Mąątɛ̨nɛ̨ 1:3 - Yálá laawoo hɛɓɛ

³ Gaa yɛ wului daa ɉin ya kwɛlɛ, yɛ ɓá a mái lɔwai, naa hva kpala ɲą a yələ lɔpee ta, gɛ mɛ̨nį kəlee hu a nɛ̨ɛ̨ mą.

Yálá laawoo hɛɓɛ (dc)

³ Gaa yɛ wului daa ɉin ya kwɛlɛ, yɛ ɓá a mái lɔwai, naa hva kpala ɲą a yələ lɔpee ta, gɛ mɛ̨nį kəlee hu a nɛ̨ɛ̨ mą.

Bible

³ Díkaa yɛ̂ɛ sí-sãa nyii-ŋai dísiɣɛ̂i yá kɔlɛi. Da kpɛ̂tɛ díkɛ ƃà tãi ma. Dílaa fa wɔ́lɔ kpàla dîa. Díkɛ mɛni kélee ŋ̀aa-see a kɛɛ̂ a ǹɛ́lɛɛ díyêei.

Mąątɛ̨nɛ̨ 1:3 Referans Kwoze

Ɉeremi 17:8

Gaa yɛ wului dɔɔ ya kwɛlɛ, ɉamu yɛ li ɲá lii ɓa, hvóló hva ɓɔ ɉu, naa tɛlin ŋąą lɔ a yələ kəlee. Hvóló ə mą hɔɔ kwɛlan dɔ̨nɔ̨ yee mu, hva mɛ̨nį ta kɛ mą, dɛlin gaa lɔ ɉu a yələ kəlee. Má hva kpɛɛ ɉu.

Izikiɛ 47:12

Ɲá hvɛɛi tii kwɛlɛ, gbonwon ɲa hveelɛi ɓa, ɓá wulu huwu kəlee kaa pai kɛi ɓɔn ɉii laa, di laa hvo pai kpalai di ɲa, di ɓa hvo pai kpɛɛi di hu; di kaa pai ɓa nįnɛ̨ ɓoi ɲąnin dɛi tɛi yeemu, mąąhɔlɔɓo ɲáleei tii kaa kulɔi Yálá hee pɛlɛ́ mu. Di ɓa kaa pai kɛi a kɔ̨nɔ̨n, di laa ə ɓo a hali.

Mąątɛ̨nɛ̨ 92:14

Ɉinŋąąi mɔ̨ɔ̨ Yai-Laa yəi bɛlɛ́n, yɛ kɛnɛ̨ gu wɔ Yálái yəi gwəlii.

Ɉaan 15:6

Nui a wala kanąn mą́ą́, da bili ɲɛnɛ̨ɛ̨, yɛ wulu wonwo a kulɔ mą, diɛ gɛ a kwɛi.

Izikiɛ 19:10

Ə́ lee ə kɛ yɛ viɲə kpɔmɔ, yii di ɉin tɛɛ ya kwɛlɛ; ə kɛi ɓa, naa hu wiaa, mąąhɔlɔɓo ya kɛnɛ̨i kɛ mą.

Zɛnɛse 39:23

Mɛ̨nįɠaai kpɔ kɛ a gaho pɛlɛ́ nwun nąmu kɛ kóló, ə gəlee lɛɛ Ɉosɛfə yəi, mąąhɔlɔɓo, Yai-Laa ə kɛ Ɉosɛfə pɔ, yɛ nwɔ mɛ̨nį kəlee hu nɛ̨ɛ̨.

M̀ɛni-lɛɛi 22:2

Daa-lee tii hu, ɛlɛɛ, da ɲálee nwonwo hveelɛi hu, nąą ɓə yɛnɛ̨ɛ̨ kɛ wulu ə kɛ laa, yɛ ɓá gee mɛ̨i pow-kɔw-hveelɛ. Ɲąnįn dɛitɛi yee mu, a ɓá, ɛlɛɛ, naa ə ɓo a hįi lɔiɠaa kɔlɔi pono hɛn.

Izikiɛ 17:8

Di ɉin lɔi lɛlɛɛ hu, tɛɛya kɛnɛ̨ kwɛlɛ; nwonwoɠaa diɛ pɛli tɔɔi mą, yɛ pɛli ɓái, yɛ pɛli kɛi a wulu mąąwia.

Maafîu 13:6

Kɛlaa hvóló ə hee diɛ ə di paa. Mąąhɔlɔɓo, pɔlɔ hvo kɛ laa kɛnɛ̨, di hamu hvo yɛɛ ɉu.

Kɔlɔnikɔ Veerɛi 31:21

Golóɠaai kpɔ ə ɲee too ɉu Yai-Laa ŋą pɛlɛ́i mąą mɛ̨nį ɓa, Yálá nwɔ tɔ́n da mąą pamą wooɠaa mąą mɛ̨nį ɓa; ə gəlee kɛ a Yálá ɲɛ̨i laa kwɛliɛ a nii kəlee, ɛlɛɛ, ɲee ə lɔ.

Zɛnɛse 39:3

Potifarə ə gaa yɛ, Yai-Laa kaa Ɉosɛfə pɔ, mɛ̨nįi a ɲee too ɉu, ɉu a nɛ̨ɛ̨,

Mąątɛ̨nɛ̨ 128:2

Ə́ kaa pai ə́ kɛ kóloɠaa dɔlɔ mį́i. Ə́ nwun na nɛ̨ɛ̨i, ə́ pɔɔ ɓaa yɛnɛ̨ɛ̨ ɲąąnɛ̨ɛ̨.

Azaya 3:10

Ka mo kaa diɛ: tələnmomun nwun na nɛ̨ɛ̨i, hvó gaai kaa pai gɛ tíi dɔlɔ mįi.

Azaya 44:4

Di kaa pai kɛi tɛi, yɛ kala tiliin a kɛ yá kwɛlɛ, yɛ bɔ̨ɔ̨i tɔɔni yá kwɛlɛ.

Zôo 14:9

Ya lɔ ɓaa ya a pu mą, mąą a ma poo, maapoo yɛ tɛ yɛ wulu ɓɔn nįnɛ̨.

Maafîu 21:34

Viɲə ɓai lɔwai, ɉulɔnui tii ə nwɔ kɛlaɠaa tɛɛ laa ə gɛ yii góló kɛ nuą daa gulɔ di nwɛi tɛɛ.

Maafîu 21:19

Jesus ə ɓɔɔlaa wulu ta kaa bələ kwɛlɛ, ə lɛɠɛɛ mą, kɛlaa hvo mą kaa ɉu, naa lɔ ɓə kɛ ɲąąnɛ̨ɛ̨ mą. Ə nwului tii nɛ̨ŋɛ̨n naa yɛ mą: «Hva kpɔ kɛa ɓa tɔ̨nɔ̨ kpɛli!» Mɔɔlaa wului tii ə kpala kpɔlɔ tii ɲąąɓa.

Zûu 1:12

Nuą tii da kɛi di yee lɔ ka yee pɔ Ną́mu nwɔ kɔ́wɔi hu, da mąąliɓi. Da kɛ ka pɔ ɉɛli hu, nwumɛ̨ hva kɛ diɛ, di kpɔwɔ mɛ̨nį lɔ ɓə da mo. Di kaa yɛ tulɔ kpinįn hvaɉa a ɉəɠə, tulɔ hva lɛɛ bulu; yɛ wului hva ɓá, ə mą kɛ mái lɔwai aa ɉəli. Di kaa yɛ wului gulaai gbala ɉaa kpɔ tɛ̨ɛ̨ tɛ̨ɛ̨?.

Azaya 27:11

Ɓɛlɔwai nwulu woŋoɠaa da kpala la, nɛ̨ą da pa di nwɔ̨n naa ɉu, a tɛ̨ą, kili hvo nu huwui ŋɛ̨i ɓa; ya ɓə gɛi, nui di pɛli, hva di mąąwɛli kaa. Nui di kulɔ hva di ɲɛ̨imąąwɛli kaa.

Maafîu 21:41

Ɉaláá laa həli nwun nąmįną da tɔ́n galamɔ̨ɔ̨ɠaa di Jesus woo ŋąąpənə diɛ mą: «A góló kɛ nuą tii hon, ə gəlee paa kpɔ tɛ̨ɛ̨tɛ̨ɛ̨? Hva dɔ̨nɔ̨ kpɛli ɲɛ̨imąąwɛli kaa. Yili pulu a kólo kɛ nuą takpɛliɠaa həɠə ə di tɛɛ ɲəi ɉihɛn ɲɛa, yiiɠaai da pɛli gɛi ə nwɔ hihɛn dɔ̨nɔ̨ hɔlɔɓo ɓɛlɔwai gaa la bɔ.»

Kɔlɔnikɔ Maa-ŋuŋ 22:11

«Nón! Yii hu kɛa, gɛ́, Yai-Laa ə kɛ ə́ pɔ, əgɛ, ə́ yee ə lɔ Yai-Laa ə́ wɔɔ Yálái nwɔ pɛlɛ́i tɔɔ mɛ̨nį ɓa, yɛ bələi ə mo la ə́ laa mɛ̨i!

Mąątɛ̨nɛ̨ 129:8

ɛlɛɛ, nuąi da tɛɛ laa di hva kɛ diɛ: «Yai-Laa ə lúwɔ́ tɔɔ kaa!» Ku kaa lúwɔ́ tooi kaa, Yai-Laa laa hu.

Kɔlɔnikɔ Veerɛi 32:23

Nu tamąą di kɛi pa Ɉerusalɛmə daai a Yai-Laa kɔ́ hɛnŋąą, da mɛ̨inɛ̨ɛ̨ɠaa a Ɉuda tɔɔmun Ezekiasə nwɔɔ. Ə həɠə mɛ̨nįi tii ɓa, yɛnɛ̨ɛ̨ lɔiɠaa kəlee di kɛi mɛlɛ kɛ mą.

Lonon mo 24:6

Di kaa yɛ yee lɔwai lɔiɠaa. Diɛ li lɔ daną daną yɛ yá kɛnɛ̨ kwɛlɛ nɔw yɛa, yɛ alowɛsə wulu Yai-Laa ə ɉin, yɛ yá kwɛlɛ kpitili.

Dutɛrɔnome 28:8

Yai-Laa kaa pai ka wɔ kɔ̨nɔ̨n gələɠaa mɛ̨i kaai, mɛ̨nį lɔpee ka káá pai ka yee tooi ɉu, yɛ lúwɔ́ too mą. Nɔi Yai-Laa ka wɔ Yálái ə dɛɛ ka pɔ, gaa pai lúwɔ́ tooi kaa ɉu.

Tɔɔɓɛlaa veelɛ 18:7

Yai-Laa ə kɛ bɔ, mɛ̨nįi lɔpee kɛ a ɲee lɔ ɉu, ɉu a nɛ̨ɛ̨ ɲəi. Ə nwun gulɔ Asiri tɔɔmun nwɔ heeɓolaa mu, hvo kɛa pənə hvo lɛɛ ɲee mu.

Kɔlɔnikɔ Maa-ŋuŋ 22:13

Akɛ, dɔ́n bɔ liɛwooɠaa, da mąą pamą wooɠaai Yai-Laa ə dɛɛ Moisə pɔ Israɛlə mąą mɛ̨nį ɓa, yá bɔ mɛ̨nįɠaa kɛ, nąąlɔwai, ə́ yee kɔ́nwɔ̨n ɉu a ɓɛlɛ, ə́ yee ə lɔ ə́ kɛ mɛ̨nįɠaa diɛ. 'Ə́ liikpələ, ə́ ə́ hvaŋąlɔ, hvó ɲɔw hɛn nɔpee ta ɓa, ə́ mąą hvó kpɛlin.

Zôo 22:28

Yá ə́ yee too mɛ̨nį ta hu, ɉu a nɛɛ yɛ́, ə́ tɛɛ pələ kəlee hu yɛ pɔ̨nɔ̨.

Mąątɛ̨nɛ̨ 92:15

Ə mą kɛ bɔlɔ kɔ́lɔi ɓə, gwəi nwun ŋąąi lɔ. Ə ɓo lɔ yɛ nu nwųnų, ɉu wala walaa,

Azaya 58:11

Yai-Laa kaa pai kɛi ə́ tɛnɛn dɔɔi a yələ kəlee, yɛ ə́ pilɛ lɔi hu kpalaa hu, yɛ ə́ kɔ́wɔɠaa huwalawala. Ə́ kaa pai kɛi yɛ nɔw yɛai da kɛ ya pui mą, ə́ ɓo yɛ ya nwun gulɔi ya, yai hva kpala.

Izikiɛ 31:5

Bələ ɓə ə kɛnɛ̨ la ə tɛɛ mɛlaa wuluɠaa kəlee diɛ, ɲee kɔ̨nwɔ̨n ɉu ə kɛnɛ̨, ɉu ə kɛnɛ̨ ə tɛɛ lɔwɔi wuluɠaa kəlee diɛ, ɲa kpɛa kpɛaɠaai tii kɛi tɛɛ mu, di haalai.