John 1:1 - Annaahk John Manistsitsinikatahpi Jesus Manistsipaitapiihpiai 1979

¹ O̱ki. Issko̱o̱htsika itsa̱omaʼpaistotoahpi ksa̱a̱hkomma i̱i̱kayissitsstsiiwa anna̱ahkayi i iihto̱ʼtsstsiiwa a̱a̱mo iihkana̱ʼpaisiiyi. A̱nnahkaoʼka annaahka Jesus Christ. Itohpo̱kaʼpaitapiimiwa anniska A̱ʼpistotookiiyiska. Ki noohka̱ttamiwa A̱ʼpistotooki.

John 1:1 Referans Kwoze

John 17:5

A̱yo ni̱nna. Anniihka kani̱stohpoksspssiimohpi itsa̱o̱maʼpaistotsiihpi ksa̱a̱hkommi noohkani̱stsspipoʼtookit a̱nnohka ka̱a̱hkanistohpoksspssiimohsi.

John 1:14

O̱ki. Anna̱a̱hka iihto̱ʼtsstsiiwa a̱a̱mo iihkana̱ʼpaisi, a̱nnaahkaoʼka annaahka Jesus Christ, itsita̱piiwaʼsiwa. Kii niisto̱nnaani itsina̱ʼpaissiiwa. A̱i̱ssksawanisttotsima manistsi̱kisttoakkihpi ma̱a̱hkiitaʼpipoohsapikimmapiipitssi. Niisto̱nnaan nitsino̱annaana mani̱stsspsspi. Iihtsi̱stapsspssiwa o̱nni otsspssa̱yi manistsi̱ʼtohkoyimmi̱yihpi o̱nni A̱ʼpistotookiiyi.

John 1:2

A̱waanioʼpa i̱i̱kayissitsstsiiwa itsa̱omaʼpaistotoahpi ksa̱a̱hkomma. Iitohpo̱kaʼpaitapiimiwa anniska A̱ʼpistotookiiyiska.

John 16:28

No̱mohtsiistapoʼtoo ni̱nna, ki anno̱o ksa̱a̱hkommi nitsi̱toʼtoo. Ki nita̱ksiistapa̱atoohpa. Nita̱ksskitapoo ni̱nna.”

John 20:28

Sota̱maniiwa Thomas, “Kiisto̱wa kitsi̱naaimato. Kiisto̱wa a̱nnahkaoʼka nanista̱i̱nihkatawahka A̱ʼpistotooki.”

John 1:18

Ma̱tonaitaisstsiihpa a̱a̱hksinoyii Kinnooni A̱ʼpistookiiyi. Ki oni̱ʼtohkoyi ki a̱nnahkaoʼka A̱ʼpistookiiyi. Ki̱nnoona ota̱i̱ssksohpokaʼpaissiimoka ohko̱yi. Ki na̱o̱ʼtooyinai. Na̱waistamatstohkatohsiinayi a̱a̱hkitohkoissksinissi o̱nni mani̱stsspiai.

John 8:58

Jesus itani̱stsiiwaiksi, “O̱ki. Kita̱kanistohpoaawa niitsi̱i̱yi. Niisto̱wa a̱nnahkaoʼka annaahka a̱i̱sksitaisstsiiwahka; otsi̱tsaomiitaisstsiihpi Abraham nitaissksitaisstsii.”