John 21:9 - Annaahk John Manistsitsinikatahpi Jesus Manistsipaitapiihpiai 1979

⁹ Ki a̱o̱ʼpitsissowo̱o̱yaawa. Ki a̱nnima issowo̱o̱htsi itsini̱miaawa atota̱a̱na. Iihtoto̱toohpa ksinitsi̱i̱stsi. Itsso̱yaihtsiiyaawa mami̱i̱yaawa. Ki napayi̱i̱niaawa.

John 21:9 Referans Kwoze

John 21:13

Jesus sota̱motooʼtakiwa napayi̱i. Iihtsi̱i̱soyiiwaiksi. A̱nnimayi niʼto̱yi ma̱ttsitsiisoyiiwaiksi mami̱i̱yi.

John 21:10

Jesus itani̱stsiiwaiksi, “A̱saistsipihtakika amo̱ksiska kitsi̱i̱miihkatawaawaiksi.”

John 18:18

O̱ki. Ki a̱nnikskaoʼkiaawa omi̱i̱ksi a̱ʼpaoʼtakiiksi, ki omi̱i̱ksi a̱waatoaʼpinnakiikoaiksi, ito̱ʼtsipoyiiyaawa ototota̱a̱noaawayi. Iihpoto̱taaoʼpi ksinitsi̱i̱stsi. I̱i̱ksstoyiiwa. Ki ai̱ksistohsoyiiyaawa. Ki a̱nnaoʼka oma̱a Peter, noohka̱ttsitsinaiksistohsoyiwaiksi.

John 6:9

“O̱o̱mayii saahko̱maapiwa na̱i̱ʼtsaawaawa niisito̱i ki̱i̱taani ki na̱toʼkammi iʼna̱komiiksi. Kii ma̱takohtsapani̱stsiiyisoayaawa amo̱o̱ksi aka̱i̱tapiiyiksi.”

John 6:11

O̱ki. Jesus a̱o̱ʼtsim omiistsi ki̱i̱taanistsi. Iihtatsi̱moihkaawaistsi. Sota̱mohta̱niitsiisoyiiwa omi̱i̱ksi na̱o̱piiksi. Kii ni̱ʼtoyi ma̱ttohtanistsiisoyiiwaiksi omi̱i̱ksi mami̱i̱ksi. Kii omi̱i̱ksi mata̱piiksi sota̱mokoyiiyaawa.

John 21:8

Ki omi̱i̱ksi Jesus oma̱ttanikapiimiksi, otsi̱ʼnakaahkiohsaʼtsiimoaawayi sota̱mohtsitopitsaahkiohsiiyaawa. Ma̱tsipia̱owaatsi. Kaakso̱o̱kskaikiipippoohkata. Itopi̱tsisskapatomiaawa omii isksimata̱kssini. Iihtoi̱ʼtsiiwa mami̱i̱ksi.