1 Jone 3:14 - BAṈARA KO VAIRU AMA LEVELEVEO

¹⁴ Ako animeta meqai nianiia ta animeta lula me baloasika ko vou, ni erisaṉa animeta lula meda baroa vairu ama saevo kale. Animeta meqai nianiia komi quli animeko roquemo kale animeko lotu tamania kale amu. Melai vo pui o roquanani ta obeta evani nio voukale.

1 Jone 3:14 Referans Kwoze

1 Jone 5:2

Eri kale inio animeta meqai nianiia ta animeta me roquema vo Baṉara ko meqora poso. Animeta meqai nianiia ko, ako animeta me roqueva vo Baṉara, ni me zorika sole voko bazu.

Jone 13:35

Meta me roquekiniou muli inio, kiadama maba poso ta kekai nianiiovou kokale ta meta aṉako disaipeli mela inio kio.”

1 Tesalonaika 4:9

Aṉata pui aba kai pesipesitou komia riki kale ko animea lotu tamania kalea mela ko roquekinio. Ako koa roquekinio ko kalo ta lula o melati vakakuka vo Baṉara me ṉavi sole.

Jone 5:24

“Aṉata a bazuemela me, vo o viqani aṉako pesio, ni vo o tuvevo puevani vo aṉa o soroeleni, ta noqola kama saevo sala. Vo Baṉara ta pui opa koqotaevou, melai vota lula ota paloasa voukale azo saevo kale.

1 Pita 1:22

Meta lula bulebule me evani mela vo Baṉara ko tuveano ko zoriko kale, tu me roquemou meko lolo poso lipalipa pide ama roquano kale. So sole roquekiniomo muli tuvevo avole meko bulo kale.

Matiu 25:40

Nio so keru inio aṉa voa Lekasa lala ta eri kiavou, ‘Tuvevo avole aṉata a bazuemela me, so keru meme ereke keru komi quli kala aṉavo olaquala baerebaere kasi meta me ereke inio aṉa kasi,’ kiavou.

Hiburu 13:1

Mea lotu tamania me evani mela vo Karisito kale, meta pui epezo roquekinio.

Jone 15:12

Komi ta aṉako bazubazu, meta matu roquekiniomo muli, omadeuvo aṉata a matu roquemela me jari.

1 Jone 4:12

Ako puliala maba inio o veani sole vo Baṉara. Melai animeta me roquekiniou, nio vo Baṉara ta o elou anime tona. Ni animeta me roquekiniou muli, inio voko roquano ta ko maba puratou animeko kalo kale.

1 Jone 3:23

Ni komi quli kio vo Baṉara o melai bazuekako: animeta tuvevo me ivo vovo Meqora Jisu Karisito ni me roquekinio muli omadeuvo vo Jisu melati kiovevo jari.

1 Pita 3:8

Ni tovatovama aṉako pesio kale, aṉata eri kiala mekasi. Mea kiada mela ta omadeu elo emo bule kale. Madoekomo tu mati lainikomo edolomu ko duki ni zoleilo me ṉavio kude. Ni tamania jaria roquekinio emo. Ni tauvekiniomo ni pui aikailo me ṉavio kude.

Kolosi 1:4

Ako eqeta lula qe viqa meko vai oqu vo Jisu Karisito ni meko roquemo kiadama vo Baṉara ko maba madu.

Epesasi 1:15

Sokale avo inio aṉata a qerukeruemela me kiada keru aṉako vararaito kale, ni aṉata a qaseka aṉako uriavo vo Baṉara kasi mekale avo. Ni kiada keru aṉata soa vararaito a eve so keru a viqe keru azo meko vai oqu vo Lekasa Jisu ni meko roquemo kiadama vo Baṉara ko maba madu.

1 Jone 5:13

Aṉata a rikieva nea riki mekasi me tuvevo me ivani mela vo Baṉara vo Meqora kasi. Ni aṉata a mela rikita tu meta meqai nianiiovou ta erisaṉa ta meta noqola kama saevo samela.

Jone 15:17

So sole aṉata a bazuemela me, tu roquekiniomo muli.”

1 Jone 2:3

Ni animeta me zorikou vo Baṉara ko bazu inio animeta me baqumukou kokale ta animeta tuvevo avole inio mevai nianiiani mela vo Baṉara.

2 Pita 1:7

ni meko baisemo meko lotu tamania madu, ni ko roquano.

Epesasi 2:5

so sole anime mebeta vouva keru auvana kale animeko pui zoripato kale, inio vota o katimele anime vairu ama saevo vo Karisito kale. Nio voko pakiezato sama roquano kale inio animeta me bakiovi.

2 Koriniti 5:1

Ako eṉeko tupu komia miduku kale ama ta omadeuvo kama tepe pade ko eṉe puju ama taku kale ṉeqai evako jari. Ni eṉeta ṉeqai nianiia komia tepe pade eṉe ṉeqai evako ko rotiziovou keru ta vo Baṉara ta o katiṉelou eṉe ko paito pide ama saevo ko tupu o ṉavi o ereko ama, ni kota eṉeko noqola kama pade jari aukale ama peuru kale.

Epesasi 2:1

Ni koko paloasako taku kale meko auvana ta vouma meko boutare ni pui zoripato kale.

Qelesia 5:22

Melai vo Tabu ala Auvana o puratikako kalo ta eri ama, roquano, zoleilo, bule, pataito niumaniumato kale, baiseo, uri ama kalo, kerula elo,

Luke 15:32

Uri kio animeta me ereka ko ṉojola ni me zoleiva, ako ṉovo visi vo lula ota vovini jari ala ta mata o saeva erisaṉa, vo lula ota mumaini melai vota mata o purata,’ kiolake.”

Luke 15:24

Ako nea meqora aṉavo ta lula ota vovini jari nio, melai vota mata o saeva erisaṉa, vota lula ota mumaini melai vota mata o purata sole,’ kiolake. Nio ko ṉojola ta ko tanitake.

Luke 7:5

Vota o roquemelani anime Jiua mela ni vo inio o mela erekeni ko ilusato ko pade sole,” kikelake.