John 4:41 - Annaahk John Manistsitsinikatahpi Jesus Manistsipaitapiihpiai 1979

⁴¹ Kii mattsita̱kaitapiiyi omi̱i̱ksi i ima̱i̱ʼtoyiiksi Jesus. Ami̱i̱stsi otani̱ssistsi iihtsito̱matapomaiʼtakiiyaawa.

John 4:41 Referans Kwoze

John 6:63

Natowo̱ttaka a̱nnahkayii a̱kohkottohkokkiwa manipa̱i̱tapiʼssini. Oma̱a ka̱taohkotawa manipa̱i̱tapiʼssini opa̱i̱tapiʼssini ma̱tohpanioʼpaatsi. Natowo̱ttaka iihta̱yissitapiiwa nitsi̱ʼpoahsistsi, a̱a̱mostska kita̱waanistohpoaawaistska. A̱a̱mostska nitsi̱ʼpoahsistska a̱nnistskayi iihta̱o̱hkotsiiwa mata̱piiyi manipa̱i̱tapiʼssini.

John 7:46

Itani̱i̱yaawa, “Na̱mohtsa̱yinnannaana manista̱issksinimaatstohkihpi. Ma̱tomaikakitsstsiihpa mata̱pii a̱nni a̱a̱hkanistsiʼpoyii.”

John 4:40

Ki a̱nniayii omi̱i̱ksi istsitapi̱i̱ksi Samaria a̱nniksaoʼkiaawa sota̱mitoʼtooyaawa ami̱i Jesus. A̱waanistsiiyaawayi ma̱a̱hkitaopissayi, ki oma̱a Jesus itani̱stsisamitopiiwa amo̱stsi na̱toʼkiiksistsikoistsi.

John 4:42

Itawa̱a̱nistsiiyaawa omi̱iskaaaki̱i̱yiska, “A̱nnohkayii ni̱tawattomaiʼtoannaana Jesus. Nitsi̱i̱kaohtomaiʼtakihpinnaana kiisto̱wa kita̱a̱niihpi. A̱nnoohk ni̱tawattoohtoannanna, kii no̱mohtssksiniihpinnaana osto̱yi a̱nnahkaoʼka a̱aksikamotsiipiiwa kana̱omiaʼnistsitapiiyi anno̱o ksa̱a̱hkom.”