli aukale ama ni miduku kale ama ta omadeu o ikou ni vo Karisito inio koko lezu. Ni voko zuato ta o erekou komia vatovatolo tutututuki ama taku ko barolou keru.

2 Koriniti 5:17

So keru kala maba omadeu o vati eva keru vo Karisito inio vota kala pado vairu ala maba o eva; ko tana kama saevo ta kota paloasa, ni vairu ama saevo ta ko besieka.

Romu 15:6

So inio mea kiada mela ta omadeu ilusivo me elou vo Baṉara, vo animevo Lekasa Jisu Karisito vo Mama.

Hiburu 8:5

Ni koa siama iruruputo seke erekako ta ke ereka ko aukale ko evako quli ko laumuna pala. Omadeuvo ko ereima Mosese kasi voko taku keru jari, vo oka zari keru ereko ko tepe pade lealea kama zaekale, vo Baṉara eri kiove keru vokasi, “Ṉota uria ereko eve koa tepe pade, kiadama koko lomaloma sate ni koko ereere kale ko aṉa kasa aṉa ikema sopu kale,” ka kiovema.

Pilipai 2:11

ni eri kikevou, “Jisu Karisito ta animevo Lekasa inio,” kikevou. Ni so inio kiadamu ta ke rauraevou vo Mama Baṉara.

1 Koriniti 1:30

Ni vo Baṉara inio lula omadeu o melati ivani anime vo Jisu Karisito, ni vo Baṉara ta lula o katimela anime voko ṉisa nianiio vokale. Vokale inio animeta lula sidopu me eva vo Baṉara ko kelokelozato kale; ni vokale inio animeta vo Baṉara ko tabu ama maba poso me evani mela ni ruparupasia mela.

Hiburu 9:23

Lulavo ta ko malezike seko soa reretiko ko dara tu kota bulebule ko iko koa lomaloma poso vo Baṉara ko tanama kale, ni koa lomaloma ta tuvevo ama aukale ama lomaloma ko laumuna pala. Melai koa tuvevo ama quli aukale ama ta omadeu pado qulepo ama siqasiqa ikio bulebule ko ika.

Jone 20:17

Nio Jisu ta o bazuekake ko, “Ṉota pui kamalo aṉa, ako aṉata pui nio a qoiva a Mama kasi sole. Melai ṉota sidopu avole ola aṉako disaipeli poso kasi tu pa lai bazute sekasi, ‘Aṉata ada koilou inio vo aṉavo Mama ni mevo Mama kasi, vo aṉavo Baṉara ni mevo Baṉara kasi,’ ” kiolake.

Jone 14:20

Ni koa taku ko barolou keru inio meta melai nianiiovou ta aṉata a Mama tona a eva ni mata meta meqai nianiiovou ta meta aṉa tona omadeuvo aṉata me tona jari.

Luke 2:28

nio Simeoni ta o borivake voa molele voko boribori kale, ni o ilusivake vo Baṉara, ni eri kiolake,