1 Jone 5:14 - BAṈARA KO VAIRU AMA LEVELEVEO

¹⁴ Ni animeta me barani putou animeko vararaito kale vo Baṉara ko tanama kale, ako tuvevo me iva ta vota ota mela viqou animeko paseto sama vararaito sole, koa paseto ko luluekou keru voko vatolo.

1 Jone 5:14 Referans Kwoze

Jone 14:13

Ni ko quli meme baseko ama aṉako ṉikale, aṉata a mela erekou ko, tu vo Mama ta o ṉaṉaidara puilou vovo Meqora kale.

Jone 15:7

Ni meta me elou aṉa tona ni aṉako bazubazu ta ko elou me tona, inio meta me basekou ko me meqa zariako quli ni meta me qovou inio ko.

Matiu 21:22

So sole meta me duvevo putou nio meta me qovou ko quli meme basekako quli meko vararaito kale,” kiolake vo Jisu.

Jemisi 4:3

So keru meme baseka keru, meta pui me qoa ko quli meme basekako quli, ako meko zio ta edolovo sole, ako meta me baseka ko quli me ṉaviko zario ko quli pala sole.

Jone 9:31

Ako animeta meqai nianiia ta vo sarueko sala maba ta Baṉara ta pui o didieva vo kiolani, melai vota o didiema seke tava paṉaovani vo ni seke erekani vo oka zariako quli tu ke ereko.

Epesasi 3:12

Ni animeko omadeu vati elo vo Karisito kale ni animeko vai oqu kale vo inio animeta zariekato samela tu me zio puliama ṉalo sate vo Baṉara ko tanama kale.

Jone 16:24

Kobeta baroa erisaṉa ta meta pui nio mevai paseka aṉavo Mama kama quli aṉako ṉikale. Meta pasekomo inio meta me qovou ni meko zoleilo ta ko melai avoziovou,” ma kiolake vo Jisu.

1 Jone 2:28

Sole a lolo poso meta emo vo tona. Ni animeta me elou vo tona, ta animeta pui nio meba ṉalou so keru vo Karisito o vaitou keru, ni pui nio meba mutailou ni pui meba quratou so keru vo o vaitou keru.

Jemisi 5:16

So sole meta kai eraeraekiniomo meko sarueko poso me ṉavio kude, ni tauvekiniomo vararaito kale me ṉavio kude, so inio me urikou. Ako vo sidopu ala maba ko vararaito ta ko ereka piza kama quli sole.

Hiburu 10:35

So sole meta pui lekuleku elo, ako piza kamela meko tuvevo puto kale ta me qovou ko matuma reketekete sole.

Hiburu 3:14

Kerukeruekomo erisaṉa ta animea kiada mela ta vo Karisito kalea mela, pizaka noqoeko me elou ta koa kuleto ama tuvevo puto ti mebe kai barolou saevo ko paitopaito keru.

Jone 11:42

Aṉata lula aṉai nianiia ta ṉota ṉoda la viqa aṉa kiada keru, melai aṉata so kiala, tu nia maba poso koi ke evani ta ke tuvevo puekou ko ṉo inio ṉo joroeleni ṉa aṉa kio,” kiolake.

Hiburu 3:6

Melai Karisito ta kerula kala Meqora voko kati vailo kale vo Baṉara ko qoqono. Ni animeta mebeta parani putou ni me duvevo puekou ni me darekou ko uri ama quli anime me qovo ama, ta animeta kasa me elou ta anime inio voko qoqono mela.