John 17:12 - Annaahk John Manistsitsinikatahpi Jesus Manistsipaitapiihpiai 1979

¹² Nitsi̱tsakiohpokaʼpaissiimahpiaawa no̱mohtsitotoitsikatayaawa kitsskona̱taʼpssini, ki̱tohkokkihpi. Ki̱tohkokki na̱a̱hkaistamatstohkatoohsi kitsskona̱taʼpssini. No̱mohtsitotoitsikatayaawa, ki itsa̱yitaisstsiihpa na̱a̱hkaatsaai; nika̱kaatsaawa oma̱a a̱yaakaatsaawa, oma̱a Judas. Naato̱i̱sinaakiaʼtsisi itsi̱kayissiinaapsskohkatoohpa a̱akaatsaawa, ki a̱nnihkayii iihta̱a̱tsaawa.

John 17:12 Referans Kwoze

John 18:9

Annihka ota̱a̱ʼtsimoihkaahsi Jesus itani̱stsiiwa o̱nni “A̱a̱mokska ki̱tohkokkihpikska, ma̱a̱tsitsinsstsiihpa na̱a̱hkaaʼtsai.” Amoohka otani̱ssi Jesus, a̱nnihkayi iihtani̱stsiiwa ami̱i̱ksi a̱wawahkaoʼtsiiksi, “Amo̱ksi poʼto̱o̱kaawa.”

John 13:18

A̱nnohka anna̱a̱hkayii itsstsi̱i̱hpa nima̱tohtaiʼpoyiihpa. Ni̱tssksinoayaawa ni̱tssiikoʼtoaiksi. Ki ina̱o̱ʼkaya̱kanistsiiwa manistsi̱kayissiinaapsskohkatoohpi naato̱i̱si̱naakiaʼtsiistsi issko̱o̱htsika. A̱kstsinaaʼnistaisiwa. Itssi̱naiʼpa ‘Annaahka ni̱tohpo̱ksoyiimookahka nitsipo̱ʼtapa̱akka.’

John 6:37

Ni̱nna nita̱kohkokka to̱kskammiksi mata̱piiksi kii akohkanaomatapomaiʼtakiiyaawa. Ki oma̱a mata̱piiwa ikkamo̱matapomaiʼtakisi nima̱taksstsimimma̱waatsiksi.

John 17:6

Omi̱i̱ksi kitsi̱tohkokkihpiksi anno̱o istsitapi̱i̱ksi ksa̱a̱hkommi nita̱i̱stamatsaayaawa kiisto̱wa kanista̱pitapiiyihpi. Kiisto̱wa kitsina̱a̱natayaawa, kii niisto̱wa kitohkokkiaawa, ki sota̱manistsiʼtsimiaawa kitsi̱i̱ʼpoahsini.