John 6:51 - Annaahk John Manistsitsinikatahpi Jesus Manistsipaitapiihpiai 1979

⁵¹ Niisto̱ahkaoʼka amoohka napayi̱nihka manipa̱i̱tapiʼssini o̱mohtoʼtsstsiihpihka. Iihtohka̱naoyiiksi a̱ksawonoaissiksipaitapiiyaawa. Ki a̱a̱mohk no̱mohtaiʼpoyihpihka napayi̱i̱nihka tanista̱pawaani noosto̱mi. Nita̱kohtsiistapihkahtoohpa nosto̱mi anno̱ksi mata̱piiksi anno̱o ksa̱a̱hkomma ma̱a̱hkohtsipaitapiiʼssaawa.”

John 6:51 Referans Kwoze

John 6:33

Anniihka napayi̱nihka, A̱ʼpistotookiwa otoma̱tskahtakssinihka a̱nnihkayii anniihka iihtsi̱nniihkahtoophihka isspo̱o̱htsi. O̱tapiʼssini iihtohko̱tawayi ma̱a̱hkitaissksipaitapiiʼssi.”

John 3:13

Kii niʼtsita̱piiwa a̱kaitapsspomo̱owa omiima isspo̱o̱htsim. Kii osto̱yi a̱nnahkaoʼka annaahka iihto̱ʼtsainnisoowahka isspo̱o̱htsim. Kii niisto̱ a̱nnahkaoʼka. Niisto̱wakaoʼka, annaahka Mata̱piiwahka.

John 3:16

A̱ʼpistotookiwa otsska̱a̱ʼkomimmahsi anno̱ksi mata̱piiksi anno̱o ksa̱a̱hkomma iihtoma̱tsskaiwa oni̱ʼtohkoyi. Kii a̱nnihkayii kana̱i̱tapiiwa na̱o̱maiʼtoyiiwa ohko̱yi ma̱takaatsaawa. A̱kohkotawa amoohka a̱i̱sksipaitapiʼsinihka.

John 1:29

O̱ki. A̱nnia mattsiksi̱stsikoyi John itsino̱yiiwa Jesus oto̱ʼtoohsi. Sota̱maniiwa, “O̱o̱mayaoʼka A̱ʼpistotookiwa anniska otsi̱tsipoʼtoayiska ma̱a̱hkitotoisapssi omiiksiska i̱i̱mahkihkinaaikska iʼnita̱i̱kska a̱a̱hkikkitsstsaahsi. A̱kohtsitssiinomoawa o̱tapiʼssini opahtsa̱ʼpssini.

John 1:14

O̱ki. Anna̱a̱hka iihto̱ʼtsstsiiwa a̱a̱mo iihkana̱ʼpaisi, a̱nnaahkaoʼka annaahka Jesus Christ, itsita̱piiwaʼsiwa. Kii niisto̱nnaani itsina̱ʼpaissiiwa. A̱i̱ssksawanisttotsima manistsi̱kisttoakkihpi ma̱a̱hkiitaʼpipoohsapikimmapiipitssi. Niisto̱nnaan nitsino̱annaana mani̱stsspsspi. Iihtsi̱stapsspssiwa o̱nni otsspssa̱yi manistsi̱ʼtohkoyimmi̱yihpi o̱nni A̱ʼpistotookiiyi.

John 3:14

O̱ki. Oma̱a Moses mani̱stsspa̱a̱hkiaahpi omi̱i miʼko̱taikimmi̱sttsiiksinaayi omiima otsi̱taʼpisttotspiaawayim, ki a̱nniayii ta̱koohkattanistsspa̱a̱hkiooko. Niisto̱wakaoʼka annaahka Mata̱piiwahk.

John 3:36

Kana̱o̱maiʼtoyiiksi ohko̱yi a̱kaohkota̱yaawa a̱i̱sksipaitapiʼssini. Ki omi̱i̱ksi ka̱taaʼnistaiʼtoyiiksi ohko̱yi ma̱tohkotawaiksi amoohka niipa̱i̱tapiʼssinihka. A̱ʼpistotookiwa i̱i̱kaohtokakihtsimatsiiwaiksi opahtsa̱ʼpssoaawaistsi.

John 5:24

Kita̱yoohtsiʼpoaawa kita̱wanistohpoaawa. Ki a̱nnihkayii kita̱kohkottomaiʼtoawaawa annaahka nitsi̱tapipoʼtookahka a̱nnom. Kii ikkamo̱maiʼtoainoainiki ki ta̱kohkokkoaawa a̱i̱ssksipaitapiʼssini. Ikkama̱o̱maiʼtakiinoainiki kima̱takohtokakihtsimattspoaawa kitoka̱ʼpanisttsissoaawaistsi. Kita̱ksskomatapa̱aatoʼpoaawa anniihka manipa̱i̱tapiʼssinihka. Kima̱tako̱noaiʼtaʼpiʼnihpoaawa.

John 6:35

Jesus itani̱stsiiwaiksi “Niisto̱ahkaoʼka amoohka napayi̱nihka. Mata̱piiksi a̱kohtoʼtsiitaaksipaitapiiyaawa. Kana̱o̱hpoʼkiisapooyiksi niisto̱yi a̱komiiksistsawattsisttsoʼkiniiyaawa ki ni̱tohkanaomaiʼtookiiksi ma̱takonoaiʼnakiwaiksa.

John 6:41

O̱ki. Amiiksi isto̱ʼtotamaʼpssiiksi Jews iihta̱i̱sataiʼpoyiiyaawa omi̱i Jesus ota̱a̱nissayi, “Niisto̱ahkaoʼka omiihka napayi̱nihka iihto̱ʼtsainniihkahtooʼpihka isspo̱o̱htsi.”

John 6:47

O̱ki. Kita̱kanistohpoaawa niitsi̱i̱yi. Iihkana̱o̱maiʼtakiiksi a̱kaiksistohkotayaawa amoohka a̱i̱ssksipaitapiiʼssinihka.

John 6:48

Nisto̱ahkaoʼka amoohka napayi̱nihk mata̱piiksi ma̱a̱hkohtsipaitapiiʼssaawa.

John 6:50

Aamohka nomohtaiʼpoyihpihka napiyi̱nihka iihto̱ʼtsainnistsiiwa isspo̱o̱htsi. Ami̱i̱ksi iihtso̱yiiksi ma̱tako̱noaiʼniiwaiksa.

John 11:26

Ki kana̱i̱paitapiiksi nita̱o̱maiʼtookiiksi ma̱takonoaitaʼpohkoiʼniiwaiksi. Kika̱taoʼmaiʼtsiihpaatsi?”