Maafîu 7:17 - Yálá laawoo hɛɓɛ

¹⁷ Wulu lɛlɛɛ, ɓa lɛlɛɛi. Wulu ɲɔ̨nwɔ̨ɔ̨ ɓa ɲɔ̨nwɔ̨ɔ̨.

Yálá laawoo hɛɓɛ (dc)

¹⁷ Wulu lɛlɛɛ, ɓa lɛlɛɛi. Wulu ɲɔ̨nwɔ̨ɔ̨ ɓa ɲɔ̨nwɔ̨ɔ̨.

Bible

¹⁷ Berei máŋ gáa la tí, wúru lɛ́lɛɛ kélee a ƃâ a m̀á lɛ́lɛɛ, wúru nyɔ́mɔɔ kɛ́ ƃà a m̀á nyɔ́mɔɔ.

Maafîu 7:17 Referans Kwoze

Ifisiɛŋ 5:9

Ɛlɛɛ, kɛɛ pono ɓá ɓaa: Lii nɛ̨ɛ̨ gwəi laa, tələnmo laa da tɛ̨ą.

Mąątɛ̨nɛ̨ 1:3

Gaa yɛ wului daa ɉin ya kwɛlɛ, yɛ ɓá a mái lɔwai, naa hva kpala ɲą a yələ lɔpee ta, gɛ mɛ̨nį kəlee hu a nɛ̨ɛ̨ mą.

Kolosə 1:10

Yili ɓə a gɛ, káá pɛli yɛnɛ̨ɛ̨ kɛi a gu Ną́mu liiɓa, yii gaa bɔ, kaa gwɛli, a kɛ tii, ka kɛ mɛ̨nįɠaa ɲɛ̨i tínɛ̨nŋąą mɛ̨nį lɛlɛɛ pɔ pələ, dɔlɔ ə ɓo mą mɛ̨nį kəlee hu, káá tɛ la tɔwɔ Yálá kɔlɔn mɛ̨nį leelee hu.

Ɉeremi 17:8

Gaa yɛ wului dɔɔ ya kwɛlɛ, ɉamu yɛ li ɲá lii ɓa, hvóló hva ɓɔ ɉu, naa tɛlin ŋąą lɔ a yələ kəlee. Hvóló ə mą hɔɔ kwɛlan dɔ̨nɔ̨ yee mu, hva mɛ̨nį ta kɛ mą, dɛlin gaa lɔ ɉu a yələ kəlee. Má hva kpɛɛ ɉu.

Zûu 1:12

Nuą tii da kɛi di yee lɔ ka yee pɔ Ną́mu nwɔ kɔ́wɔi hu, da mąąliɓi. Da kɛ ka pɔ ɉɛli hu, nwumɛ̨ hva kɛ diɛ, di kpɔwɔ mɛ̨nį lɔ ɓə da mo. Di kaa yɛ tulɔ kpinįn hvaɉa a ɉəɠə, tulɔ hva lɛɛ bulu; yɛ wului hva ɓá, ə mą kɛ mái lɔwai aa ɉəli. Di kaa yɛ wului gulaai gbala ɉaa kpɔ tɛ̨ɛ̨ tɛ̨ɛ̨?.

Filipə 1:11

yili ɓə a gɛ, ká pilɛ kɛa a tələnmolaai a həɠə Jesus Kristə yəi, yɛ pa gu pɔ, guɔ Yálá mąąwiɛ la, guɔ Naa tɛ.

Ɉeremi 11:19

Nwɛ́i, ŋį́ kɛ lɔ di yəi yɛ ɓɛlaa lon, yii hva mąąkɔ̨nwɔ̨, yaai di kaa lííla baa mɛ̨nį ɓa. Gíli hvo kɛ ɉu, gɛ́ kɛ mɛ̨nį ɲɔ̨nwɔ̨ɔ̨ɠaa di kɛi mo, vilɛnŋaa kɛ mą́ą́; yaai di kɛi kɛ la mą: «Ka gu nwulu lɛɛ nwunu kɔ́lɔi, ka gu gulɔ a ɉamu, ka gu gulɔ yɛnɛ̨ɛ̨, əgɛ, nu ta hvo kɛa naa mɛ̨n.»

Azaya 61:3

Nuąi haa aa too diɛ Siɔn daai, ə gɛ: ŋį́ di wɔ mąąwɛli mąąhvalin a mąąwiɛ, ŋį́ di wɔ háá wɔlɔ ɓoɔ mąąhvalin a kwəinɛ̨ɛ̨ wulɔ, kwəinɛ̨ɛ̨ kulɔ həɠə tɛɛ mɛ̨nį ɓa di pɔ, a mɔ̨nɔ̨ mįi həɠə mąąhvalin. Di kaa pai di laa heei a, tələnmo wulu, Nwuluɠaai Yai-Laa ə di hin a ɲɛ̨i ponɔ̨ mɛ̨nį.»

Maafîu 7:18

Wulu lɛlɛɛ hva pɛli ɓa ɲɔ̨nwɔ̨ɔ̨ ɓoi, wulu ɲɔ̨nwɔ̨ɔ̨ hva pɛli ɓa lɛlɛɛ ɓoi.