Mąątɛ̨nɛ̨ 146:3 - Yálá laawoo hɛɓɛ

³ 'Ka hvo ka kilitɔɔ tɔɔɓɛlaa diɛ, da nukanŋaa, di ta hva pɛli nu kulɔi mɛ̨nįi.

Yálá laawoo hɛɓɛ (dc)

³ 'Ka hvo ka kilitɔɔ tɔɔɓɛlaa diɛ, da nukanŋaa, di ta hva pɛli nu kulɔi mɛ̨nįi.

Bible

³ Ífe íkili tɔ̀ɔ ǹúu láa túɛ-ƃelai dîa, núu-kpune da fa pɔ̂ri íƃâloi.

Mąątɛ̨nɛ̨ 146:3 Referans Kwoze

Azaya 2:22

Ka hvo ka kilitɔɔ nu ɓa, yai nwɔ yɛnɛ̨ɛ̨ ka lɔ nɔ̨w yəi, mɛlɛ kɛɛ nąą ɓaa mį?

Mąątɛ̨nɛ̨ 108:12

Ə kulɔ ə pulu Yálá, yɛ́i yáá ku pili, Yálá, yɛ́ hvó kɛa, ku wɔ kulááɠaai mąąkpɛi?

Azaya 37:6

Yili yɛ diɛ: «'Ka li kaa ka wɔ mɛ̨nį nąmu ɓa, Yai-Laa yɛ: hvo ɲɔw nwooɠaai tii ə́ mąn mąą mɛ̨nį ɓa, yai Asiri tɔɔmun ə nwɔ kɛlaɠaai tɔɔ la, diɛ pa mɛ́lɛ kpɛɛi la mą́ą́.»

Azaya 31:3

Eziptə mun gaa lɔ a nu, yálá hvə li, nwɔ hooɠaai di kaa lɔ a huwɔ, malakaɠaa hvə li. Ɓɛlɔwai Yai-Laa kaa pai ɲee haŋąi la, mąąkɔ̨nwɔ̨ kɛ mun gaa pai kalin ɉii, nui di mąąkɔ̨nwɔ̨i yɛ too; di kəlee di nwun na a pili a gee.

Mąątɛ̨nɛ̨ 62:9

'Ka ka kilitɔɔ mą, a yələ kəlee, kaai a nɔi lonnii! 'Ka ka kwəi mɛ̨nį kəlee hukulɔ mą. Yálá kaa gu yəi, a gu mąąkilɛi!

Mąątɛ̨nɛ̨ 60:11

Gbɛɛ ɓə pai lii a ɲą́ą́, daai mąątinɛ̨nŋąą a hį́i bɔ pələ? Gbɛɛ ɓə pai lii a ɲą́ą́, yɛ hə́li a ɲą́ą́ kpɔ Edɔmə?

Tɔɔɓɛlaa veelɛ 6:27

Tɔɔmun yɛ mą: «Akɛ Yai-Laa a wala pa hvo kpɔnmąą tɛɛ ə́ pɔ, lə kpɔ ɓə ŋą́ pɛli ŋą́ gɛ yɛ́? Hɛn da lɔpee hvo kɛa laa; mɔ̨nun və gələ hu, viɲə ɓá hvo kɛa ɲá kulɔi.»

Kɔlɔnikɔ Veerɛi 16:7

Nąąlɔwai, gwɛlɛɛn gɛɛkaamun ŋɛ̨i kɛ a Hanani, ə pa yɛ Ɉuda tɔɔmun Asa ɓa: «Yii kpɔ ə́ ə́ kilitɔɔ Aramə tɔɔmun ma, hvó kɛ ə́ kilitɔɔ li Yai-Laa ə́ wɔɔ Yálái ɓai, Aramə kɔlaɠai kulaa li ə́ yee mun.

Azaya 22:25

Mąą yələi tii, Yai-Laa Mɛ̨nį Kəlee ŋą Hééɓomun, yɛ diɛ: Nwulukpiɛi tii ŋį́ gbɔn kɛɛnąą wala wala ɓa, gaa pai ɓəleen ɉii, ɉu ə yali, ə too, ɉɛnŋąąi kpɔ tii kɛ di hɛlɛnŋąą mą, gəlee hu a kala, mąąhɔlɔɓo, Yai-Laa ɓə mo.