John 1:14 - Annaahk John Manistsitsinikatahpi Jesus Manistsipaitapiihpiai 1979

¹⁴ O̱ki. Anna̱a̱hka iihto̱ʼtsstsiiwa a̱a̱mo iihkana̱ʼpaisi, a̱nnaahkaoʼka annaahka Jesus Christ, itsita̱piiwaʼsiwa. Kii niisto̱nnaani itsina̱ʼpaissiiwa. A̱i̱ssksawanisttotsima manistsi̱kisttoakkihpi ma̱a̱hkiitaʼpipoohsapikimmapiipitssi. Niisto̱nnaan nitsino̱annaana mani̱stsspsspi. Iihtsi̱stapsspssiwa o̱nni otsspssa̱yi manistsi̱ʼtohkoyimmi̱yihpi o̱nni A̱ʼpistotookiiyi.

John 1:14 Referans Kwoze

John 1:1

O̱ki. Issko̱o̱htsika itsa̱omaʼpaistotoahpi ksa̱a̱hkomma i̱i̱kayissitsstsiiwa anna̱ahkayi i iihto̱ʼtsstsiiwa a̱a̱mo iihkana̱ʼpaisiiyi. A̱nnahkaoʼka annaahka Jesus Christ. Itohpo̱kaʼpaitapiimiwa anniska A̱ʼpistotookiiyiska. Ki noohka̱ttamiwa A̱ʼpistotooki.

John 6:51

Niisto̱ahkaoʼka amoohka napayi̱nihka manipa̱i̱tapiʼssini o̱mohtoʼtsstsiihpihka. Iihtohka̱naoyiiksi a̱ksawonoaissiksipaitapiiyaawa. Ki a̱a̱mohk no̱mohtaiʼpoyihpihka napayi̱i̱nihka tanista̱pawaani noosto̱mi. Nita̱kohtsiistapihkahtoohpa nosto̱mi anno̱ksi mata̱piiksi anno̱o ksa̱a̱hkomma ma̱a̱hkohtsipaitapiiʼssaawa.”

John 11:40

Jesus itani̱stsiiwayi, “Kika̱wanisto, ikkamo̱maiʼtakiiniki kita̱kitaistama̱atsookoo A̱ʼpistotookiwa mani̱stsspsspi.”

John 3:16

A̱ʼpistotookiwa otsska̱a̱ʼkomimmahsi anno̱ksi mata̱piiksi anno̱o ksa̱a̱hkomma iihtoma̱tsskaiwa oni̱ʼtohkoyi. Kii a̱nnihkayii kana̱i̱tapiiwa na̱o̱maiʼtoyiiwa ohko̱yi ma̱takaatsaawa. A̱kohkotawa amoohka a̱i̱sksipaitapiʼsinihka.

John 2:11

O̱ki. A̱a̱mohkayii otsi̱stsitsawaistamatstohkssina opisata̱ʼpssina oma̱a Jesus. A̱nnima itani̱sttotsimayi omiim aka̱i̱tapissko i Cana. Istaka̱i̱tapisskowa omii Galilee. Kii a̱nnimayii ita̱i̱stamatstohkatooma mani̱stsspsspi ki oma̱nikapiimiksi otsi̱tomatapomaiʼtookaiksi.

John 14:6

Itani̱i̱wa Jesusa “Niisto̱wa a̱nnahkaoʼka annaahka kita̱kohtohkoitoʼtoohpoaawahka. Niisto̱wa a̱nnahkaoʼka moka̱moʼtaʼpssi. Niisto̱wa a̱nnahkaoʼka o̱mohtsiistapitsstsiihpi manipa̱i̱tapiʼssini. Oma̱a mata̱piiwa ikka̱msaohtohkoyikisi niisto̱i ma̱takohkoitoʼto̱owaatsi ninni.

John 14:9

Jesus itani̱i̱wa, “Philip, kitsiksi̱samohpokaʼpaissiimohpoaawa, ki kitsi̱i̱miisawaitaʼpssksinookihpoaawa. Ikkami̱kainokiinoainiki kino̱o̱hkattsikainoawaawa ni̱nna. Kima̱ʼkanissi, ‘noohka̱i̱stamatsookinnaan ki̱nnoona’?

John 17:22

Kiisto̱wa ki̱tohkokki na̱a̱hkitsspssi. Nitsi̱ʼtoomanistohkotayaawa ma̱a̱hksspssaawa. Ki a̱nnihkayii a̱kohkottohkanawanistapssaawa a̱nni niʼtsita̱piiyi. A̱nni niʼto̱i kiisto̱wa ki niisto̱wa niitsi̱ʼtokskaaoʼpi.

John 3:18

Ami̱i̱ksi a̱o̱maiʼtoyiiksi Jesus oma̱takohtokakihtsimakkoaawa A̱ʼpistotookiiyi opahtsa̱ʼpssoaawaistsi. Kii ami̱iksi ka̱taʼyaomaiʼtoyiiksi i̱i̱kaokakihtsimatayaawa, takaa ma̱tsitaomaiʼtakiiwaiksi A̱ʼpistotookiiyi oni̱ʼtohkoyi.

John 8:32

Ki kita̱kitooka̱moʼtssksiniihpoaawa ama̱nissini manistsi̱i̱hpi. Ki omi̱i̱hka kitsi̱i̱kamoʼtssksiniihpoaawayihka kita̱kohtsiksisstoipoʼtootspoaawa.”

John 17:24

Ni̱nnai, nitsiko̱o̱hkstatayi amo̱ksi ki̱tohkokkihpiksi na̱a̱hkitohpokaʼpaissiimi̱yissaawa omiim nita̱yaakitapoohpi, ma̱a̱hkitsinissaawa omiihka nani̱stsspssi. Kiisto̱wa ki̱tohkokki a̱nni na̱a̱hkanistsspsspi. A̱a̱mohka ko̱mohtohkokki takaa kitsi̱takomimmokssi anniihka itsa̱omaʼpaistotsiihpi anno̱o ksa̱a̱hkomm.

John 18:37

Oma̱a Pilate, sota̱maniiwa, “Iika̱nistsinattsiwa a̱nni kita̱waaniihpi kitsi̱sttsiipihkini̱naiʼssi.” Jesus itsipo̱ʼtanistsiiwayi, “Kiistowa, a̱nnaoʼka annaahka a̱a̱niiwahka. Ki niisto̱wa no̱mohtsipokaayi, ki anno̱o ksa̱a̱hkomm no̱mohtsitoʼtoo na̱a̱hkitsitsinikatoohsi oma̱naʼssini. Kana̱i̱tapiiyi iihta̱i̱sapooiksi oma̱naʼssini nita̱ksisstsiwokiaawa.”