2 Timoti 3:3 - BAṈARA KO VAIRU AMA LEVELEVEO

³ seta puliama roquano samu, ni odouvo pide amu, se kekai pesiani ko maba, ni pui ke uria odiziani ke ṉavi, seta niumaniuma kamu, ni kekai kideipani ko uri;

2 Timoti 3:3 Referans Kwoze

Jiudi 1:18

Seta eri kikeve mekasi, “Tovatovama taku ko barou keru, so keru inio seke melai balebaleito amu me ta ke puratou, seke lulueko amu ke ṉaviko kutumana kama zario poso.”

Romu 1:31

puliama seko uponianiio, seta ke ukaka pueka seko leveleveo, ni seta muino amu ni pui ke tauvezatani, roquano pide amu edolomu kasi.

Matiu 10:21

“So keru inio kaka poso ta ke luavimou seko visi poso aṉa ke tuvevo puelani tu ke titiziovou ni seko kana madu ta ke vouvaemou, ni se mama kamu melai ke luavimou seko meqora poso aṉa ke tuvevo puelani tu se melai ke vouvaemou, ni se meqora poso ta ke kanaemou seko niania ni mama poso aṉa ke tuvevo puelani tu se melai ke vouvou,

2 Pita 2:14

Ni kiadama taku seke kea keru ko reko seta viluloqu kekai eva. Seko ka zario ereko ko boutare ta pui ko korotima, ni seta ke aveavema lekuleku ama maba poso boutare ko sipata kale. Ni seta kekai matu nianiiani tu seta ke muino. Melai Baṉara ta o koqotaemou sea maba poso.

1 Timoti 3:11

Seko reko poso melai uri ama kalo saṉa ke elou ni pui kekai pesiovou ko maba, ni seta pui ke matu nozuekou ko piza kama ju melai seta kiadavoa kerula kamu ke elo.

Matiu 4:1

Nio vo Jisu ko bapitaiso ko tova, inio vo Tabu ala Auvana ta o odievake vo lealea kama zaekale tu Setani ta o zolizolievo vo.

Kelokelozato 17:6

Ni aṉata a qeake koa rekoreko koko mamola puekako koa matu peuru Babiloni amu, seke vouvaemeni Jisu kevai oquani. Ni koa rekoreko ta kokai zoleivake seko vou omadeuvo kala maba doilili okai evani ko piza kama vaini ko ju jari. Ni so keru aṉa a qeve keru koa rekoreko ta ada matu vuzeike.

Kelokelozato 16:6

ako seta kemai raibikake vo Baṉara ko maba madu ni poropita madu ko dara, so sole ṉota ṉo qatima ko dara tu ke nozueko. So inio keta ka koa seke erekako quli ko male ama reketekete,” kikolako.

Kelokelozato 13:17

Puliala maba ta opa tatabaraekou ma opa kai tatabaraovou puliama koa mamola sala. Koa mamola ta voa biaṉa ko ṉi ma voko ṉi ko naba.

Kelokelozato 13:15

Ni voa omuqala biaṉa ta o zariziake ni ovai kozatake vo kuleto ala biaṉa ko beku ni o saevivake, sai nio voa beku ta ota pesiake ni o vouvaemake sea kiadamu se pui ke ilusivani vo.

Jiudi 1:16

Sea maba poso ta kiada keru kemai ṉuruṉuruani edoloma maba madu, ni seta ke lulueka ke ṉaviko ruqe ama zario poso. Seta ke raurarauraivani ke ṉavi pala, ni ke oluoluema edolomu tu kekai kovo avo se keka zariako quli.

2 Pita 3:3

Ni matu qulepo ama quli tu meta meqai nianiiovou ko quli ko ereilo ama quli tovama taku kale. Se maba poso ta ke melai niureovou me ni seta kebeta erekatou ko ruqeruqe ama kalo seko tupu ko zario ko lulueko kale.

Jemisi 2:6

Melai meta me quratima se ozaoza kamu! Sea batiro amu inio tapata ke imelani me ni ke melati olani me titizato kale!

Taitasi 2:3

Omadeuvo jari ṉota bazuema se qole ama reko poso tu ke ereko uri ama kalo koko malezimo ama sea rekoreko se Baṉara ko maba madu. Seta pui kekai pesiovou ko maba ni pui piza kama ju ko mabaku ke elo. Seta kekai nianiiekatou ko uri ama kalo,

Taitasi 1:8

Melai vota kala maba o baroekiko ala ko maba o elou ni vota o roquekou ko uri. Vota kala kaitizio ko maba o elou, ni sidopu ala, ni tabu ala, ni o uria odiziani o ṉavi.

1 Tesalonaika 4:8

So sole voa maba vo okai keduvo ala komia nianiiekato, ta pui ovai kedua kala maba, melai vo Baṉara inio ovai kedua, vo o katimelani me voko Tabu ama Auvana.

1 Koriniti 7:9

Melai meta pui me roveovou lalamiko meko kerukeru, ta uri tu rorotomo tani, ako roroto ta uri saita inio pazakelo puto kale sole.

1 Koriniti 7:5

Lasivea laṉa ta pui taka lupao ṉoko reko, ni so jari ṉoa reko ṉa ṉovo lasive kasi. Melai pitopito ama taku kale uri ama vatolo kale qe vaekou vararaito kaqe saita, inio mata tova padoekinio qe elou. Komia keve kale kude inio qeta qe pakiziovou vo Setani ko zolizolito kale azo. Ako lekulekua qela qeko kaitizio kale sole.

Jone 6:70

Nio Jisu ta eri kiolake sekasi, “Aṉa a ṉavi nio lula a bitoemela mea toni omuqa, melai kala me azo ta Setani vo maba inio!” kiolake.

Luke 16:14

Nio so keru se Parese madu ke viqa keru kiadama soama Jisu ko rukuruku poso seta ke taniekake vai balebaleito vo, ako seta ke roquekake ko batiro sole.

Luke 10:16

Nio Jisu ta mata eri kiolake voko disaipeli poso kasi, “Vo o didiemelo ala me, ta o didiela aṉa, ni vo o melai kideipo ala me ta olai kideipa aṉa, ni vo olai kideipo ala aṉa ta ovai kideipa vo o soroeleni aṉa,” kiolake.

2 Pita 2:19

Ni seta leveleveo ke mati ika ko rupasio melai ke ṉavi ta pui ke rupasia ko quli koko niumaemo ama quli kasi azo, ako vo maba ta mabaku oka eva sole ko quli vo o lekasa puekako quli voko saevo kale.

Romu 1:29

So sole kubo azaazama ruqe poso ta komai sukata, ruqe, muino, sebito, konoilo, vouvato, pazokinio, lipalipato ni kideipo; maba vai pesio