1 Timoti 1:20 - BAṈARA KO VAIRU AMA LEVELEVEO

²⁰ Kainioqa sea maba poso kalea nioqa ta Hemeniasi ni Alekezada inio. Nioqata lula aṉa a qoqotaekeni nioqa nioqako pakeko kale vo Setani ko pizato kale, tu komia keve kale kude nioqata qo paqumukou tu pui ruqe kasevo qo elou vo Baṉara.

1 Timoti 1:20 Referans Kwoze

2 Timoti 2:17

Soama pesipesi ta omadeuvo ko dala potu tupu ko kuako jari ama ikio. Omuqa maba nioqa qokai bazutani ko soama pesipesi ta Hemeniasi ni Piletasi.

1 Koriniti 11:32

Melai animeta me qoa vo Lekasa Jisu ko koqotato tu animeta pui omadeu noqola tolailo meba elou komia peuru ma peuru ko maba poso sase.

2 Tesalonaika 3:15

Meta pui kala kana jari me ivou vo, melai meta kala visi jaria balauvivo emo.

Kelokelozato 3:19

Aṉata a riqaema ni a jidopu puema sea kiadamu se aṉa a roquemani. So sole tuvevo putomo ni liliziomo meko sarueko poso kale azo.

Iruruputo 19:33

Ni kake sea maba poso ta upaupatole ke bazubazuevake vo Alekezada, ako se Jiu amu ta ke kuletivake vo sole. Nio Alekezada ta o moise-moisemake se voko ṉase kale tu o moizaemo, tu o ereko qaraqarailo sama pesio.

Kelokelozato 13:1

Ni aṉata a veake kala pado matu biaṉa vo o puratani ivere ko omele azo. Vota toni sotasota sala ni sikeura lezu ala. Koa sotasota poso topi ta lekasa ko tarapae sala, ni koa lezu poso ta ṉi poso kokai rikiziako koko perivako vo Baṉara tu maba poso ta ke ilusivo voa biaṉa ni pui ke ilusivo vo Baṉara.

2 Timoti 3:2

Ako koa taku kale maba poso ta ke ṉavi ke kerukeruilou, ni ke vailivailikou ko takula, ni ke aikailou, ni ke rauraraurailou; seta keta ruqe pesiovou, ni pui kepa zorimou seko mama ni niania poso, puliama seko kaseko seko uriavo, ni seta Baṉara ko bazu ke bikoirikani maba madu;

2 Timoti 2:14

Mai kerukerue komi quli ṉoko lotu maba madu, ni ṉota balauvima se vo Baṉara ko ṉikale tu seta pui kekai zolizoliekinio ko pesio poso, ako kota pui ko tauveka ko maba melai kota koko niumaemako ikio seke viqani maba poso sole.

2 Koriniti 10:6

Ni so keru me kasa me ilou keru meko ṉelai nianiio eṉe ta eṉeta apositolo ṉela inio, eṉeta ṉe inainaovou tu ṉe qoqotaemo se pui nio kasa ke ikani ko.

Iruruputo 13:45

Nio so keru se Jiu amu ke kea keru ko matuma padopadoilo sai, inio seta keta matu konoivake, ni pesipesi saṉa ke ikake vo Paula o kasekema quli, ni ke ruqe kasevake vo.

2 Koriniti 13:10

Sokale avo inio aṉata a rikieka komia riki so keru aṉa vaṉa abeta eva keru mekasi azo. Aṉata so a qava tu so keru aṉako vaito keru mekasi aṉata pui aba zuluemelou me aṉako pesio kale koa pizato vo Lekasa Jisu o katilema kale. Ako koa pizato ta meko oqu ko tauveko kaqe inio, pui meko oqu ko niumaeko kaqe sole.

Matiu 18:17

Melai voa maba ta obeta pikipikinio putou ni pui o didiekou se kikelani ta so keru inio ṉoqai bazutou lotu maba poso kasi, ni sai melai pui o zoripatou so keru inio vota omadeuvo kala ruqe ala ni kutumana kale ala jari o elou ṉoko kerukeru kale.

1 Timoti 5:15

Ako kake naboko poso ta lula ke vaeka ko oqu ni ke lulueva vo Setani sole.

Hiburu 12:5

So sole meta pui ukaka iko vo Baṉara ko pesio poso, ko vo o melai zuvarikako me omadeuvo vo mama o zuvarima jari voko lasive meqora poso, ko eri, “A meqora, so keru vo Baṉara o korotiṉou keru ṉo, ṉota didiane ni ṉota pui niaba elo vo o riqaeṉou keru.