2 Timoti 4:1 - BAṈARA KO VAIRU AMA LEVELEVEO

¹ Vo Baṉara ni Jisu Karisito tanama kale, vo o titizimo ala se saevomu ni se voumu, vo o vaito ala tu o lekasa puo, aṉata a qatiṉa ṉo komia piza kama bazu

2 Timoti 4:1 Referans Kwoze

Iruruputo 10:42

Ni vota o sorueṉele eṉe tu eṉeta ṉeqai bazubazuto voko Uri ama Bazu maba poso kasi tu ṉema kaseko ta vo inio vo Baṉara lula o pitoini se saevomu ni voumu o titizimo ala.

2 Timoti 4:8

Ni erisaṉa ta kobe tarela aṉa koa voziekinio ko tabara, ko sidopu ama saevo ko puratikako, koa reketekete animevo Lekasa voa sidopu ala Titizato ko Maba o katilo ama aṉa koa Titizato ko Ṉaniu kale. Ni pui aṉa a qiada aba kovou ko, melai kiadamu seke tarevani vo ni keka matu zariani voko vaito ta ke kovou koa reketekete.

1 Timoti 5:21

Aṉata a bazueṉa ṉo vo Baṉara ni Jisu Karisito ni tabu ama mateana madu ko tanama kale tu ṉota zorika aṉa kialani ni ṉota riqaeva ubutiania voa lotu tanala vo o saruekani ṉovo uri ala lolo obe elou melai.

2 Timoti 2:14

Mai kerukerue komi quli ṉoko lotu maba madu, ni ṉota balauvima se vo Baṉara ko ṉikale tu seta pui kekai zolizoliekinio ko pesio poso, ako kota pui ko tauveka ko maba melai kota koko niumaemako ikio seke viqani maba poso sole.

Matiu 16:27

Ako aṉa maba a eveni lala ta mata a vaitou, aṉavo Mama ko pizato ni ṉaṉaidara sate ni aṉako mateana madu sate, ni aṉata reketekete saṉa a imou kiadamu seko iruruputo ko male tiniavo.

Taitasi 2:13

ako animeta me dareka sole koa zoleilo sama ṉaniu anime meqai keruako tu meqai barolo, so keru vo animevo matula Baṉara Jisu Karisito o puratou keru voko ṉaṉaidara kale tu o pakiemelo anime.

1 Pita 5:4

So inio meta me qovou koa ṉaṉaidara kama mamola ko pui kopa niumailo ama, Jisu animevo Raura kala Vailo ko Maba o katimelo ama vo o vaitou keru.

1 Jone 2:28

Sole a lolo poso meta emo vo tona. Ni animeta me elou vo tona, ta animeta pui nio meba ṉalou so keru vo Karisito o vaitou keru, ni pui nio meba mutailou ni pui meba quratou so keru vo o vaitou keru.

1 Pita 4:5

Melai seta ke uria kasa puekou seke erekako ruqe Baṉara kasi voko titizato ko ṉaniu kale, vo lula o inainaovani tu o titizimou se saevomu ni se lula ke vovini.

1 Pita 1:7

Ako komia tapata poso ta ko kasa pueka sole meko oqu ko rurubiatana. Ni komia oqu ko bulebule ta kokai paloasa qolo ko bulebule. Ako qolo ta ko kasa puiva koko bulebule uza kale melai ko qolo ta kota niumailou. Melai meko oqu ko bulebule kale inio vo Baṉara ta o ilusimelou me ni o ṉaṉaidara puemelou ni o rauraemelou so keru Jisu Karisito mata o vaitou keru.

2 Tesalonaika 2:8

So keru inio voa matu ruqe ala maba ta o puratou ni animevo Lekasa Jisu ta o vouvaevou vo voko suto kale azo ama kozakoza kale ni vota o niumaevou vo koa ṉaṉaidara vo o kati kilo ama kale.

Romu 2:16

So inio ko kalo avo vo Baṉara ko matuma ṉaniu kale so keru vo o titizikou keru kiadama mutamuta kama kerukeru poso. Ni ko ikio koa Uri ama Bazu aṉa aqai bazutako, Jisu Karisito azo a qoema.

Iruruputo 17:31

Vota lula o takumuke koa ṉaniu vo o sidopua titizikou keru ko pado ama peuru ma peuru, ni vota lula o pitoeve voa maba vo o ereko ala koa titizato. Ni Baṉara ta lula kasa o ike voko pitoevo vo kiadama maba poso kasi voa maba ko mata saevivo kale voukale azo!” kiolake.

2 Pita 1:11

Kokale inio meta me qovou matuma baroekato vo Lekasa animevo Pakio Jisu Karisito ko lekasa puo kale. Ni koa lekasa puo ta paito pide ama ko elo ama.

Luke 23:42

Ni vota eri kiolake Jisu kasi, “Jisu, kerukeruela aṉa so keru ṉoṉo barolou keru ṉoko lekasa puo kale!” kiolake.

Luke 19:15

“Melai vota o koake ko lekasa puo ko pizato koa vaṉama peuru kale ti o vaitake o peuru kale lekasa puole. Nio so keru voko mata vaito keru voko peuru kale, vota omai soroekake ko bazu voko nabulu poso kasi, tu o kelo latau seleni kio lula kekai koako koa seleni vo o katimema kiolake.

Luke 19:12

So sole vota eri kiolake, “Omadeu taku kala pado raura kala maba ta obeta evake, vo o keveni kama pado matu vaṉama peuru kale lekasa puilole, ni sai kazo inio o vaitou o peuru kale kioveni.

Kelokelozato 1:7

Keatini, vota ota kilou lei poso kale! Sea kiadamu peuru ma peuru kale amu ta ke velou vo, seke vouvaeveni melai ke velou vo. Ni kiadama maba poso miduku kale amu ta duki keva elou vo. Kota tuvevo ko elou! Emeni.

2 Pita 1:17

Ni eṉe sai keru inio Jisu ta ota va viqake vo qulepo ama ṉaṉaidara sala Baṉara ko kora. So keru inio Jisu ta o koake ko matuma raurailo sama pesio vovo Mama Baṉara kasi azo koa kora eri kikovema kale, “Nei nio aṉavo Meqora, vo aṉa a matu roquevani ni avai matu zoleivani.”

Kolosi 3:4

Vo Karisito inio mevo tuvevo ala saevo, ni so keru vo o puratou keru inio me melai me zomanou kovo voko ṉaṉaidara vo sase.

2 Timoti 1:10

melai erisaṉa ta kota kasa ko eva anime kasi vo animevo Pakio Jisu Karisito ko kilo kale. Vota o koqotaeke ko vou ko pizato ni vota o puratike noqola kama saevo seke ṉeamukani voko Uri ama Bazu kaqe.

2 Timoti 4:18

Ni vo Lekasa ta o pakielou aṉa kiadama ruqe ama quli kale azo ni vota o uria baroekilou aṉa voko aukale ama lekasa puo kale. Vokasi inio ko ilusato koko elo ama latau ṉaniu ni ka ṉaniu. Emeni!