Zooɛ 1:9 - Yálá laawoo hɛɓɛ

⁹ Yálá kɔ́ lɛɠɛ, da gɔ́ lɔɔɠaa daa kpɛɛ, Yai-Laa hee pɛlɛ́ mu, ɉaláá laa həli nuą, diɛi tii a Yai-Laa nwɔ tínuą daa mąąwɛli heeɓo.

Yálá laawoo hɛɓɛ (dc)

⁹ Yálá kɔ́ lɛɠɛ, da gɔ́ lɔɔɠaa daa kpɛɛ, Yai-Laa hee pɛlɛ́ mu, ɉaláá laa həli nuą, diɛi tii a Yai-Laa nwɔ tínuą daa mąąwɛli heeɓo.

Bible

⁹ Zâla láa-soŋ-ƃelai da wɔ̂lɔi, kpɛ́ni fêi, m̀ii-sɛŋ da gbele-sɛŋ sala-sãai da kpɛɛ Yâwɛɛ ŋɔpɛ́rɛi mu.

Zooɛ 1:9 Referans Kwoze

Zooɛ 2:17

Gwɛəli heai da ɉaláá kulɔi di lɔwai, ɉaláá laa həli nuą di tɔɔlaa di wɔlɔ, diɛi a Yai-Laa nwɔ tínuą. Diɛ kɛ diɛ: «Yai-Laa! Yɛ nu huwui mąąwɛli kaa, hvó ə́ kwɛlin mɛlɛ too, hvó gɛ a lɔi takpɛliɠaa di wɔ yɛlɛ kulɔ ɉu hɛn, diɛ kɛ kpɛli ma: Di wɔ Yálái kaa mi?»

Zooɛ 2:14

Gu hvo gbaɠala kɔ́lɔn akɛ gaa pai pənəi ə gu mąąwɛli kaa. Akɛ Yai-Laa gu wɔ Yálái kaa pai lúwɔ́ lɛɛi naa pulu, ə gɛ, guɔ gɔ́ a lɔɔ da gu yəi hinhɛ̨nŋąa.

Zooɛ 1:13

haláá laa həli nuą, ka ka hąą yili, ka ka woolaa. Kaai ka kɛ tíɓo kɛi ɉaláá kulɔi, ka ɲiŋɛ̨, ka pa ka mąąwɛli həɠə too ka kwaną, ka yii ɉu. Kaai ɓaa nwɔ́ Yálá nwɔ tínuą, Yálá kɔ́ lɛɠɛ da gɔ́ lɔɔ hvo kɛa hɔlɔɓoi, ka wɔ Yálái yəi bɛlɛ́n.

Osia 9:4

Di hvo pai Yai-Laa kɔ́i a lɔɔ, di wɔ halááɠaa di hvo pai nii hon ɉi: gaa kpɔlɔ pai kɛi di yəi yɛ haa mɛ̨i kɔ̨nɔ̨n, nui lɔpee a da mį́i, mąą a luwu. Gɔ̨nɔ̨n tii a di laa hɔnmo yɛnɛ̨ɛ̨, Kɛlaa hva lɔ Yai-Laa yəi bɛlɛ́n.

Azaya 61:6

Ka wɛi, di kaa pai ka laa heei a, «Yai-Laa nwɔ haláá laa həli nuą,» diɛ kɛ kaa. «Ku wɔ Yálái nwɔ kóló kɛ nuą?.» Ka káá pai hįį takpɛliɠaa di wɔ hɛngɔwɠaa mįi, ɛlɛɛ, kaa ka kpɔwɔ mąą tɛnɛ̨, a di mąąwiɛ ka káá pai gulɔi di yəi.

Zooɛ 1:16

Kɛlɛi gu ɲɛ̨i ɓa ɓə kɔ̨nɔ̨n ə kpɛɛ laa-ee! Ɛlɛɛ, guɔ Yálái hee pɛlɛ́ mu, ɲąą nɛ̨ɛ̨ da kwəinɛ̨ɛ̨ di mąą ə kwɛa nąą ɓa-ee.

Woolaa 1:16

Yili mąą mɛ̨ni ɓə gáá wɔlɔi la. Ɲɛ̨́ikɔw aa ɲąmą tee. Mąąhɔlɔɓo, níílaa mun mąą aa kwɛa mą́ą́. Yaai kɛ a pɛli níílaai, ə níí too ɉu. Ɲówó hvaŋą kɛnɛ̨ pələ ɓa, nónnii nwun na aa pili.

Woolaa 1:4

Siɔn daa pələɠaa kəlee daa kpɔlɔɔn. Nu ta hvo kɛa lii laa hɛli ɓa. Gwəli hɛ̨ąiɠaa kəlee daa kpɔlɔɔn. Ɉaláá laa həli nuą diɛ di woolaa. Siɔn halakpɛlaɠaa kwəi aa pili diɛ. Siɔn aa lɔ liikələn gwəi hu.

Kɔlɔnikɔ Veerɛi 13:10

Ku wɛi, Yai-Laa ɓə a ku wɔɔ Yálá, ɛlɛɛ, ku hvo həɠə li bulu. Ɉaláá laa həlinuąi da kɛ tíi Yai-Laa ɓa diɛ ɓaa a Aarɔn lonnii da lévi lonnii, di kaa di kɛ koló ɓa.

Lɛɛ gbɔwɔ ɓa 28:1

«Ə́ liɛ Aarɔn lɛɠɛ yɛ́, da nonnii, Israɛlə lonnii lɔwai di kɛ a nwɔ́ haláá laa həli nuą, diɛ ɓaa: Aarɔn, Nadavə da Avihu, Eleazarə, da Itamarə.