1 Pita 3:4 - BAṈARA KO VAIRU AMA LEVELEVEO

⁴ Ako meko tuvevo ama ileile ta pui meko tupu ko kupekupe ama, melai kota meko inobe ama ni olomoiza kama auvana poso ko ileile ikio, ko pui kopa paloaso ama. Ni koa ileile kio qulepo ama vo Baṉara kasi.

1 Pita 3:4 Referans Kwoze

Kolosi 3:12

Me inio vo Baṉara ko mabamu mela, vo lula o pitoemeleni mela ni o roquemelani mela tu meta o ṉaviko me elo. So sole meta roquekiniomo meko tauvekinio kale, ni isuatomo, ni zarazaraimo, ni baisekiniomo, ni inobe emo.

Romu 2:29

Melai vo tuvevo ala Jiu ta vo Jiu o evani bulo kale inio, ni koa tuvevo ama moveilo sala voko bulo kale ni auvana kale, ni ko ikio vo Baṉara ko Auvana ko erekako, pui Mosese ko Bazu ko erekako. Voa maba soala inio o koa ko raurailo vo Baṉara kasi azo ama, pui maba kasi azo.

Matiu 11:29

Meta lekasa puelomo aṉa, tu aṉata a nianiiekimelo me, ako aṉata a zarazaraivani lala ni inobea lala auvana kale sole, ni meta me qovou ko mamazo.

Taitasi 3:2

Bazuema tu seta pui ruqe kasemo ke elo maba poso, melai bule ke elou ni ke baerebaereovou, kiada keru seta ke puratikou ko akoekato sama kalo kiadama maba poso kasi.

Matiu 23:26

Me leqa kama Parese madu mela! Meta bulebule ikomo kuleto meko kapa ko poro kale ama quli, ti koa pado ama kapa melai bulebule inio kobeta elou.

Romu 7:22

Tuvevo, aṉata aqa zoleiva aṉako bulo kale vo Baṉara ko bazu.

2 Koriniti 4:16

Sokale avo inio eṉeta pulia kude lekuleku ṉe eva eṉeko bazubazuto ko iruruputo kale. Eṉeko tupu ta kobeta lepuka, melai eṉeko kerukeru ta piza kobeta eva kiadama ṉaniu.

1 Tesalonaika 4:11

Meta zuatikomo ko bule ama saevo, ni pui epoepoilo edolomu ko iruruputo kale melai erekomo me ṉaviko iruruputo, tu meta me uria tauveziovou meko elo kale, ko lula eṉe ṉe melai bazuekako me jari ama saevo kale.

Epesasi 4:2

So sole meta zarazaraimo, ni baiseo ni inobe emo, ni pui taukavole me qorakoraekiniou, melai me roquekiniou muli.

1 Pita 3:15

Melai ilusivomo vo Karisito meko bulo kale ako vo inio mevo Lekasa sole. Ni inainaomo kiada keru tu ma rupasikomo seke mela kuiriko amu me tu mema zakaremu puekou meko tuvevo puto sama kerukeru tu kovo noqola kama saevo.

1 Timoti 2:2

tu me mati vararaitou se lekasa poso ni sea kiadama maba poso se qavuna ko pizato samu, tu animeta uria elo me elou vo Baṉara ko tava paṉao ni maba madu ko tama paṉao kale.

Luke 11:40

Me sarubea mela! Pui vo Baṉara o erekani kupekupe ama saevo inio mata o ereka ko omele saevo kio? Vota kiadama omuqa o erekani!

Jemisi 1:21

So sole meta vaekomo kiadama kuna kama kalo ni kiadama ruqe ama iruruputo. Katiziomo Baṉara kasi ni ṉeamukomo ko bazu vo o papakako meko bulo kale, koko roveako pakiemelo me.

2 Timoti 2:25

ni inobea sidopu puemo o elou seke pazokani voko nianiiekato. Sokale inio esa vo Baṉara ta o baisemou se tu seta ke lilizio ni kekai nianiio ko tuveano.

2 Tesalonaika 3:12

Sea maba poso soamu ta ṉe bazuema ni ṉemai titia vo Lekasa Jisu Karisito ko ṉikale tu ke saevo korokoroti ni inobe ama elo kale tu ke iruruputo ni ke kovo ko sailao ke ṉavi.

Matiu 5:5

“Keta zoleiva tisoiko seke zarazaraivani, ako seta ke kovou sole ko uri ama quli vo Baṉara oma inainaekema.

Romu 6:6

Ako animeta meqai nianiia komi quli sole, ko animeko lulama saevo ta lula ko zomane vo Karisito ko vou sase korosi topi, tu animeko lulama saevo ko sarueko ta pizato pide ko elo, tu animeta pui sarueko ko mabaku me elou.

Luke 16:15

Nio Jisu ta eri ma kiolake se, “Me inio ko me, me sidopu meqai rairiziani mela me ṉavi se maba poso ko vilu kasa, melai Baṉara ta obe paqumuka meko bulo poso kale ama ruqe. Ako koko matuma kio ni kalo sama ka kikelako se maba poso ta kuvaruvaru ama quli ikio vo Baṉara ko kelokelozato kale.

1 Pita 1:23

Ako meta meda tova alilake sole, ni meko vairu ama saevo ta pui kopa purate ko vouma quli kale, melai kota ko kuevi ko quli pui ko vouvako quli kale azo. Ako meta me dova alilake vo Baṉara ko saevoma ni paito pide ama Bazu kale.

Kolosi 3:3

Ako meta lula meda vovini jaria mela inio, melai meko auvana poso ta ko saeva Karisito sase vo Baṉara o mela tukiekako saevo kale.

Qelesia 5:23

inobe, ni me ṉaviko aveavezio. Puliama kama bazu ta soama uri ama quli ko kaitika.

2 Koriniti 10:1

Kake mela ta so la kimelani aṉata a baisemelani lala so keru aṉa abeta eva keru mekasi, ni aṉata a melai karaṉa so keru aṉa abeta eva keru meko vaṉa. So kimelani nio aṉa Paula lala a ṉavi nio a basemela me koa omadeuma inobe ni baiseo vo Karisito kasa o ikema kale, tu pui zuruzuruelo aṉa tu a melai karaṉo me so keru a qilou keru mekasi! Ako aṉata a roveovoa lala tu amai karaṉo kake seke ṉelai kuirikani lipalipa kama quli. Se kikelani ta kiadama maba komia ruqe ama peuru ma peuru kale amu kebe erekako iruruputo jari ama ikio eṉe apositolo ṉela ṉebe erekako, kikela.

Matiu 21:5

“Meta bazuemomo Jerusalema peuru kale amu, keatini, mevo aikovakova ta obeta kueva mekasi, ni vota matu zarazarailo ala ni obeta talia doqi kale, ka pado doqi vo meqora kale.”

Romu 1:23

ako seta kekai besieka vo noqola kala Baṉara ko ilusato, seko beku poso ke erekako omadeuvo vo puju ama saevo sala maba jari amu, ma koko akazako biaṉabiaṉa poso ma ko ariku kiti ama biaṉa poso ma koko vaerako ni koko rajaivako biaṉa ko ilusiko kale.