1 Jone 4:6 - BAṈARA KO VAIRU AMA LEVELEVEO

⁶ Melai animeta vo Baṉara ko mela, ni se kevai nianiiani vo Baṉara ta ke didiemelou anime, melai se pui kevai nianiiani vo Baṉara ta pui kepa didiemelou anime. Ni Sokale inio animeta memai nianiiovou seke kasekani Tabu ala Auvana ko tuveano ni seke kasekani lipalipato ko auvana kasi azo ama bazu.

1 Jone 4:6 Referans Kwoze

Jone 10:27

Aṉako sipi poso ta keta la nianiieka aṉako kora, ni aṉata amai nianiia se, ni seta ke luluela aṉa.

Jone 15:26

“Melai so keru voa Tauvezato o kilou keru, vo aṉa a joroevo ala mekasi vo Mama kasi azo, inio vota olai bazubazutou aṉa. Vo inio voa Tabu ala Auvana vo kasa o iko ala vo Baṉara ko tuveano.

1 Jone 4:1

A baerebaere poso, matu kubo lipalipa kama poropita madu ta iniseana komia peuru ma peuru kale. So sole meta pui meda ma utu tuvevo puekou seko bazu sea kiadamu seke kasekani ko Baṉara kasi azo ama bazu kikelani. Melai meta didiekomo ni uria kerukeruekomo koa bazu poso kikolani tu kai nianiimo ta kota ko kuevako ikio vo Baṉara kasi azo ma pui kio.

1 Jone 4:4

A meqora poso, meta vo Baṉara ko mela so sole meta lula koqo me ime se lipalipa kama poropita madu, ako vo Baṉara vo Auvana me tonala ta piza kala sole obe vai paloasani vo Setani, vo komia peuru ma peuru ko ruqe ama maba poso tonala.

Jone 18:37

So sole Paelati ta o vati tiorikake vo, ni eri kiolake, “So sole ṉo inio kake vo aikovakova ṉa, kio?” kiolake. Nio Jisu ta o vati tiorikake vo ni eri kiolake, “So tisoiko so ṉo kiṉolani, aṉa inio kala aikovakova lala. Kokale avo inio aṉata a alile ni a quevi miduku kale, tu a qaseko ko tuveano, tu se tuveano ko maba madu ta ke didielou aṉa,” kiolake.

1 Koriniti 14:37

Kala ta o kerukerutou ta vota Baṉara ko bazu o koani nio ma Tabu ala Auvana sala kiovo ala, ta o paqumuko koa kiadama aṉako riki ta vo Lekasa Jisu ko bazu ikio ko kio.

2 Tesalonaika 1:8

ni uza ko urusana kale. Nio vota o koqotaemou se keta va lupaovani vo Baṉara ni se pui ke zorikani ko Uri ama Bazu vo animevo Lekasa Jisu Karisito ko.

Jone 16:13

Melai so keru vo Tabu ala Auvana o kilou keru, vo kasa o ikani vo Baṉara ko tuveano, vota kasa o mela ikou me koa kiadama tuveano. Vota pui opa pesiovou o ṉaviko vatolo kale, melai vota okai pesiovou ko quli o viqako quli Baṉara kasi, ni vota o melai bazuekou me koko kilo ama quli.

1 Jone 4:8

Voa maba vo pui o roquanani ta pui ovai nianiiani nio vo Baṉara, ako vo Baṉara inio vo roquano sala sole.

1 Timoti 4:1

Tabu ala Auvana ta zakaremu o ika ko eri. Kake maba poso ta ke vaekou ko oqu koko kilo ama taku keru kio, ni seta ke zorikou koko lipalipatako auvana poso ni seta ke luluekou ko ziolo poso ko nianiiekato.

Jone 13:20

Tuvevo avole aṉata eri kiala mekasi, vo o baroekimani se aṉa a joroemani ta o baroekila aṉa, ni vo o baroekilani aṉa ta o baroekiva vo o soroeleni aṉa,” kiolake vo Jisu.

Jone 8:19

Nio seta eri kikelake, “Lai ta vo ṉovo mama?” Ni Jisu ta eri kiolake, “Meta pui melai nianiia aṉa ni pui mevai nianiia aṉavo Mama. Meta lula melai nianiia aṉa tea meta mevai nianiio nio mata aṉavo Mama,” kiolake vo Jisu.

Luke 10:22

“Aṉavo Mama ta lula o katile aṉa kiadama nianiio ni pizato. Puliala ta olai nianiia aṉa vovo Meqora lala inio kio, melai aṉavo Mama o kiada inio olai nianiia aṉa, ni puliala ta ovai nianiia aṉavo Mama melai aṉa vovo Meqora lala inio avai nianiia vo ni sea poso aṉa vovo Meqora lala a bitoemani tu kasa a ivo vo,” kiolake.

Jiudi 1:17

Melai kerukeruekomo, me a lolo poso mela! Meta kerukeruekomo ko quli lulavo ke melai bazuekema vo animevo Lekasa Jisu Karisito ko apositolo madu.

2 Pita 3:2

Ni aṉata a mela zaria me tu meta me qerukeruekou koa rukuruku poso se tabu ama poropita madu kekai bazutema lulavo ni koa bazu animevo Pakio Lekasa Jisu o vaekema, ni eṉe apositolo madu ṉela ṉe qatimelema.

2 Koriniti 10:7

Meta meda la kea aṉako saevo koko topi ama pala. Kala ta inovoana sai vo so kiolani, “Aṉata Karisito vo lala,” kiolani kio? Soala ta o male tu mata o uria paqumuko ko aṉa melai vo Karisito ko lala kio.

Romu 11:8

Ko Tabu ama Riki kikovevo jari, “Baṉara ta udo ota ma ikake seko kerukeru ni bulo poso; koa taku keru azo ti kobeta baroa vairutu ta seta pui ke rovea kelokelozato ni viqaviqazata.”

Romu 1:1

Ana ta Paula lala kala pado nabulu lala vo Jisu Karisito vo ni kala pado apositolo vo Baṉara o nokaeleni lala ni o pitoeleni lala ni o soroeleni lala kai bazutole ko Uri ama Bazu.

Jone 20:21

Ni Jisu ta mata so kiola sekasi, omuqama taku kale, “Bule mekasi. Omadeuvo vo Mama o soroele aṉa jari, aṉata a joroemela me,” kiolake.

Jone 10:16

Ni inisiana mata kake aṉako sipi poso se pui nio sipi ko qara kale ke evani. Se melai keta la viqou aṉako kora, ni aṉata a amaqimou se, tu sea kiadamu ta omadeu rovaṉa ke elou omadeu vailo ko maba ko vailo kale.

Jone 8:23

Ni Jisu ta o mati tiorikake, “Meta koi miduku kalea mela, melai aṉata a quevini lala aukale azo. Meta komia peuru ma peuru kalea mela, melai aṉata pui komia peuru ma peuru kalea lala.

Jone 10:3

Vo veutu o kati vailani ta o nianiieva vo ni ova veuka vo ko tibulu, ni o ṉaviko sipi poso ta keta va viqa voko kora ota ma nokaeka keru seko ṉi poso tu o saqorimo qara kale azo.

1 Jone 5:19

Vo Setani ta okai lekasa pua komia pado ama ruqe ama peuru ma peuru, melai animeta meqai nianiia ta animeta vo Baṉara ko mela.