John 7:32 - Annaahk John Manistsitsinikatahpi Jesus Manistsipaitapiihpiai 1979

³² Ki a̱nniai niitsisi̱miawaaniiyaawa omi̱i̱ksi mata̱piiksi. Oso̱tamoohtookoaawa ami̱i̱ksayii Pharisees. Ki omi̱i̱ksi Pharisees ki omi̱i̱ksi ni̱naato̱yaapiikoaikisi itoma̱tsskoyiiyaawa omi̱i̱ksi otsi̱nnakiikoaamoaawaiksi. A̱a̱nistsiiyaawaiksi “Mato̱yinnoka Jesusa.”

John 7:32 Referans Kwoze

John 18:3

Kii ki sota̱mitsistsso̱owa Judas. Itsi̱stssi̱piiwa omi̱i̱ksi ika̱katapiiyi a̱wawahkaoʼtsiiksi, ki anni̱i̱ksi omi̱i̱ksiska otsi̱nnakiimoawaiksi omi̱i̱ksi Jews. Iihpo̱ʼtooyaawa a̱a̱mostska pako̱yittsi, ki siipia̱naʼkimaʼtsi, ki o̱mohtawa̱wahkaoʼtsiaʼpanistsspiaawa.

John 12:19

Ki a̱nniayii omi̱i̱ksi Pharisees itssi̱tsipssattsii̱yaawa. A̱a̱niiyaawa, “Issa̱ʼtsika. Ma̱tsokaʼpi̱i̱wa sawa̱o̱hkottssika̱aa̱ttsaahsi Jesus. Issa̱mmokaawa. Kana̱i̱tapiiwa iihta̱i̱sapoowa Jesus.”

John 7:30

O̱ki. A̱nniayii a̱i̱ʼtsstsiihpa ota̱i̱ssa̱aksinnoki ma̱a̱hki̱tohtoipiyissi. Kii ina̱o̱ʼksaomiitaoʼtsstsiiwa ita̱aksiʼnitahpi. Ka̱a̱tsaitsstsiiʼpa otsiki̱i̱htooki.

John 11:46

Ki anni̱i̱ksi mattstsi̱ksiiksi sota̱mitapo̱o̱yaawa omiiksi Pharisees, ki itso̱poatomoyiiyaawa Jesus ota̱nisttsiihpi.