2 Timoti 4:10 - BAṈARA KO VAIRU AMA LEVELEVEO

¹⁰ Ako Demasi ta lula o vaele aṉa sole voko roqueko kale komia erisaṉama peuru ma peuru ama quli kale, ni vota lula ota ola Tesalonaika peuru kale. Ni Keresikenisi ta lula ota ola Qelesia peuru kale ni Taitasi ta Dalamesia peuru kale sole.

2 Timoti 4:10 Referans Kwoze

2 Timoti 1:15

Ṉota ṉomai nianiia kiadama lotu maba se Eisia peuru poso kale amu ta lula ke vaele aṉa, Puqelasi ni Hemoqenesi melai qota la soqoi.

2 Koriniti 2:13

Melai aṉata matu duki ada evake, ako aṉata pui a veake vo animevo lolo Taitasi sole. So sole aṉata a qasekake aṉako uluto sama pesio sea maba poso kasi ni aṉata ada olake Masedonia peuru poso kale.

Iruruputo 16:6

Ni seta keta olake koa Pirijia ni Qelesia ranama peuru poso kale kude, ako vo Tabu ala Auvana ta pui o zariemake se tu seta kekai bazubazuto ko Uri ama Bazu Eisia ranama peuru poso kale sole.

Pilimone 1:24

ni so jari aṉako tauvezato ko maba poso Maka, ni Arisitakasi, ni Dimasi, ni Luke.

2 Timoti 4:16

Aṉako kuleto ama taku kale titizato kale ta puliala ta opa lati loje aṉa; seta ke vaele muli a qiada pado. Aṉako vararaito kale aṉata a baseva vo Baṉara tu vota pui omai kuirikou ko.

Pilipai 2:21

Ako kake maba poso ta ke ṉaviko zario pala ikio ke kerukerueka sole melai pui ke kerukerueka vo Jisu Karisito oka zariani.

2 Koriniti 7:6

Melai vo Baṉara vo o zuvarimani se duki ama bulo samu, vo inio o zuvariṉelake eṉe vo Taitasi ko barolo kale.

Iruruputo 17:11

Ni saizama maba poso ta uri ama kerukeru samu pui se Tesalonaika mu jaria ruqe amu. So inio seta ke matu uria didiekake ko bazubazu, ni kiadama ṉaniu seta ke tiromikake ko Tabu ama Riki tu keta ka kelo vo Paula ni Sailasi kiqolani koko tuveano kikelake sole.

Iruruputo 17:1

Ni Paula ni Sailasi ta qo olake Amipipolosi ni Apolonia kude ni qo baroake Tesalonaika, sai kala Jiu amu vo ilusato ko pade o evakoi.

2 Pita 2:15

Nia lipalipa kama nianiiekato ko maba madu ta ke vaeke sidopu ama keve ni keta mumai. Seta ke luluekake koa keve Beilami vo Beo vo meqora o luluekema keve jari ama, vo o roquekeni kovo ko takula tu o ereko ko ruqe.

Taitasi 1:4

Aṉata a rikita ṉo Taitasi ṉa kasi aṉavo maba meqora jaria laṉa vo Jisu Karisito vai oqu kale. Ni aṉata a vararaita tu vo Baṉara animevo Mama ni Jisu Karisito animevo Pakio ta o katiṉou ṉo voko pakiezato sama roquano ni bule.

1 Timoti 6:17

Bazuema se batiro kekai evani erisaṉama saevo ko lomaloma tu seta pui kekai raurailo, ni seta pui kekai keruvou soama batiro, ako koa batiro ta kapiavole ko roveako paito sole, melai seta kevai keruvou vo Baṉara inio, vo puaropuaroa katimelo o evani kiadama uri ama quli koko zolemelako anime.

1 Timoti 6:10

Ako takula ko roqueko ta kiadama ruqe ko raki sole. Kake maba poso se lula matu piza ke evani takula ko vailiko kale ta keta epeiva oqu kasi azo, ni kokale kude inio kubo upotuqu ta ko duki pueka seko bulo poso.

Qelesia 1:2

Aṉata a rikieka komia riki me Qelesia rana me evani mela lotu qoqono poso mela kasi, ni komia riki ta mata aṉako lotu visi poso kasi azo ama ikio seke evani aṉa kasi.

2 Koriniti 8:16

Eṉeta ṉevai ilusika vo Baṉara vo Taitasi ko dikidauputo kale ama zuvarimelo me tu me ereko komia pikazato ko iruruputo. Ako eṉe ni voko zario ta omadeuvo ama tu tauvemelo me sole.

2 Koriniti 8:6

So sole eṉeta ṉe baseva vo Taitasi, vo o taniekeni komia pikazato ko iruruputo, tu vota obeta zio ereko ko tu vota o tauvemelo me tu me okotikou komia qulepo ama roquano sama iruruputo.

Iruruputo 18:23

Voko sasa tu keu saizama ko tova inio vota ota olake kiadama Qelesia ni Pirijia rana, pizatimole kiadamu seke tuvevo puteni.

Iruruputo 17:13

Ni so keru se Tesalonaika ke evani Jiu amu ke viqa keru Paula kai bazubazuto vo Baṉara ko bazubazu Berea peuru kale, seta ke olake sai ni ke taniekake ṉavaṉavato ni lilomato.

Iruruputo 15:38

melai Paula ko kerukeru ta pui ko korota tu odievo vo, ako vota pui opa paike koa iruruputo nioqa sate nioqako kuleto ama talio kale sole, melai vota ota vaite ni o vaeke nioqa Pamipilia sole.

Iruruputo 13:13

Ni Paula ni voko baerebaere kidi ta ke tadaoke kala tepe vaka kale Paposi azo ni ke kuevake Peqa peuru kale Pamipilia rana, sai nio Jone Maka ta o vaekake nioqa ni ota vaitake Jerusalema.

Luke 17:32

Meta matu kerukeruekomo ko Lote ko reko ko evevo!

Luke 16:13

“Puliala nabulu ta opa roveovou ka nabulupute omuqa lekasa. Vota o roquevou kala ni ovai keduvou kala. Vota ovai masapou kala, ni vota dikidauputole ova nabuluputou kala. Omadeuvo so jari nio meta pui meba roveovou omadeu ilusiko Baṉara ni batiro,” kiolake vo Jisu.

Luke 14:33

Ni Jisu ta o paikake mati pesio se ni eri kiolake, “So sole me melai uria kerukeruekomo meko luluelo aṉa. Puliala me azo ta aṉavo disaipeli opa elou, vo pui oka zariani vaeko kiadama quli voko sole.”

Matiu 26:56

Melai komi quli koko ereivako ta se poropita madu ko riki kikovevo ko tuvevo puilo sole,” kio ke viqake, nio sea kiadama disaipeli madu ta keta va soqoike.

Matiu 12:32

Vo o ruqe kaselo ala aṉa maba a eveni lala ta kota va akoilou koa sarueko. Melai vo o ruqe kasevo ala vo Tabu ala Auvana ta pui kopa tava akoilou koa sarueko komia miduku kale ni mata tova aukale.

2 Koriniti 8:23

Ni voa Taitasi, vo inio aṉa kale ala vo o iruruputani aṉa sase meko tauvemelo kale; ni se animeko lolo poso se vo sate ke taliovo amu ta ke soroivani ko lotu qoqono poso kasi azo ni ke puratikani vo Karisito ko ṉaṉaidara.