John 10:10 - Annaahk John Manistsitsinikatahpi Jesus Manistsipaitapiihpiai 1979

¹⁰ Oma̱a saa̱o̱mmiitsitapiiwa, ka̱kohtoʼtoowa ma̱a̱hksikamoʼssi, ma̱a̱hkohkoiʼnikkssi, ki ma̱a̱hko̱noksistotoahsii omi̱i̱kska i̱i̱mahkihkinaaikska. Niisto̱wa no̱mohtoʼtoowa ma̱a̱hkohtaipaitapiiʼssaawa nito̱mahkihkinaamiksi, ma̱a̱hkohtstonnatsiʼtaamipaitapiiʼssaawa.

John 10:10 Referans Kwoze

John 6:51

Niisto̱ahkaoʼka amoohka napayi̱nihka manipa̱i̱tapiʼssini o̱mohtoʼtsstsiihpihka. Iihtohka̱naoyiiksi a̱ksawonoaissiksipaitapiiyaawa. Ki a̱a̱mohk no̱mohtaiʼpoyihpihka napayi̱i̱nihka tanista̱pawaani noosto̱mi. Nita̱kohtsiistapihkahtoohpa nosto̱mi anno̱ksi mata̱piiksi anno̱o ksa̱a̱hkomma ma̱a̱hkohtsipaitapiiʼssaawa.”

John 12:47

O̱ki. Oma̱a ayo̱o̱htsima nita̱a̱niihpistsi, ikka̱msawanistai̱ʼtsisaistsi, niisto̱wa nima̱tohtaokakihtsimatawa opahtsa̱ʼpssini. Nima̱tsitohtsitoʼtoohpa anno̱o ksa̱a̱hkommi na̱a̱hkitokakihtsimatahsi mata̱piiksi. No̱mohtsitoʼtoo na̱a̱hksikamotsi̱i̱piahsaawa.

John 6:33

Anniihka napayi̱nihka, A̱ʼpistotookiwa otoma̱tskahtakssinihka a̱nnihkayii anniihka iihtsi̱nniihkahtoophihka isspo̱o̱htsi. O̱tapiʼssini iihtohko̱tawayi ma̱a̱hkitaissksipaitapiiʼssi.”

John 3:17

A̱ʼpistotookiwa na̱o̱ʼtsskoyiwa ohko̱yi anno̱o ksa̱a̱hkomma. Ma̱tohtoʼtsskoyiiwaatsiksi ma̱ahkohtsitokakihtsimatahsi o̱tapiʼsini otoka̱ʼpipaitapiʼssoaawaistsi. Iihto̱ʼtsskoyiiwayi ma̱a̱hkohtohkoyikissayi ma̱a̱hkohtsikamotsi̱i̱piaahsi o̱tapiʼsini.

John 10:1

“O̱ki, kita̱kanistohpoaawa niitsi̱i̱yi. Omi̱i̱stsiska ita̱yoʼkiaahpi i̱i̱mahkihkinaiksi, ikkami̱tsstsiihki mata̱pii a̱a̱hksaohtsisapoʼksipiimi ami̱i kitsim̱i ki a̱a̱hkoohki̱i̱tsikiʼtawaatoomayi a̱nnayii saa̱o̱mmitsitapiiyi. A̱ksisimiikamoʼsiwa.

John 12:6

Judas ma̱tsiksikimmatahsinatsiiwa ki̱mmataʼpssiiksi. A̱a̱mohka iihtani̱i̱wa osto̱yi otsikamo̱ʼsiipitssi. A̱nnaoʼka a̱o̱toitsikato̱o̱ma otsi̱taisapinaanihpoaawa ataksa̱a̱ksi, ki a̱i̱kakohta̱wawattsspommoohsiwa otsi̱tsapihtakssoaawa̱i̱ksi.

John 5:40

Ki kimi̱ssksawaisstaahpoaawa ka̱a̱hkomaiʼtookssoaawayi ka̱a̱hkohtohkotohsoayi amoohka manipa̱i̱tapiiʼssinihka, amoohkkita̱yiikaʼkimatoohpoayihka.

John 10:11

O̱ki. Ki niisto̱ahkaoʼka annaahka A̱a̱hsaʼpssi A̱o̱toitsikatsimaawahka i̱i̱mahkihkinaai. Ta̱kohtamatskaohsi na̱a̱hksiʼnikkoohsi na̱a̱hkohtsikamotsi̱i̱piahsi nito̱mahkihkinaamiksi.