2 Pita 2:3 - BAṈARA KO VAIRU AMA LEVELEVEO

³ Ako nia lipalipa kama nianiiekato ko maba madu ta keta mela zaria pala inio sole meko takula. Nio seta ke lipalipaemela pui tuvevo ama bazu kale. Melai Baṉara ta lula omai kuirika se. Ni seta pui kepa tava lapasou vo o niumaemo ala se.

2 Pita 2:3 Referans Kwoze

2 Koriniti 2:17

Melai eṉeta pui kake jaria ṉela se keka zariani tu batiro kai elo seko kai bazubazuto vo Baṉara ko Bazu. Eṉeta ṉeqai bazubazutani ṉela koa Bazu vo Baṉara ko soru kale uri ama vatolo kale o ṉavi Baṉara ko tanama kale, eṉeko va nabuluputo kale vo Karisito.

1 Tesalonaika 2:5

Meta meqai nianiia ta puliaka taku inio eṉeta ṉeba oluoluemele me, ni vo Baṉara inio okai nianiiani ta eṉeta puliama viluloqu sama kerukeru kale inio eṉeta ṉe irurupute mekasi.

Romu 16:18

Ako seke erekani soama quli ta pui keva nabuluputa animevo Lekasa Karisito sole, melai kota tupu ko zario ikio kebe ka nabuluputa. Seko uria viqo ama ni oluoluto sama pesio kale seta ke lipalipata tu ke lipalipaemo ni otao ke imo se pui malaṉaja kama maba madu.

Jiudi 1:15

tu o kati kilo ko titizato sea kiadamu tona, tu omai kuiriko sea kiadamu seke erekako sarueko poso, ni kiadama seko ruqe kasevo vo Baṉara seko ruqe ama pesio poso kale!”

Taitasi 1:11

Ṉota maba ṉoda ma dokolikou seko pesio, ako seta upotuqu ke ima sea pado ama saidi poso sole seko mai nianiiekiko kale ko quli ko pui ko male ama nianiiekato, seko takula ko kovo ko zario kale. Ni so kebe kava melai seta pui kekai qurata.

1 Timoti 6:5

ni kiada keru ama zolizoliekinio sama quli. Sea maba poso ko kerukeru ta sarube ama ni seta pui ke rovea nianiieko ko tuveano. Ni koko topi tiniama seko sarube ama kerukeru ta Baṉara ko tava paṉao ta kai batiro puilo ko quli kikela.

2 Pita 2:9

So sole kiadama ko quli poso kale animeta me rovea paqumuko vo Baṉara ta o bokaovani pakiemo se vo keva nabuluputani. Ni vota o pakiemou tapata keru. Melai vota o noqoemou se ruqe ama maba poso ni koqo o imou se kebe tarekou keru voko titizato ko ṉaniu.

2 Pita 2:1

Lulavo se lipalipa kama poropita madu ta ke purate vo Baṉara ko maba madu ko tiania. Ni so jari nio se lipalipa kama nianiiekato ko maba poso ta ke puratou meko tiania, ni seta ke kati kilou moizavole kubo lipalipa kama bazubazu koko niumaemelo ama me. Ni seta keta vai zoliovou melai vo Jisu vo o tabarikeni seko rupasio seko sarueko ko piri kale azo, ni so inio seta ke oruṉikou seko tapata ni vo Baṉara ta kapiavole o niumaemou se.

2 Pita 1:16

Eṉeta lula ṉe melai bazueka me vo animevo Lekasa Jisu Karisito ko kilo pizato kale. Ni komia bazu ta pui kala ko bazubazulao bazu, melai eṉeta ṉe qeve Jisu ko ṉaṉaidara ṉe ṉaviko vilu kale.

1 Pita 5:2

tu meta mati vailomo vo Baṉara ko lotu qoqono vo Baṉara o katimeleni omadeuvo vo vailo ko maba ta o matu kati vaila ko sipi jari, ako se inio meko koidi madu sole. Ni zarizari emo ni pui me lupaovou mati vailo se, ako ko ikio vo Baṉara oka zariako sole. Ni meta erekomo koa koidi pui takula ko kai zario kale, melai meko tuvevo ama vailo ko zario kale.

Taitasi 1:7

Ako vo lotu tanala ta o kati vaila vo Baṉara ko iruruputo sole, so inio vota maba kuiripato pide ala o elou. Vota pui o aikailou ni pui taukavole o korakorailou ni pui o vuatou ko piza kama ju tu kota sarube ko ivo vo, ni pui o niumaniumaemo se edoloma maba madu, ni pui oka zario voko koidi tu okai kovo ko takula.

Jiudi 1:11

Matu ṉaloṉalo ama quli kio komai barolou se! Ako seta ke lulueka vo Keini ko keve sole. Ni takula ko kovo ko kio kale seta ke lulueka koa saruilo vo Beilami o erekema. Seta ke pikipikinio puta Kora o kaevo pikipikinio puto jari ni vo jaria vou keta eva.

Jiudi 1:7

Meta kerukeruekomo ko Sodomo ni Qomora peuru ni koko ketaketama peuru poso kale amu se sea mateana ko kalo jaria kalo ke eveni, seke pauvezateni, ni se ke ṉavio kude ke erekateni lasive amu. Seta ke tolaiva koa paito pide ama uza kale koko siqaeko ama se boutare samu, ni kota ko katimela animea kiada mela ko balauvato.

Jiudi 1:4

Ako kake se pui Baṉara ke luluevani ta lula ke sukuiva ni ke melai zomana animeko lotu qoqono poso kale, seke besiekani ko pakiezato sama roquano ko bazu seko tupu kale ama viluloqu ko lulueko kale, ni seke tava zoliani vo Jisu Karisito, vo animevo Tanala ni Lekasa. Matu lulavo ko Tabu ama Riki kale ta lula ko pidokiovi koa kuiripato seke kovo ama.

1 Pita 2:8

Ni ko Tabu ama Riki ta eri nio mata kikolani, “Nei nio voa lado se maba poso tupara o imo ala ni voa ripi vo o pimo ala,” kikolako. Ni seta keta tuparia, ako seta pui tuvevo ke ika sole vo Baṉara kiolani; so inio vo Baṉara ko vatolo kikovevo sekasi.

1 Timoti 3:8

Ni so jari nio mata se lotu qoqono ke pitoemani tauvezato ko maba madu ta uri ama kalo saṉa ke elo, ni seta pui matu nozueko ke elo ko vaini ko ju, ni pui keka zario ko takula pui sidopu ama keve kale ke koako.

1 Timoti 3:3

vota pui o nozuekou ko piza kama ju tu kota sarube ko ivo vo, ni pui o niumaniumaemo se edoloma maba madu, melai o baisemo ni bule o elo; vota pui o roqueko ko takula.

1 Tesalonaika 5:3

So keru eri kikevou keru se maba poso, “Kiadama quli ta kota ibua ni animeta uria elo meda eva,” kikevou keru, inio vo Baṉara ta ota podoloa koqotaemo o elou se. Ni seta pui kepa taka soqoilou, omadeuvo ko reko pui kota ka soqoiva jari ko meqora ko kovo ko tola.

Jone 2:16

ni vota o bazuemake se kurou kekai tatabaraovani, ni eri ma kiolake, “Taukavo saqorikomo ko quli koi kazo! Pui tatabaraekomo ko pade tava iko a Mama ko pade!” kiolake.

Luke 22:47

So keru Jisu obeta pesipesita keru inio vo Jiudasi, kala sea toni omuqa disaipeli kale ala, ta o odiekake ko matuma vaki ni seta ke baroake sai. Ni vota o kuevake Jisu kasi tu o lumevo vo.

Luke 20:20

So sole sea lekasa poso ta ke vailikake kama keve, ni seta ke tabarimake kake tu kekai lipalipaito ko seta Mosese ko Bazu ke sidopua luluekani maba poso inio kio, ni seta ke soroemake se tu ke tulumuvo vo seko kuimakuimaevo kale vo, tu seta ke roveovou vai kuiriko kama ruqe ni ke roveovou vaevo Romu ama qavuna madu ko pizato kale.

Luke 18:8

Aṉata a bazuemela me, vota o korotimou ni taukavole o tauvemou se. Melai noi nio, so keru aṉa maba a eveni lala a vaitou keru miduku kale ta a melou kubo maba madu se kelai oquani aṉa ma pui kio?” kiolake.

Jiudi 1:16

Sea maba poso ta kiada keru kemai ṉuruṉuruani edoloma maba madu, ni seta ke lulueka ke ṉaviko ruqe ama zario poso. Seta ke raurarauraivani ke ṉavi pala, ni ke oluoluema edolomu tu kekai kovo avo se keka zariako quli.

Matiu 23:14

“Matu ruqe ama quli kio ko melai barolou me vo Mosese ko Bazu meqai nianiiekatani mela ni me Parese madu mela, me meqai lipalipaitani mela ko sidopu! Ako me inio meda ma bibizikani mela naboko poso ko pade poso meko ubeubemo kale, ni koko tova me inio meqai lipalipaitani mela ko rosi ama vararaito ubutiania tu maba madu ta ke mela lelou pala!