1 Jone 2:1 - BAṈARA KO VAIRU AMA LEVELEVEO

¹ A meqora poso mela, aṉata a rikieva nea riki mekasi tu meta pui me erekou ko sarueko. Melai animeta sarueko me erekou, ta Jisu Karisito inio o tauvemelou. Ako vo inio sidopu ala sole o roveani mela pesio animeko kio kale, vo Mama Baṉara kasi.

1 Jone 2:1 Referans Kwoze

1 Timoti 2:5

Ako vo Baṉara ta omadeu pado sole, ni vo tabu ala Baṉara ni boutare sama maba poso ko tiania o evani ta mata omadeu pado, vo Jisu Karisito o ṉi sala maba,

Romu 8:34

So sole lala inio o titizimelou anime? Mata puliala, ako vo Jisu Karisito, vo o vovini ni mata o saeveni voukale azo ta pui opa titizimelou. Vo inio o papuani Baṉara ko palo rana vasi, vo o tauvemelani anime vararaito kale!

Jone 14:6

Nio Jisu ta o vati tiorikake vo, “Aṉata keve, tuveano, ni saevo lala. Puliala ta o rovea baro a Mama kasi edoloma keve kale, melai aṉa kale inio.

2 Koriniti 5:21

Ako vo Karisito ta sarueko pide ala melai animeko pakiemelo kaqe inio vo Baṉara ta animevo sarueko ko besibesi o ivake vo tu animeta omadeu me elo vo tona ni me qovou vo Baṉara o puarikako sidopu.

1 Jone 4:4

A meqora poso, meta vo Baṉara ko mela so sole meta lula koqo me ime se lipalipa kama poropita madu, ako vo Baṉara vo Auvana me tonala ta piza kala sole obe vai paloasani vo Setani, vo komia peuru ma peuru ko ruqe ama maba poso tonala.

1 Jone 3:18

A meqora poso, animeko roquano ta pui pesio kale ko kiada ko elou. Melai animeko roquano ta tuvevo ama ko elou ni ko kasa puilou animeko tauvekinio kale.

1 Jone 3:7

A meqora poso mela, pui zariemo edolomu tu ke saruemelo me komi ko kerukerueko kale. Vo sidopu o erekani, vo inio sidopu ala, omadeuvo vo Karisito ta sidopu ala.

Jone 8:11

“Puliala, tanala,” kikolake. Nio Jisu ta o kati tiorikake ko, “Uri, aṉa melai pui aṉai kuirika ṉo, melai ola ni pui mata tova sarueko ṉo elou,” kiolake.

Hiburu 9:24

Karisito ta lula o amaqeovi aukale ni vota o lojoa erisaṉa vo Baṉara ko kuleto tu o tauvemelo anime. Vota pui opa amaqeovi maba ko erekako tabu ama tepe pade kale koko mela mamola puekako pala anime koa zae sai vo Baṉara o evakoi.

1 Jone 3:5

Ni meta meqai nianiia ta Karisito ta o kuevi tu o ṉamuko ko sarueko ni vota sarueko pide ala.

Epesasi 2:18

Ako vo Karisito kale animea kiada mela ta me rovea kilo vo Mama kasi omadeu Auvana kale.

Jone 6:27

Meta pui ka iruruputo koko sapeovo ama sailao melai ka iruruputomo koa sailao koko melati barolo ama noqola kama saevo kale. Koa sailao ikio aṉa maba a eveni lala a qatimelo ama me, ako aṉa inio vo Baṉara voa Mama aṉa lula ola zoleini lala,” kiolake.

1 Pita 3:18

Ako vo Karisito ta sidopu ala melai vota o mela vovi animea ruqea mela omadeu taku ko kiada ni vota o mela vovi anime tu o odiemelo anime Baṉara kasi. Ni vota ke vouvaeve tupu ko saevo kale melai ota saeve auvana kale.

Epesasi 4:26

Ni so keru meme qorakorailou keru ta pui zarieko koa korakorailo tu boutare saṉa ko imelou, ni meta vaekomo meko korakorailo puliako vo ṉaniu sulupo.

Qelesia 4:19

Meta aṉako meqora poso jaria mela. Ako aṉata a melai matu tolaiva me omadeuvo ko niania ta ko tolaiva jari, so keru koko vijara keru. Ni aṉata soa tolailo abeta elou, ti kobeta barolou meko Karisito jari elo.

Jone 5:36

Melai aṉata mata kama pado quli salala ko kolai bazubazutake aṉa, ko kokai paloasako vo Jone ota lai bazubazutema aṉa, ko ikio koa iruruputo poso aṉa a erekako. Ko ikio koa iruruputo poso aṉavo Mama o katilema tu aṉata a ereko, ni ko ikio mata ko tuvevo puela aṉa tu ko puratiko vo Mama inio o soroeleni kio.

Luke 10:22

“Aṉavo Mama ta lula o katile aṉa kiadama nianiio ni pizato. Puliala ta olai nianiia aṉa vovo Meqora lala inio kio, melai aṉavo Mama o kiada inio olai nianiia aṉa, ni puliala ta ovai nianiia aṉavo Mama melai aṉa vovo Meqora lala inio avai nianiia vo ni sea poso aṉa vovo Meqora lala a bitoemani tu kasa a ivo vo,” kiolake.

1 Pita 2:22

Ako vota puliama sarueko sala ni pui o lipalipatani sole.

1 Koriniti 15:34

Kai vaitomo meko sidopu ama kerukeru ni epezomo lulueko ko sarueko sama keve poso. Aṉata a bazuemelou me tu kota ko quratimelou, ko kake mela ta pui nio mevai nianiia vo Baṉara sole.

Jone 5:14

Ni silo pala taku ko tova Jisu ta mata o toraevake voa maba Jelepade ko taqo kale o lipilipitani nio eri kiolake, “Keatini, ṉota ṉoda urika erisaṉa, so sole ṉota pui mata ṉo dova saruekou, ako so ta matuma tapata koṉai barou sole,” kiolake.

Jemisi 1:27

Ko animevo Mama Baṉara o kerukeruekako ta vo lotu maba ko bulebule ni rurubiatana elo ta eri: mati vailo se esapa kamu ni naboko poso seko tapata kale, ni ota ka balauvo peuru ma peuru kale ama maba poso ke erekako sarueko poso kale azo.

1 Jone 5:21

So sole a meqora poso, meta tama balauvomo se lipalipa kama baṉara poso!

Jemisi 3:9

Lenio kale inio animeta me ilusiva vo animevo Lekasa Mama ni lenio kale inio me ruqe kaseva vo maba, vo Baṉara o ereveni o ṉaviko ereere kale.

Romu 6:15

Sole, noi nio? Animeta me jaruekou, ako animeta pui bazu ko poro kalea mela, melai vo Baṉara ko pakiezato sama roquano kalea mela sole, kio? Maba pui ti pui!

Jone 13:33

A matu roquemelani lolo poso mela, puliako tu keu aṉata a vaemelou me. Ni meta me vaililou aṉa, melai erisaṉa aṉata a melai bazuekou ko quli se Jiu ama tanatanamu lula amai bazuekema quli, ‘Meta pui meba roveovou zio sai aṉa a ziovoa koi.’

1 Timoti 3:14

Aṉata a bokaovou ta aṉata aba mela lelou inio me. Melai aṉata a ubaitou ta komia leta aṉa abe rikiekako ikio ko bazuemelou me ko anime me qalo avoa iruruputo vo Baṉara ko saidi kale amu kasi. Se inio vo saevola Baṉara ko lotu qoqono, ako seta voko tuveano ko lado vola ni barabara sole.

Jone 21:5

Nio Jisu ta eri kiolake sekasi, “Meva, puliama niuniu me qoa kio?” kiolake. “Puliama,” kikelake.

Jone 14:16

Nio aṉata a basevou vo Mama, ni vota o katimelou me kala pado Tauvezato, vo inio voa Tabu ala Auvana, vo kasa o ikani vo Baṉara ko tuveano, vo o elo ala mekasi latau ṉaniu ni ka ṉaniu. Komia peuru ma peuru kale amu ta pui ke ṉeamuva vo, ako seta pui ke vea ni pui kevai nianiia vo sole. Melai meta mevai nianiia vo, ako vota o eva me sase ni me melai me eva vo sase sole.

Iruruputo 7:52

Sea lulavo ama poropita madu ta maba sea kiadamu ti ke toraeke ko niumaniumato meko taite poso kasi, ni se Baṉara ko bazu ke kati kuevini maba madu ta ke vouvaeme, seke kasekeni lulavo vovo sidopu ala Nabulu ko kilo. Ni erisaṉa meta lula me jaiqoriva vo ni me vouvaeva vo.

Romu 5:10

Lulavo animeta Baṉara ko kana poso mela inio, melai erisaṉa vota o melati baerebaerea vovo Meqora ko voukale. Erisaṉa animeta vo Baṉara ko baerebaere poso mela, sole vo Karisito ko voukale azo mata saevo kale melai pui tapata tu animeta me bakiovou!

1 Jone 5:17

Ereko ko saruilo, ta kiada keru ti boutare ikio. Melai ikoana kama boutare ko pui kopa odiemelo ama noqola kama voukale.

3 Jone 1:4

Ni kiada keru aṉata a zoleiva a viqa keru aṉako lotu meqora poso ko lulueko ko tuvevo ama bazu vo Jisu Karisito ko.