John 21:7 - Annaahk John Manistsitsinikatahpi Jesus Manistsipaitapiihpiai 1979

⁷ Kii ki Jesus ami̱i ota̱komimmai oma̱nikapiimi a̱a̱nistsiiyinai anniiska Peteriska, “A̱nnaoʼka kitsi̱naaiminnoona.” Ki oma̱a Simon Peter, ka̱ksapskaohsatom o̱mohtapoʼtakihpistsi. Ki ota̱ʼyoohtsissi sota̱msapskaohsatoma otsa̱otatsiisokaʼsimi. Ki sota̱mssa̱yohpaʼwaaniwa.

John 21:7 Referans Kwoze

John 13:23

O̱ki. Jesus otsska̱a̱ʼkomimmayi oma̱nikapiimi, itapa̱pitsskaohsiiyinai.

John 20:2

A̱i̱ʼnimayi̱ ki o̱o̱mahkaoʼka sota̱momatapokskaʼsiwa. Ki a̱i̱ʼtoʼto̱owa ami̱i̱ksi Peteri ki omi̱isk oma̱a Jesus ota̱komimmaisk oma̱nikapiimiska. Ki a̱a̱ʼnistsiiwa amo̱ksi na̱tsitapiiksi, “Ayi̱i̱stapipohtoohpa osto̱mi kitsi̱naaiminnoona. Ma̱tattsitsstsiiwaatsi omiim itsi̱psststsaahpi. Ma̱tssksiniihpinnaana itapi̱pohtoohpi a̱a̱hkitsstsaahpi.”

John 19:26

Ki Jesus, itsino̱yiwa ota̱komimmai oma̱nikapiimi. A̱nniskaoʼki omi̱i̱ksiska na̱tsikopotsiikska. Kii ma̱ttsitsinoyiiwa omi̱i oksi̱sstsi. Itani̱i̱wa, “Naʼa̱a. A̱a̱mo ki ta̱kohkoyimmawa.”

John 21:24

O̱ki. Omi̱i̱ska oma̱a Jesus o̱mohta̱i̱ʼpoyiihpiska oma̱nikapiimiska, a̱nniskaoʼkinai a̱i̱tsinikatominayi a̱mostska. A̱nnoohk a̱a̱maoʼka anniihka ota̱i̱tsinikatoohpi. Issksini̱i̱hpa oto̱manaʼssi a̱a̱mostsi osi̱naakssistsi.

John 21:20

O̱ki. Peter sota̱moʼtaksipoyiwa, sota̱minoyiiwa anniska oma̱a Jesus ota̱komimmai oma̱nikapiimi otohpo̱ʼkiawaawahkaahsinai. (A̱nnahkaoʼka annaahka itsita̱pitssto̱piiwa Jesusi anniihka otsi̱tota̱ksoyihpiaawayihka. A̱nnahkaoʼka anniihka itani̱stsiiwa Jesus anniihka otsi̱totaksoyihpiaawayihka, “Nitsinaaimi taka̱a kita̱komatskaoka?”)

John 20:28

Sota̱maniiwa Thomas, “Kiisto̱wa kitsi̱naaimato. Kiisto̱wa a̱nnahkaoʼka nanista̱i̱nihkatawahka A̱ʼpistotooki.”

John 20:20

Ki ota̱i̱ʼksistanistoohs i ita̱i̱stamatsiiwa̱i̱ksi oʼtsi̱i̱stsi, ki a̱a̱mo isttsipo̱o̱htsi osto̱mi iitssi̱mahpi. Ki omi̱i̱ksi iihtsi̱taamssiiaawa otsino̱ahsaawa otsi̱naaimoaawayi.

John 21:8

Ki omi̱i̱ksi Jesus oma̱ttanikapiimiksi, otsi̱ʼnakaahkiohsaʼtsiimoaawayi sota̱mohtsitopitsaahkiohsiiyaawa. Ma̱tsipia̱owaatsi. Kaakso̱o̱kskaikiipippoohkata. Itopi̱tsisskapatomiaawa omii isksimata̱kssini. Iihtoi̱ʼtsiiwa mami̱i̱ksi.