Woolaa 1:8 - Yálá laawoo hɛɓɛ

⁸ Ɉerusalɛmə aa nɛ̨ŋɛ̨n ɉəɠə a gɛnɛ̨, ya ka nąą aa lɛɛ a túlún ɉu. Nuą kɛi mąąwiɛ, mɛlɛ aa kpɛɛ di kwəi, mąąhɔlɔɓo, daa gbuwulu kaa. Nwɛi, gaa mɔ̨nɔ̨ mįi. Aa bulu tinɛ̨n.

Yálá laawoo hɛɓɛ (dc)

⁸ Ɉerusalɛmə aa nɛ̨ŋɛ̨n ɉəɠə a gɛnɛ̨, ya ka nąą aa lɛɛ a túlún ɉu. Nuą kɛi mąąwiɛ, mɛlɛ aa kpɛɛ di kwəi, mąąhɔlɔɓo, daa gbuwulu kaa. Nwɛi, gaa mɔ̨nɔ̨ mįi. Aa bulu tinɛ̨n.

Bible

⁸ Zerusâlɛŋ a sɔnyɔ̂ŋ kɛ́ a zu kɛ́tɛ. M̀aa fé ŋɔ́nɔ waa ní. Diai kɛ̀ ƃaa kɛ́-maa tɛɛ̂i bɔ́i, dífe ŋɔ́nɔ gɛ̂i tí, kpɛ́ni fêi, da gaŋ káa. A nyîɣɛi gɛ́ ŋ̀ɛi lòo ŋumɛ pere su.

Woolaa 1:8 Referans Kwoze

Woolaa 1:11

Ɉerusalɛmə hee ɓo nuą di kaa di woolaai a pulu, diɛ kɔ̨nɔ̨n gwɛli, di kaa kɔ̨nɔ̨n ɲai a di yəi hɛn mąąwɛliɛɠaa. Əgɛ, di nɔ̨ɔ̨ ə lɛɛ di hu. «Yai-Laa ə́ ɲɛ̨i hee mą́ą́ tai! Yáá kpįnįi, bələi nwɛ́li aa kpɛɛ la nuą diɛ, ə́ bələ kaa!»

Ɉeremi 13:26

Ɲą́ą́ gbínii, gáá yɛ́ həɠəi tɛi a ə́ nwun, ə́ ɓɛlɛ ə́ too nu kəlee ɲɛ̨i ɓa.

Ɉeremi 13:22

Akɛti, ya ə́ kpɔɔ mąąni kɛ, yɛ kɛ diɛ: «Mɛ̨niɠaa ŋɛ̨i kaa laai mą́ą́ lə mɛ̨nį ɓa?» Ə́ wɔ lii ɲɔ̨n gwəi laa ɓə gɛi, diɛ həɠə tee la yɛ́, di yee tɔɔ ə́ kwąną.

M̀ɛni-lɛɛi 3:18

gáá ə́ liɛwoo kɛi, gɛ́ ə́ pa, ə́ hɛni huwaa nwɔ̨n ɉu yá, ɲɛ̨́i, əgɛ, ə́ yee la ə hvoloon, ɛlɛɛ, ə́ həɠə kwɛlɛɛɠaa yá, ə́ ə́ tənə mąą kpulu la, əgɛ, ə́ kpuwulu kaa nwumɛ̨ hvo hee yɛ́, ɛlɛɛ, ə́ ɲɛ̨inwąną hali yá, ə́ ɉiɛ ə́ ɲɛ̨i, ə́ ɲɛ̨i ə kɛɛ mąą kpɛɛ.

Osia 2:10

Hvo kɛ gbaɠala kɔ́lɔn yɛ kɛ mɔ̨nun, wulɔ, lɔɔ nɛ̨ɛ̨, ɲą́ą́ ɓə kɛi di tɛɛ bɔ, ŋį́ kɛi wali tiɛ̨ mą, ɛlɛɛ, ɉɛni nwɛi, di kɛi Baalə mąą mɛ̨nį kɛ la.

Osia 2:3

'Ka kɛ ka nąn nonnii diɛ: «Ami, nwɔ́ nu huwu», kaa ka mąąhalani diɛ: «Ruhama, nwɛli kɛmąą mun.»

Izikiɛ 23:46

Yaan, mɛ̨nįi Mɛ̨nį kəlee ŋą Hééɓomun Yálá kaa moi ya ka: 'Ka ɲąąkpɔn doo di mąą mɛ̨nį ɓa, di ɲɔw pili di hu, di di wɔ hɛnŋąąi kulɔ di yəi.

Izikiɛ 23:29

Di kaa pai ə́ hon ɉii a yowolaa, diɛ ə́ tɔ̨nɔ̨ kəlee kulɔ ə́ yəi; diɛ ə́ lɛɛ a ə́ kpuwulu, həɠə hva kɛ yɛ́, ə́ wɔ tuwɔ pələ ɲɔ̨nŋąi diɛ kulɔ pɔ̨nɔ̨ ɲą, yili yɛ kɛ a ə́ nwumɛ̨ mɛ̨nį.

Woolaa 4:21

Ee kə, Edɔmə lɔi hu hee ɓo nuą! A kɛ lɔ tii, 'ká pili kpɔ yələi a kwəinɛ̨ɛ̨! Káái heeni Usə lɔi ɓa! Káá kpɛli mąn, gbələ kɔ́wɔ ŋɛ̨i kaa pai tɛɛi ka laa ɓa, gaa pai ká hon ɉii yɛ lɔɔ, kaa ká kpuwulu mąą lɛ.

Woolaa 2:10

Siɔn halakpɛla nwɔ kalanɉonŋaa di kaa heeni pɔ́lɔ hu, di mɛ̨i haa tin. Daa muluun gbala pu di nwuɔ̨, daa ɓíi haɠa too di kwąną. Ɉerusalɛmə nɛ̨ɛ̨lɛa daa di nwun vilɛn a nwumɛ̨.

Ɉeremi 34:17

Yili mąą mɛ̨nį ɓa, Yai-Laa woo ka, yɛ diɛ: «Ka hvo lɛɛ li nwóó mu, ka hvo ka kaayɔwɔɠaa da ka nąn nonnii lɛɛ li di kpɔɔ ɓa: ‹Ɲą́ą́ gbɛli, gáá ka lɛɛ mɛ̨nį ka kpɔɔ yee kɔ́nma loloɓoi, gɛ́ ka lɛɛ ɓɔwa kwɛa yəi, da ɲɔ̨n, da pulu; Yai-Laa woo li. Gáá ka kɛi a hɛn yɛnɛ̨ɛ̨ tɔɔɓɛlaa kəlee da ɲɔw mą.›

Ɉeremi 24:9

Gáá di kɛi a hɛn da, nuą diɛ ɲɔw mą, diɛ mɛ̨nį kɔ́ɔn diɛ, yɛnɛ̨ɛ̨ lɔiɠaa kəlee hu. Gáá di taɠa taɠai lɔi mɛ̨i nąą kəlee, diɛ pa kɛi a yɛlɛ kulɔ ɉu hɛn. Nuą diɛ lalan ɉuwui lɔpee gəlee, da nɛ̨ŋɛ̨n naa huwui lɔpee pili diɛ.

Ɉeremi 15:4

Gáá pai di hon ɉii, yɛnɛ̨ɛ̨ lɔiɠaa kəlee da nąą kaa, diɛ ɲɔw, mɛ̨nįɠaa kpɔ Ezekiasə lon Manase Ɉuda tɔɔmun ə gɛ Ɉerusalɛmə daai, mąą mɛ̨nį ɓa.»

Ɉeremi 6:28

Nu huwui ŋɛ̨i kəlee kaa a kulɔ nwoo mu nuą, di kili walawalaa; diɛ ɓo a laa kala nuą, di walawalaa yɛ kwɛli kpəlee a wala kɛ tii kwɛli kpɔlu. Di kəlee di kaa a lɔi kala nuą, túwɔ́ pələ ɲɔ̨n gulɔ nuą.

Ɉeremi 4:31

Gaa yɛ ŋį́ kɛi kwəi kwąną kɛ Nɛ̨ɛ̨nu woolaa woo mɛ̨n; wɔlɔ woo yɛ tɔɔ yɛ, Nɛ̨ɛ̨nu aa kɛi gbəla lon gaa. Siɔn taa ɲiŋɛ woo ka tii, yɛ ɲee hanŋa, yɛ kɛ diɛ: «Ə́kə́ kpalo aa gáá-ee! Ɉáá hiɛ ka nu paa nuą ŋɛ̨i yee mu!»

Azaya 47:3

Nuą di ə́ kpuwulu kaai! Ə́ tənəi ŋɛ̨i ə́ kpáánŋąąi, yɛ́ noo, nuą di gaa, gáá pai nwą́ną́ kulɔi, nu ta hvo laa, yɛ kpɛ̨ąn ɉii dɔ́wɔ́.

Tɔɔɓɛlaa dɔlɔɔ 9:9

Da nwoo pulu pənə diɛ kɛ mą: ‹Mąąhɔlɔɓo, di Yai-Laa lɛɛ laa, yai a di wɔ Yálá, yai wɔlɔ di nąnni kulɔ Eziptə lɔi hu, diɛ hvilɛn haliɠaa pulu, diɛ kwɛli hvilɛn diɛ, diɛ di mąą mɛ̨nį kɛ. Yili mąą mɛ̨nį ɓə gɛ, Yai-Laa di wɔ Yálái yɛ mɔ̨nɔ̨ ŋɛ̨i laa di mɛ̨i.›»

Samuɛlə dɔlɔɔ 2:30

Yili mąą mɛ̨nį ɓa, Yai-Laa Israɛlə nwɔ Yálá woo ka: Ŋą́ ta mo tii, gɛ́ kɛ diɛ, ə́ wɔ pɛlɛ́i da ə́ nąn nwɔ pɛlɛ́i di kaa pai hiɛi ɲɛ̨i ɓa a yələ kəlee, kɛlaa, yiihu, Yai-Laa woo yili aa həɠə mą. Mąąhɔlɔɓo, nuąi da mą́ą́wiɛ, ŋą́ di mąąwiɛ, nuąi da tɛɠɛɓo ɉú, di ɓɛlɛ aa kpɛɛ diɛ.

Tɔɔɓɛlaa dɔlɔɔ 9:7

ka gɛ tii, nɔi ŋɛ̨i ŋą́ dɛɛ Israɛlə pɔ, ŋą́ ɉəɠə ɲəi. Bələi mąn ŋą́ náá hee la mą a nwɔ́ɔ́, ŋą́ bili kwɛaa la, ə həɠə ɲɛ̨́i mu. Ɛlɛɛ, nu huwu kəlee da di laa pu Israɛlə hu, diɛ yɛlɛ diɛ.

Zɛnɛse 3:7

Di kəlee hveelɛi di di kpɔɔ kaa kɛa a di kpuwulu, di nɛɛ mą, di ɓɔ́laa wulu laa kulɔ mą, di gɛ a lɛnɛ̨, di ɲili diɛ.

Woolaa 1:17

Siɔn taa aa ɲee haŋą. Nu hvo ɲəi hvo niilaa, Yai-Laa aa Ɉakɔbə kwɛlɛ nuą kəlee kɛ a ɲowoɠaa. Ɉerusalɛmə aa kɛ di lɔwai yɛ kala pilii.

Tɔɔɓɛlaa dɔlɔɔ 9:6

Kɛlaa, akɛ ka ka lonnii ka ka pulu tinɛ̨n mą́ą́, ka wala nwɔ́ tíɓoɠaa da nwɔ́ tɔ́n nwooɠaai ŋą́ naa ka nwuɔ̨ di hon, ɛlɛɛ, kaa haliɠaa mąąwiɛ, kaa kwɛli hvilɛn diɛ,

Ɉeremi 32:23

Di pa di hee ɓɛ, kɛlaa di hvo di wəli tɔɔ ə́ woo ɓa, di hvo lɛɛ ə́ wɔ tɔ́n nwooi pulu, mɛ̨nįɠaai kpɔ ə mo diɛ, di hvo da kɛ. Yili ɓə gɛ, yɛ́ mɛ̨nį ɲąąnwąnąą huwu lɔpee gəlee laa diɛ.

Izikiɛ 39:23

Lɔi kəlee kaa pai gbaɠala kaai diɛ kɛ Israɛlə nwɔ pɛlɛ́i ə li luwɔlaa hu; di wɔ nɛ̨ŋɛ̨nŋąą mąą mɛ̨nį ɓa; mąąhɔlɔɓo, di di pulu kulɔ mą́ą́; yili ɓə gɛ gɛ́ ɲɛ̨́i loo diɛ, gɛ́ di tɛɛ di yowoɠaa pɔ, kɔ́ kɔ́ ɓɔwa yɛ di paa.