John 17:8 - Annaahk John Manistsitsinikatahpi Jesus Manistsipaitapiihpiai 1979

⁸ Ki̱tohkokkihpi issksksi̱moʼtaani, nitsi̱i̱stapohkotayaawayi, ki sota̱moʼtsimiaawa. Sota̱mitsiitaʼpssksinimiaawa no̱mohtoʼtoohsi kiisto̱i. Ki sota̱momaiʼtsimiaawa kito̱ʼtsskookssi.

John 17:8 Referans Kwoze

John 17:14

Nita̱a̱nistayaawa kita̱a̱niihpi ki otsi̱kaimmokoaawa ka̱taʼyaomaiʼtakiiksi. Ma̱tsitaoʼtssiwaiksi ka̱taʼyaomaiʼtakiiksi, niʼto̱i̱ niisto̱wa nani̱stsayitoʼtsspi ka̱taʼyaomaiʼtakiiksi. Ki a̱nnihkayii o̱mohtsi̱kaimmokoaawaiksi.

John 15:15

Nima̱takattaniihpa kiisto̱aawa kika̱kanikapiimatohpoaawa. Takaa oma̱a a̱yanikapiimatawa, ma̱takssksinima anniska ota̱a̱nikapiimakkiska ota̱wanisttsiihpiayi. Niʼto̱i kima̱tanistsspoaawa. Ki̱tssksinima̱atsoohpoaawa ni̱tohkanawaani̱yihpistsi ni̱nna. Na̱a̱hkanisttsissi. Nima̱takattaniihpa kika̱kanikapiimatohpoaawa. A̱nnohkayi ta̱kahtsawaanii kita̱kkaamohpoaawa.

John 16:30

Ki a̱nnohkayii ni̱tssksiniihpinnaan kiisto̱wa kitsi̱ʼtsinissksiniʼpa. Oma̱a iika̱msstaasi mata̱piiwa ma̱a̱hkohkoissksinimaahsi kima̱takstsinaisopoahtsiiʼsakka. Kiisto̱wa kita̱ksotamikakanistawa otsitsi̱i̱htatoohpi ma̱a̱hkssksinissi. Ki a̱a̱mohkayii no̱mohtaomaiʼtsiihpinnaan ko̱mohtoʼtoohsi A̱ʼpistotookiwa.”

John 16:27

Osto̱yi kita̱komimmokoaawa. Kiisto̱aawa kita̱komimmokihpoaawa, ki kita̱o̱maiʼtsiihpoaawa no̱mohtsistapoʼtoohsi ni̱nna, ki a̱nnihkayii ko̱mohtakomimmokoaawa.

John 17:21

A̱yo ni̱nna. Ni̱tohkanawaatsi̱moihkaahtamoayaawa ma̱a̱hkohkanawanistapssaawa a̱nni niʼtsita̱piiyi, niʼto̱i nani̱stohpipaitapiiyihpi kiisto̱wa, kani̱stohpipaitapiiyihpi niisto̱wa ma̱a̱hkoohkattohpipaitapiiʼssaawa kiisto̱nnooni. Ki a̱nnihkayii ka̱taʼyaomaiʼtakiiksi a̱kohtsitomaiʼtsimiaawa kiisto a̱nnayii kito̱ʼtsskookssi.

John 8:42

Jesus sota̱maniiwa, “Kita̱o̱nimmawawahtopi A̱ʼpistotookiwa kita̱kakomimmokihpoaawa. A̱ʼpistotookiwa a̱nnahkaoʼka no̱mohtoʼtoo. Ki a̱nnohkai a̱nnoma tsi̱taʼpaitapiiyi. Nima̱tawattsitoʼtoohpa. Osto̱yi nito̱ʼtsskooka.

John 14:10

Kaahkstama̱i̱ʼsayiʼtookihpoaawa nomohpipa̱i̱tapiiʼssi ni̱nna, ki ni̱nna omohpipa̱i̱tapiiʼssi niisto̱yi. Kii amo̱stska kita̱a̱nistohpoaawaistska nima̱tawattanistoohpiaawa. Ni̱nna iihpipa̱itapiiwa niisto̱i kii omi̱i̱stsi nita̱wanisttsiihpistsi, oosto̱yi a̱nnahkaoʼka a̱wattanisttotsimaistsi.

John 12:49

Takaa niisto̱wa nima̱tawattsiʼpoyiihpa. Annaahka nito̱ʼtsskookahka ni̱nnahka nita̱a̱nikka na̱a̱hkstsinaaʼnistsiʼpoyissi.

John 6:68

Otsi̱tanikka ami̱i Simon Peter, “Nitsi̱naaimi. Ma̱tsitsstsiihpa noohki̱tssimmi na̱a̱hkomaiʼtoannaani. Kiisto̱wa kini̱ʼtsitapiiyi a̱i̱sksipaitapiiʼssini iihto̱ʼtsstsiiwa kita̱nissini.

John 17:23

Niisto̱wa no̱mohpipaitapiiyi amo̱ksi, kiisto̱wa ko̱mohpipaitapiiyi niisto̱wa. Ta̱waatsi̱moihkaahtamoayaawa ma̱a̱hkikkiaʼyaohkanaanistapssaawa a̱nni niʼtsita̱pii. Ki a̱nnihkayii ka̱taʼyaomaiʼtakiiksi a̱kohtsitssksinimiaawa kiisto a̱nnayi kito̱ʼtsskookssi. Ki a̱kitssksinimiaawa niʼto̱i kanista̱komimmahsi amoksi kanista̱komimmokihpi.

John 17:18

Kansitsi̱poohsapsskookihpi anno̱o ksa̱a̱hkommi, niiʼto̱i̱ nanistsi̱tsspisskoaayaawa ksa̱a̱hkommi.

John 3:33

Kii omi̱i̱ksi iima̱i̱ oyiiksi a̱kaawaanistoomiaawa otssksini̱ssaawa a̱isksa̱omaniiyinai omi̱i A̱ʼpistotookiiyi.

John 3:17

A̱ʼpistotookiwa na̱o̱ʼtsskoyiwa ohko̱yi anno̱o ksa̱a̱hkomma. Ma̱tohtoʼtsskoyiiwaatsiksi ma̱ahkohtsitokakihtsimatahsi o̱tapiʼsini otoka̱ʼpipaitapiʼssoaawaistsi. Iihto̱ʼtsskoyiiwayi ma̱a̱hkohtohkoyikissayi ma̱a̱hkohtsikamotsi̱i̱piaahsi o̱tapiʼsini.

John 17:3

Omi̱i̱ksi niita̱ʼpssksinookiksi, a̱nniksaoʼki a̱kaissksipaitapiiyaawa. Omi̱i̱ksi ki̱niitaʼpsskinookiiksi kiisto̱ahkaoʼka niʼtsita̱piiwahka nita̱ʼpanistapssiwahka A̱ʼpistotooki, omi̱i̱ksi ni̱niitapsskinookiksi niisto̱ahkaoʼk annaahk Jesus Christ, annaahka kitoʼtsskoaawahka, a̱nniksaoʼki a̱kaisskipaitapiiyaawa.