1 Jone 3:19 - BAṈARA KO VAIRU AMA LEVELEVEO

¹⁹ Ni koa tauvekinio kale inio animeta meqai nianiiovou ta animeta vo Baṉara ko tuveano mela. Ni kokale inio animeta me bataitou animeko kerukeru kale vo Baṉara kasi.

1 Jone 3:19 Referans Kwoze

Hiburu 10:22

So sole animeta me qilou vo Baṉara ko sipole ni mevai oquvou vo Jisu Karisito ni me qativou animeko pado ama bulo, ako vo Jisu ko dara ikio bulebule ko ikema animeko pado ama bulo poso, tu meqai nianiio ta vo Baṉara ta lula o akoeka animeko sarueko, ni lula bulebule o imela anime kio.

1 Jone 3:21

A baerebaere poso animeko bulo pui ruqe ko elou ta pui meba ṉalou kilo vo Baṉara kasi,

Jone 18:37

So sole Paelati ta o vati tiorikake vo, ni eri kiolake, “So sole ṉo inio kake vo aikovakova ṉa, kio?” kiolake. Nio Jisu ta o vati tiorikake vo ni eri kiolake, “So tisoiko so ṉo kiṉolani, aṉa inio kala aikovakova lala. Kokale avo inio aṉata a alile ni a quevi miduku kale, tu a qaseko ko tuveano, tu se tuveano ko maba madu ta ke didielou aṉa,” kiolake.

1 Jone 1:8

Ni animeta eri kimevou, animeta puliama sarueko samela kimevou, ta animeta meda lipalipaiva inio me ṉavi, ni animeta puliama tuveano samela.

2 Timoti 1:12

ni Sokale avo inio aṉata a doraeka komia erisaṉama tapata. Melai aṉata abeta pataita aṉako oqu kale, ako aṉata avai nianiia sole vo aṉa avai keruani, ni a duvevo pueka ta voko matuma pizato kale vota o kati vailou ko lula aṉa a erekako iruruputo vokasi ti kobeta barolou koa matuma Titizato ko Ṉaniu.

Romu 4:21

Vota matu tuvevo o ikake vo Baṉara ta o roveovou ereko koa leveleveo vo ova kasekema.

Jone 13:35

Meta me roquekiniou muli inio, kiadama maba poso ta kekai nianiiovou kokale ta meta aṉako disaipeli mela inio kio.”

1 Jone 3:14

Ako animeta meqai nianiia ta animeta lula me baloasika ko vou, ni erisaṉa animeta lula meda baroa vairu ama saevo kale. Animeta meqai nianiia komi quli animeko roquemo kale animeko lotu tamania kale amu. Melai vo pui o roquanani ta obeta evani nio voukale.

Hiburu 11:13

Kiadama sea qole ama maba poso ta kevai oqui vo Baṉara ti kobeta baroi seko saevo poso ko paito keru. Seta pui nio ke koake vo Baṉara oma inainaekema quli, melai seta ke gelekake vaṉʼazo ni keka zoleike, ni seta pui keta ka kamiziake maba madu kio, se puliama zae samu komia peuru ma peuru kale.

Romu 8:38

Ako ko aṉa tuvevo a ikako quli ta pulia quli ta kopa pitasimelou anime voko roquano kasi azo, kota pui vou, ni pui saevo, ni pui mateana madu ni pui auvana lekasa poso ni pizato poso, pui komia taku kale ko ereivako quli ni pui koko kilo ama taku kale ko ereilo ama quli,

1 Jone 2:21

Noi sole inio aṉata a mela rikita me? Aṉata a mela rikita me ako meta pui meqai nianiia ko tuveano sole, kio? Maba pui, melai aṉata a mela rikita me ako meta meqai nianiiani mela sole ko tuveano, ni meta meqai nianiiani mela ko eri, puliama lipalipato ta ko kuevako tuveano kasi azo kio.

1 Jone 3:20

So sole so keru animeko bulo ruqe ko elou keru melai animeta bulea mela mebeta elou vo Baṉara ko tanama kale. Ako Baṉara inio raura kala animeko bulo kasi azo sole, ni vo inio okai nianiiani kiadama quli.