1 Jone 5:1 - BAṈARA KO VAIRU AMA LEVELEVEO

¹ Ako kiadamu se tuvevo ke ivo amu vo Jisu inio vo Baṉara o soroeveni Pakio kikevo amu, se inio vo Baṉara ko meqora poso. Ni vo o roquevani vo Mama, vo inio mata o roquemani vo Mama ko meqora poso.

1 Jone 5:1 Referans Kwoze

1 Jone 2:29

Ako animeta meqai nianiia ta vo Karisito ta sidopu ala. So sole animeta meqai nianiia ta mata kiadamu seke erekani ko sidopu ta vo Baṉara ko meqora poso.

Jone 8:42

Nio Jisu ta eri kiolake sekasi, “Tuvevo avole Baṉara inio mevo mama tea, meta me roquelo inio aṉa, ako aṉata a quevi Baṉara kasi azo, ni erisaṉa aṉata koi. Aṉata pui aba kuevi a ṉaviko vatolo kale, melai vo inio o soroeleni aṉa.

1 Jone 4:7

A baerebaere poso, animeta me roquekinio muli, ako roquano ta vo Baṉara kasi azo ko kuevako ikio sole. Ni voa maba vo o roquanani ta vo Baṉara vo meqora ni vo inio ovai nianiiani vo Baṉara.

1 Jone 3:14

Ako animeta meqai nianiia ta animeta lula me baloasika ko vou, ni erisaṉa animeta lula meda baroa vairu ama saevo kale. Animeta meqai nianiia komi quli animeko roquemo kale animeko lotu tamania kale amu. Melai vo pui o roquanani ta obeta evani nio voukale.

1 Jone 5:4

Ako animea kiada mela vo Baṉara ko meqora poso mela ta pizato samela sole tu me qoqotaeko komia peuru ma peuru ko ruqe. Ni animeko tuvevo puevo kale vo Jisu inio animeta koqo me ikou ko peuru ma peuru.

1 Jone 4:20

Ni kala ta eri kiovou, “Aṉata a roqueva vo Baṉara” kiovou, ni ovai kaikuapou vovo lolo, ta vota lipalipa kala. Ako noni kale inio vota o roquevou vo Baṉara vo pui o veani, ni ovai kaikuapou vo vovo lolo obe veani o vilu kale? Puliala inio so opa roveovou sole!

1 Jone 3:9

Vo Baṉara ko meqora poso lula ke evani ta pui kiada keru ke erekani ko sarueko, ako koa vairu ama saevo vo Baṉara o katimako ta se tona, ni seta lula Baṉara ko meqora poso ke evani sole.

Jone 3:3

Nio Jisu ta o vati tiorikake vo, “Tuvevo avole aṉata a bazueṉa ṉo, puliala maba ta opa roveovou kelo vo Baṉara ko lekasa puo puliako vo mata tova alilo,” kiolake.

Matiu 16:16

Ni vo Saimone Pita ta o vati tiorikake ni eri kiolake, “Ṉota vo Baṉara o pitoeṉeni Pakio ṉa vo saevola Baṉara vo meqora ṉa,” kiolake.

1 Jone 2:10

Ako vo o roquevani vovo lolo ta o evani nio zakaremu kale, ni pulia quli ta kopa saruevou vo tu o ereko ko sarueko.

Jone 15:23

Tuvevo avole, vo olai kideipani aṉa ta mata ovai kideipa aṉavo Mama.

1 Jone 4:2

Ni eria kai nianiio nio me elou vo Baṉara vo Auvana inio o erekani koa bazu. Vo Jisu Karisito ta o saqore komia peuru ma peuru kale ni maba ota eve kio tuvevo o ivo ala auvana inio vo Baṉara vo Auvana.

1 Pita 1:3

Animeta me ilusivo vo Baṉara, vo animevo Lekasa Jisu Karisito vo Mama. Ako voko matuma akoekato sama roquano kale inio vota o katimele anime vairu ama saevo. Ni so jari vota o katimele piza kama tuvevo puto sama kerukeru tu animeta me qovo ko noqola kama saevo, koa piza kama tuvevo puto sama kerukeru o katimelema vo Jisu Karisito ko mata saevo kale voukale azo.

Jemisi 1:18

O ṉaviko vatolo kale vota o saevimela anime tuvevo ama bazu kale, tu animeta me qovou ko raura kama zae kiadama quli vo o erekema kasi azo.

Jone 6:69

Eṉeta ṉe duvevo pueṉa ni ṉeṉai nianiia ta ṉo inio vo Tabu ala ṉa ṉo quevini ṉa Baṉara kasi azo,” kiolake.

1 Jone 3:17

Ni kala batiro ala lotu maba ta obe velou kala vovo lolo olaquavo o evani melai pui o roquevou tu o tauvevo vo, ta vo Baṉara ko roquano ta maba puliama voko bulo kale!

Iruruputo 8:36

Nio nioqako lulueko kale koa keve inio nioqata qo baroake kala pado zaekale ju ko evakoi, nio voa raura kala maba ta eri kiolake, “Kota ju. Ikoana kama quli koko tizaeko ama aṉako bapitaiso elo?” kiolake.

Jone 1:3

Vokale kude inio Baṉara ta o ereke kiadama quli; ni koa kiadama quli ta ko erei voa Bazu kale kude peuru ma peuru ko tanitanila keru.

1 Jone 5:5

Ako vo tuvevo o ikani ta Jisu ta vo Baṉara vo Meqora, vo inio vo koqo o ikani ko peuru ma peuru sole.

1 Jone 5:18

Ni animeta meqai nianiia ta se lula Baṉara ko meqora poso ke evani ta pui kebeta olani ereko ko boutare. Ako vo Baṉara vo Meqora ta o mati vaila sole, ni vo Setani ta pui opa niumaemou se.

Luke 7:5

Vota o roquemelani anime Jiua mela ni vo inio o mela erekeni ko ilusato ko pade sole,” kikelake.

Iruruputo 8:37

Ni vo Pilipi ta eri kiolake vokasi, “Ṉota ṉo duvevo puevou vo Jisu ṉoko pado ama bulo kale inio ṉota ṉo roveovou bapitaiso puilo,” kiolake. Nio voa maba ta o vati tiorikake, “Aṉata a duvevo pueva vo Jisu Karisito ta vo inio vo Baṉara vo Meqora,” kiolake.