Mark 12:5 - l'taamitsinikssin Mark manistaitsinikatoohpiayi 1972

⁵ Ki oma̱ na̱naaniwa sota̱mattsiista̱i'tapsskakkiiwayi stsi̱kiyi. Ki a̱nnayi omi̱i̱ksi a̱'pao'takiiksi sota̱miitsi'nitsiiyawayi. Ki a̱kaitapiyi a̱nni manista̱istotoawaiksi a̱nni; a̱i̱potsiiyawaiksi kiayi a̱i̱'nitsiiyawaiksi.

Mark 12:5 Referans Kwoze

Mark 9:13

Ki a̱nnohk anna̱hka Elijah a̱kao'to̱owa. Ki iiko̱ksistotoowawa. Amostsi naato̱y'ssi̱naakssiistsi iitsi̱kayissanio'pa. Oki. Ki̱tssksini'poaaw anistska nato̱y'ssinaakssiistsk ma̱ttsitana'siwa anna̱hk Christ iika̱akokohkoyimma, kii a̱kattanistotoi'tsikataw a̱nnii ka̱ta'ohtohko̱yikio'pi.”

Mark 12:4

Ki oma̱ na̱naaniwa ma̱ttsitsi'ta̱akotohkaataw omi̱ matto̱hkiitssi̱mi. Ki omi̱i̱ksi a̱'pao'takiiksi sota̱mattsinniiyawayi ita̱i̱pakkihki̱niiyawayi, mattsitsskitsistottoyiiyawayi, iita̱o̱kanistsiiyawayi.

Mark 12:6

Ki oma̱ ni̱naawa itsi̱'tsitapi̱i̱yini omi otohksi̱sstaan a̱nnaokini omi̱ ota̱komimmohko̱yi. Sota̱mattsita̱psskoyiiwayi; niitsiksi̱m'staawa omi̱i̱ksi a̱'pao'takiiksi a̱akohki̱tsstoyisatsiiyawayi.